དཔལ་དུས་ཀྱི་འཁོར་ལོའི་ངེས་དོན་གྱི་དཀའ་བའི་གནས་རྣམས་འགྲེལ་པ་སྲས་དྷརྨེ་ཤྭ་རས་མཛད་པ། སྲས་དྷརྨེ་ཤྭ་ར། གཙུག་གི་ནོར་བུ་བཞི་པའི་འོད་ཅན་བློ་ཡི་མུན་སེལ་བླ་མ་དཔལ། །རང་བྱུང་རྒྱལ་བའི་སྙིང་པོ་མཐའ་བྲལ་ཆོས་ཉིད་དབུ་མ་མཆོག །སྒྲ་རྣམས་རྒྱུར་གྱུར་གཞོམ་མེད་གྲི་གུག་དབྱིབས་ཅན་གཡོ་བའི་ལུས། །སྟོང་གཟུགས་རྣམ་བཅུ་པྲ་ཏི་སེ་ན་དང་འདྲ་གཟུགས་མིན་གཟུགས། །དེ་བརྟེན་དག་པའི་ཡེ་ཤེས་སྐུ་ནི་ཐིག་ལེ་མི་འཕོ་ཉིད། །གཞན་དོན་སྐུ་གཉིས་སྤྲུལ་མཛད་འབྱུང་བའི་ཚོགས་བཅས་གུས་བཏུད་དེ། ། སྦྲང་བུའི་མཆུ་ཡིས་རྡོ་རྗེ་འབིགས་འདོད་བདག་གི་བློ་ལྡན་གྱི། ། བཞད་གད་རྟེན་གྱུར་མོད་ཀྱི་བླ་མའི་མཐུ་ཡིས་དྲན་གྱུར་བསམ། །དགེ་བློའི་ནོར་ཅན་འགའ་ཡིས་འདིར་བརྟགས་འཕྲིག་རྙེད་སྲིད་ནའང་ལེགས། །དོན་འཐོར་ཚིག་མང་བརྟག་དཀའི་གཞུང་ལས་བཟློག་པས་དོན་ཟློས་མེད། ། བསྟན་པའི་སྙིང་པོ་རྡོ་རྗེ་ཐེག་པའི་གཉིས་སུ་མེད་པའི་རྒྱུད་ཀྱི་རྒྱལ་པོ་༼དཔལ་དུས་ཀྱི་འཁོར་ལོ་༽འདིར། །ཡིད་ཆེས་པར་དཀའ་བའི་རྡོ་རྗེའི་ཚིག་བསྡུས་ན་རྣམ་པ་ལྔར་གསུངས་ཏེ། ལྟ་བ་གཏན་ལ་འབེབས་པའི་དུས་སུ་དབུ་མ་པ་རྣམས་ཀྱི་སྟོང་པ་ནི་ཆད་པའི་སྟོང་པ་ཉིད་ཀྱི་ཕྱོགས་སུ་འགྱུར་ལ། འདིར་ནི་བེམས་པོ་མ་ཡིན་པའི་སྟོང་པ་ཉིད་དུ་བརྗོད་པ་དང༌། རྒྱུའི་རྒྱུད་གཏན་ལ་འབེབས་པའི་སྐབས་སུ། གཞི་སེམས་ཀྱི་ངོ་བོ་རང་བཞིན་གྱིས་དག་པ་ཡིན་ཀྱང༌། འཁོར་བའི་བདེ་སྡུག་གནས་སྐབས་ཐ་དད་པར་སྣང་བ་ནི། གློ་བུར་བའི་སྒྲིབ་པར་གསུངས་ལ། དེ་ཉིད་ཀྱང་འཕོ་བའི་བག་ཆགས་རྩ་བའི་རྒྱུ་ཉིད་དུ་བརྗོད་པ་དང༌། ཐབས་ཀྱི་རྒྱུད་གཏན་ལ་འབེབས་པའི་སྐབས་སུ། ལམ་གྱི་མི་མཐུན་པའི་ཕྱོགས་ཀྱི་རྒྱུད་ལ་གནོད་པ་ཐེངས་པའི་སྣང་བ་དུ་བ་ལ་སོགས་པ་སྟོང་པ་ཉིད་ཀྱི་གཟུགས་པྲ་ཏི་སེ་ན་ལྟ་བུ། ཉིན་མཚན་གཅིག་བསྒོམས་པ་ནས་བརྩམས་ཏེ། མངོན་སུམ་དུ་མཐོང་བ་ཉིད་དུ་བརྗོད་པ་དང༌། ཐབས་ཀྱི་རྒྱུད་གཏན་ལ་འབེབས་པའི་སྐབས་སུ་བདག་གི་དོན་གྱི་སྐུ་བྱང་ཆུབ་ཀྱི་སེམས་ཀྱི་ཐིག་ལེ་མི་འཕོ་བའི་བདེ་བས་ཕུག་པའི་སེམས་མཆོག་ཏུ་མི་འགྱུར་བའི་བདེ་བ་རྒྱུན་ཆད་པ་མེད་པ་སངས་རྒྱས་ཀྱི་ཡོན་ཏན་ཐམས་ཅད་ཀྱི་གཞིར་གྱུར་པ་ཉིད་དུ་བརྗོད་པ་དང༌། འབྲས་བུའི་རྒྱུད་གཞན་དོན་ཕུན་སུམ་ཚོགས་པ་འབྱུང་བའི་རྐྱེན།
རྩོམ་འཕྲོ་ཀློགས། »

དབེན་པའི་ན་བུན། སྤྲེལ་རྨོངས་སད། ༡ སྙན་ངག་དང་བདག་གི་བར་ཐག བདག་གི་ཀློག་པ་བོ་ལགས། ཕྲན་གྱིས་ཁྱེད་ཚོ་ལ་དམིགས་བསལ་གྱི་སྐད་ཆ་བཤད་རྒྱུ་ཅི་ཡང་མེད། ༼དབེན་པའི་ན་བུན།༽ཞེས་པ་འདི་བདག་གི་སྙན་དེབ་འདིའི་ཁ་བྱང་ཡིན་ལ་མི་ཚེ་རི་ལ་བཅོལ་བའི་གྲྭ་གཞོན་ཞིག་གི་མིའི་ངང་གཤིས་ཀྱིས་གྱེར་ཞིང་དབེན་པའི་རི་སུལ་ནས་བཏུས་པའི་ཉམས་རྟོག་གི་ལྟ་མགུར་ཞིག་ཀྱང་ཡིན། དབུས་ལ་འགྲོ་མཁན་ནི་གྲྭ་རྐྱང་ཚོ་ཡིན་དགོས་པའི་ངེས་པ་མེད་ནའང་། དབེན་པའི་ན་བུན་གྱི་གསེབ་ཏུ་གྲྭ་རྐྱང་ཚོས་རང་གི་སེམས་ཁོང་ནས་ཐག་རིང་གི་དབུས་ལམ་ཞིག་དྲན་གྱིན་ཡོད་ཅིང་། དེ་ནི་གྲྭ་རྐྱང་ཚོས་མི་རྟག་པའི་འཁོར་བ་འདི་ལ་བཅངས་པའི་བརྩེ་བའི་མིག་ཆུ་ཞིག་ཅི་ལ་མིན་ཨང་། མིག་ཆུ་འདིའི་ལྗིད་ཚད་དང་མངར་སྐྱུར་བར་ནས་བདག་གིས་ཀྱང་སྔོན་མ་ཚོ་ནང་བཞིན་ཆེས་ཐོག་མའི་གོམ་པ་དང་བོ་ཨ་མའི་པང་ནས་སྤོས་ཏེ་འགྱེལ་ཞོར་ལངས་ཞོར་དང་ངུ་ཞོར་དགོད་ཞོར་དེ་རིང་གི་མཚམས་འདིར་ཡོང་བ་ཡིན། ཆེས་ཐོག་མའི་བག་ཆགས་ནི་མིའི་རིགས་ཀྱི་ཆེས་ཐོག་མའི་ལམ་ནོར་རམ་ཡང་ན་ཁ་ཕྱོགས་རེད། ཐོག་དང་བོར་བདག་གིས་ཨ་ཁུའི་ཁ་འདོན་གྱི་༼དཔེ་ཆ་ཚི་སྟུག་མ་༽དེ་དང་ཨ་མའི་གནའ་གཏམ་ཁྲོད་ཀྱི་གསོན་ཉམས་ལྡན་པའི་ནང་དབུགས་ཧལ་ཧལ་གྱི་སྣང་བརྙན་དེ་མཐོང་མེད་རྒྱུ་ན་ད་ལྟ་ང་ཡང་ཤོག་ངོས་ཀྱི་ལུ་གུ་འཚོ་མཁན་དུ་གྱུར་མེད་པར་མུ་མེད་ལུང་སྟོང་ཞིག་ན་ཁ་ངོ་བཙག་གིས་ཕྱིད་པའི་རྩྭ་ཐང་གི་རྫི་བོ་གསེག་ཐས་དེ་ཚོའི་གྲས་སུ་ཐེ་ཡོད་ངེས། ཡིན་ནའང་བདག་གིས་མཛེས་སྡུག་ལྡན་པའི་མཐའ་ཡས་པའི་རྩྭ་ཐང་ནི་ནམ་ཡིན་ཡང་སེམས་ནས་འབོར་མི་ཐུབ་སྟེ་རྩྭ་ཐང་འདི་ལ་བརྟེན་ནས་བདག་གིས་མི་མང་བོ་ཞིག་ལ་རང་གི་ནང་སེམས་ཀྱི་སྐད་ཆ་ངོ་མ་ཞིག་བཤད་ཐུབ་སོང་སྙམ་གྱིན་ཡོད། གལ་ཏེ་ང་རང་རྩྭ་ཐང་འདི་ལའང་ཡ་བྲལ་དུ་གྱུར་སོང་ན་བདག་གིས་སྙན་ངག་ཅེས་པ་འདི་བ་སྤུ་མང་བོ་ཐོགས་པའི་ཙི་གུ་ཞིག་གམ་ཡང་ན་༼གོ་རེ་སྣུམ་བཙོས་མ་༽ཞིག་ཏུ་ངོས་འཛིན་སྲིད་ལ་ལོ་ངོ་མང་བོ་ཞིག་གི་རིང་ལ་ཨ་མས་ང་ལ་བཤད་པའི་གཏམ་རྒྱུད་དེ་དག་ཀྱང་ཆུད་ཟོས་སུ་བཏང་ཚར་སོང་། བདག་གིས་ཕ་ཡུལ་དང་རྩྭ་ཐང་གཞི་གཅིག་ཏུ་ཡིད་ལ་བསྒོམས་ཤིང་ཉམས་ལེན་བྱེད་དུས་བདག་གི་སེམས་པ་འདི་ཁྱོན་ནས་རང་བྱུང་ཁམས་ཆེན་པོ་ཞིག་ཏུ་གྱུར་འགྲོ་སྟེ་ལན་རེར་ཕ་ཡུལ་དང་ལན་རེར་རྩྭ་ཐང་རེད། རྒྱུ་མཚན་དེས་བདག་ལ་ཡོད་པའང་རྩྭ་ཐང་གི་མེ་ཏོག་དང་རྫི་གླུ། སྦྲ་ནག དར་ལྕོག་དང་རྡོ་འབུམ། རི་རྩེའི་སྤྲིན་དཀར། རྡོ་རྐོས་ཀྱི་ཡི་གེ་ཀྱ་ཀྱུ། ཁེར་སྡོམ་བྱེད་ཀྱིན་པའི་རི་སྤྱང་། གཞན་ཡང་བདག་ཆུང་དུས་སུ་རྐང་རྗེན་ངང་ཨ་མའི་ལག་འགོར་འཇུས་ཏེ་འགྲོ་མྱོང་བའི་ཐག་རིང་གི་དགོན་སྡེ་དེ་དག་ཡིན་ལ། འདི་དག་ནི་ཆེད་དུ་དབྱངས་ཅན་མས་ང་ལ་བསྩལ་བའི་ངའི་སྙན་ངག་གི་ཐོག་མའི་ས་བོན་ཡིན། ཞོགས་ཟིལ་དྭངས་མོ་ཞིག་ས་ལ་ལྷུང་བའི་དུས་ཚོད་སྐད་ཅིག་མ་དེ་ནི་ཅི་འདྲའི་ཕངས་སེམས་སྐྱེས་དགོས་པ་ཞིག་རེད་ཨང་། བདག་གི་སྙན་ངག་གི་ལྟ་བའི་གཞི་རྐང་ཐོག་མའང་སྡོམ་སྟེ་བཤད་ན་འདི་ནས་ཆགས་པ་ཡིན་ཞིང་། འཁོར་བ་ལ་ཞེ་མེར་ཞིང་བྱས་བྱས་ལ་གཏད་སོ་བྲལ་བ་ནི་སུས་ཀྱང་ཁས་ལེན་སྲིད་པ་ཞིག་ཡིན་ནའང་སྙན་ངག་གི་ངོས་ནས་དེ་ནི་མཛེས་སྡུག་ཅིག་དང་། དེ་ནི་ལོངས་སྤྱོད་ཅིག་དང་། དེ་ནི་འགུལ་རིས་ཤིག་རེད། ཇི་ལྟར་བཤད་ཀྱང་ང་ཚོ་འཁོར་བ་ན་ཡོད་ཤག་ཤག་སྟེ་འཁོར་བའི་འཁྲུན་ཐག་གིས་ང་ཚོའི་རས་གཟན་གྱི་གྲུ་ཁ་ལ་ཨུ་ཁུང་རེ་རེ་བཏོད་ཡོད་ལ། ལྟ་ཤེས་ན་ཨུ་ཁུང་དེ་དག་གིས་ང་ཚོ་ཧྲིལ་གཅིག་ཏུ་ཐར་བ་ལ་བགྲོད་ཆོག་པའི་གོ་སྐབས་ཀྱི་སྒེའུ་ཁུང་རེ་རེ་ཕྱེས་ཡོད་པ་ཡིན།
རྩོམ་འཕྲོ་ཀློགས། »

ཤམ་བྷ་ལའི་བཀོད་པ་གསལ་བར་བྱེད་པ་ཤམ་བྷ་ལའི་རྒྱན་ཞེས་བྱ་བ། ཆོས་རྒྱལ་ཕྱོགས་ལས་རྣམ་རྒྱལ། དཔལ་ལྡན་བླ་མ་དམ་པ་དང་དཔལ་དུས་ཀྱི་ལོ་ལ་གུས་པས་ཕྱག་འཚལ་ལོ། ། ལྷ་ཡི་བཀོད་པའི་གྲོང་མཆོག་ཤམ་བྷ་ལར། ། ལྷ་མཆོག་རྣམས་ཀྱིས་གཙུག་གིས་གུས་བསྟེན་ཅིང༌། ། ལྷ་མའི་ཀླ་ཀློའི་ཆོས་ལུགས་མཐར་མཛད་པ། ། ལྷ་ཡི་ལྷར་གྱུར་རྒྱལ་རྣམས་མཉེས་གྱུར་ཅིག ། རིགས་ལྡན་རིགས་གསུམ་མགོན་གྱི་སྤྲུལ་བའི་སྐུ། ། བླ་མེད་བླ་མའི་ཞབས་ལ་གུས་བཏུད་དེ། ། ཐེག་མཆོག་སྔགས་ཀྱི་གནས་མཆོག་ཤམ་བྷ་ལའི། ། གནས་ཚུལ་རྒྱུད་འགྲེལ་དོན་བཞིན་བསྟན་པར་བྱ། ། འདིར་རྡོ་རྗེ་ཐེག་པའི་བསྟན་པ་ཟབ་པ་ལས་ཀྱང་ཆེས་ཟབ་པའི་ཚུལ། སྟོན་པ་པོ་ས་བཅུའི་དབང་ཕྱུག་ཆོས་རྒྱལ་རིགས་ལྡན་རྣམས་ཀྱི་སེམས་རྣམ་པར་དག་པའི་སྐལ་བ་དང་ལྡན་པའི་གདུལ་བྱ་དཔག་ཏུ་མེད་པ་ལ་རབ་ཏུ་གསལ་བར་སྟོན་པའི་གནས་ཡོངས་སུ་དག་པའི་ཞིང་ཤམ་བྷ་ལའི་བཀོད་པ་ལ། བླ་མ་རྣམས་ཀྱིས་བཞེད་ཚུལ་མི་འདྲ་བ་ཅི་རིགས་སྣང་ན་ཡང༌། བདག་གི་དཔལ་ལྡན་བླ་མ་དམ་པ་ཆོས་ཀྱི་རྗེ་རིན་པོ་ཆེ་ཐམས་ཅད་མཁྱེན་པ་ཉིད་ཀྱི་བཞེད་ལུགས་འདི་ཉིད་ཁྱད་པར་དུ་འཕགས་པར་སྣང་ཞིང༌། འདི་ཉིད་གཞིར་བཞག་པའི་སྟེང་དུ་རྒྱའི་ཚད་ལ་སོགས་པ་མི་འདྲ་བ་ཅུང་ཟད་ཙམ་བདག་གིས་རྒྱུད་འགྲེལ་ཆེན་པོའི་སྟེང་ནས་གོ་བའི་ཚུལ་བརྗོད་པར་བྱའོ། ། དེ་ལ་ཆོས་ཀྱི་རྗེ་བོའི་བཞེད་པ་ནི། འཇིག་རྟེན་ཁམས་ལེའི་ཚིགས་བཅད་བརྒྱ་ལྔ་བཅུ་པ་དང༌། བརྒྱ་ལྔ་བཅུ་རྩ་གཅིག་པར་འགྱུར་གསར་པ་ལ། ཆང་དང་ལན་ཚྭའི་ཆུ་གཏེར་དབུས་སུ་ཐུབ་པ་ས་ཡི་དཀྱིལ་འཁོར་ལ་ནི་ལས་ས་ཡང་དག་གནས།
རྩོམ་འཕྲོ་ཀློགས། »

རྒྱས་པའི་བསྟན་བཅོས་ཚད་མ་རྣམ་འགྲེལ་གྱི་ཚིག་ལེའུར་བྱས་པ། དཔལ་ཆོས་ཀྱི་གྲགས་པ། རྒྱ་གར་སྐད་དུ། པྲ་མཱ་ཎ་བར་ཏཱི་ཀ་ཀཱ་རི་ཀཱ། བོད་སྐད་དུ། ཚད་མ་རྣམ་འགྲེལ་གྱི་ཚིག་ལེའུར་བྱས་པ། ༈ འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། ། ༈ རྟོག་པའི་དྲྭ་བ་རྣམ་བསལ་ཞིང་། །ཟབ་ཅིང་རྒྱ་ཆེའི་སྐུ་མངའ་བ། །ཀུན་ཏུ་བཟང་པོའི་འོད་ཟེར་དག །ཀུན་ནས་འཕྲོ་ལ་ཕྱག་འཚལ་ལོ། ། ༈ སྐྱེ་བོ་ཕལ་ཆེར་ཕལ་ལ་ཆགས་ཤིང་ཤེས་རབ་རྩལ་མེད་པས་ན་ལེགས་བཤད་རྣམས། །དོན་དུ་མི་གཉེར་ཁོ་ནར་མ་ཟད་ཕྲག་དོག་དྲི་མ་དག་གིས་སྡང་བར་ཡང་། །ཡོངས་གྱུར་དེས་ན་བདག་ལ་འདི་ནི་གཞན་ལ་ཕན་པ་ཡིན་ཞེས་བསམ་པའང་མེད། །སེམས་ནི་ཡུན་རིང་ལེགས་བཤད་གོམས་པ་ལྷུར་ལེན་བསྐྱེད་ཕྱིར་འདི་ལ་དགའ་བ་སྐྱེས། ། ༈ ཕྱོགས་ཆོས་དེ་ཆས་ཁྱབ་པ་ཡི། །གཏན་ཚིགས་དེ་ནི་རྣམ་གསུམ་ཉིད། །མེད་ན་མི་འབྱུང་ངེས་ཕྱིར་རོ། །གཏན་ཚིགས་ལྟར་སྣང་དེ་ལས་གཞན། ། རང་དོན་རྗེས་སུ་དཔག་པ་སྟེ་ལེའུ་དང་པོ། ༈ རྒྱུ་ལ་རང་བཞིན་ཇི་སྙེད་ཅིག
རྩོམ་འཕྲོ་ཀློགས། »