Author Archives: རིག་མཛོད་རྩོམ་སྒྲིག་པ།

དཔལ་འཁོར་ལོ་སྡོམ་པའི་རྩ་རྒྱུད། ཤཱཀྱ་ཐུབ་པ། རྒྱ་གར་སྐད་དུ། ཤྲཱི་ཧེ་རུ་ཀ་རཱ་ཛཾ་ཙཀྲ་སཾ་པ་ར་བྷི་དྷ་ན་ཡོ་གི་ནི་རུད་ཏ་ར་སརྦ་ཏན་ཏྲོད་ཏ་ར་སཾ་བ་ར་སཾ་གྲ་ཧ་ནཱ་མ། བོད་སྐད་དུ། དཔལ་ཁྲག་འཐུང་གི་རྒྱལ་བོ་འཁོར་ལོ་སྡོམ་པར་བརྗོད་པ་རྣལ་འབྱོར་མ་བླ་ན་མེད་པ་རྒྱུད་ཐམས་ཅད་ཀྱི་བླ་མ་བདེ་མཆོག་བསྡུས་པ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། དེ་ནས་དེ་ལས་གསང་ཆེན་བཤད་པར་བྱ། མདོར་བསྡུས་པ་སྟེ་རྒྱས་པ་མིན།། ཤྲཱི་ཧེ་རུ་ཀར་ཡང་དག་སྦྱོར།། འདོད་པའི་དོན་ཀུན་སྒྲུབ་བྱེད་པ།། བླ་མ་ལས་ཀྱང་བླ་མ་སྟེ།། མཁའ་འགྲོ་མ་ཡི་དྲ་བའི་སྡོམ།། གསང་བ་མཆོག་གིས་དགྱེས་པ་ན།། ཐམས་ཅད་བདག་ཉིད་རྟག་ཏུ་བཞུགས།། མཁའ་འགྲོ་ཀུན་དངོས་སེམས་དཔའ་ནི།། རྡོ་རྗེ་སེམས་དཔའ་བདེ་བའི་མཆོག། འདི་ནི་རང་བྱུང་བཅོམ་ལྡན་དཔའ།། མཁའ་འགྲོ་དྲ་བའི་སྡོམ་པ་ཡིན།། འབྱུང་བ་སྒྲ་ཚུལ་ལས་བྱུང་རྣམས།། དམ་ཚིག་སྤྱོད་པའི་སྤྱོད་ཡུལ་ཡིན།། ཐོག་མ་དབུས་མཐར་ཡང་དག་གནས།། འཇིག་རྟེན་གསུམ་དུ་རྙེད་དཀའ་བ།། བསྲུབ་བྱ་སྲུབ་བྱེད་ཡང་དག་སྦྱོར།། ཇི་ལྟ་བ་ནི་དེ་བཞིན་ཏེ།། སྔགས་བཟླས་བསམ་གཏན་ལ་སོགས་ལྡན།། སྦྱོར་ཉིད་ཆོ་གའི་ཡེ་ཤེས་ནི།། རྣམ་འབྱོར་བླ་ན་མེད་པ་ཡི།། རྒྱུད་ནི་བཤད་ཀྱིས་མཉན་པར་གྱིས།། དབུགས་འབྱིན་པར་མ་མཆོག་དག་དང༌།།
རྩོམ་འཕྲོ་ཀློགས། »

འཕགས་པ་དཀོན་མཆོག་གསུམ་རྗེས་སུ་དྲན་པའི་མདོ་ཞེས་བྱ་བ། ཤཱཀྱ་ཐུབ་པ། ༄༅། །ཐམས་ཅད་མཁྱེན་པ་ལ་ཕྱག་འཚལ་ལོ། །འདི་ལྟར་སངས་རྒྱས་བཅོམ་ལྡན་འདས་དེ་ནི་དེ་བཞིན་གཤེགས་པ། དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེ་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སོ། ། དེ་བཞིན་གཤེགས་པ་དེ་ནི་བསོད་ནམས་དག་གི་རྒྱུ་མཐུན་པ། དགེ་བའི་རྩ་བ་རྣམས་ཆུད་མི་ཟ་བ། བཟོད་པས་རབ་ཏུ་བརྒྱན་པ། བསོད་ནམས་ཀྱི་གཏེར་རྣམས་ཀྱི་གཞི། དཔེ་སྤྱད་བཟང་པོ་རྣམས་ཀྱིས་སྤྲས་པ། མཚན་རྣམས་ཀྱི་མེ་ཏོག་རྒྱས་པ། སྤྱོད་ཡུལ་རན་པར་མཐུན་པ། མཐོང་ན་མི་མཐུན་པ་མེད་པ། དད་པས་མོས་པ་རྣམས་ལ་མངོན་པར་དགའ་བ། ཤེས་རབ་ཟིལ་གྱིས་མི་ནོན་པ། སྟོབས་རྣམས་ལ་བརྫི་བ་མེད་པ། སེམས་ཅན་ཐམས་ཅད་ཀྱི་སྟོན་པ། བྱང་ཆུབ་སེམས་དཔའ་རྣམས་ཀྱི་ཡབ། འཕགས་པའི་གང་ཟག་རྣམས་ཀྱི་རྒྱལ་བོ། མྱ་ངན་ལས་འདས་པའི་གྲོང་ཁྱེར་དུ་འགྲོ་བ་རྣམས་ཀྱི་དེད་དཔོན། ཡེ་ཤེས་དཔག་ཏུ་མེད་པ།
རྩོམ་འཕྲོ་ཀློགས། »

འཕགས་པ་དཀོན་མཆོག་གསུམ་རྗེས་སུ་དྲན་པའི་མདོ་ཞེས་བྱ་བ། ཐུབ་པའི་མཛད་པ་བཅུ་གཉིས་ལ་བསྟོད་པ་ཞེས་བྱ་བ། བཤེས་གཉེན་བསྟེན་ཚུལ་བླ་མ་ལྔ་བཅུ་བ་ཞེས་བྱ་བ། ཀུན་མཁྱེན་ཡབ་སྲས་ཀྱི་གསོལ་འདེབས་བར་ཆད་ལམ་སེལ་ཞེས་བྱ་བ། ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད། བློ་སྦྱོང་ཚིགས་བརྒྱད་མ། བཅོལ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་བོ་ཞེས་བྱ་བ། ཟབ་ལམ་སྦྱོར་དྲུག་བླ་མ་བརྒྱུད་པའི་གསོལ་འདེབས། ཟབ་ལམ་རྡོ་རྗེའི་རྣལ་འབྱོར་གྱི་སྔོན་འགྲོའི་ངག་འདོན་མཁའ་སྤྱོད་བགྲོད་པའི་ཐེམ་སྐས། ཤམྦྷ་ལའི་ཞིང་བཀོད་ཀྱི་བསྟོད་སྨོན། བླ་མའི་རྣལ་འབྱོར་དངོས་གྲུབ་འགུགས་པའི་ལྕགས་ཀྱུ་ཞེས་བྱ་བ། སྦྱོར་དྲུག་བླ་མའི་རྣལ་འབྱོར་བྱིན་རླབས་ཆར་འབེབས་ཞེས་བྱ་བ། བླ་མ་མཆོད་པའི་ཆོ་ག་བདེ་ལེགས་རབ་རྒྱས་ཞེས་བྱ་བ། ཀུན་མཁྱེན་ཆེན་པོའི་གསོལ་འདེབས་རྒྱལ་མདུན་མ། ཀུན་མཁྱེན་ཡབ་སྲས་བཅུ་བཞིའི་གསོལ་འདེབས། རྗེ་བཙུན་ཏཱརནཱ་ཐའི་གསོལ་འདེབས་གསོལ་བདེ་ཆེན་ཟབ་གསལ་མ། རྩ་བའི་བླ་མའི་གསོལ་འདེབས་དངོས་གྲུབ་འབྱུང་གནས་ཞེས་བྱ་བ། རྒྱུན་བཤགས། རྩ་ལྟུང་བཤགས་པ། ྋརྒྱལ་བའི་ཞབས་བརྟན་གསོལ་འདེབས་འཆི་མེད་གྲུབ་པའི་དབྱངས་སྙན་ཞེས་བྱ་བ། བླ་མ་མཆོད་པའི་ཚོགས་ཀྱི་འཁོར་ལོའི་ཆོ་ག་ཞེས་བྱ་བ། རྗེ་བཙུན་མ་གཙོ་འཁོར་ལ་མཎྜལ་བཞི་ཡིས་མཆོད་པའི་ཐབས་གྲུབ་གཉིས་མྱུར་སྩོལ་ཞེས་བྱ་བ། རྗེ་བཙུན་འཕགས་མ་སྒྲོལ་མའི་ཉེར་བསྟོད་ཅེས་བྱ་བ། འཕགས་པ་ཕུང་བོ་གསུམ་པ་ཞེས་བྱ་བའི་མདོ། དུས་ཀྱི་འཁོར་ལོའི་བསྟོད་པའི་མངོན་རྟོགས་ཉེར་བསྡུས། དཔལ་དུས་ཀྱི་འཁོར་ལོ་བསྡུས་པའི་རྒྱུད་ཀྱི་རྒྱལ་པོའི་སྙིང་པོ་ཞེས་བྱ་བ། དཔལ་གསང་བ་འདུས་པ་ཞེས་བྱ་བ་རྒྱུད་ཀྱི་རྒྱལ་པོ་ཆེན་པོ། དཔལ་འཁོར་ལོ་སྡོམ་པའི་རྩ་རྒྱུད། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ་ཞེས་བྱ་བ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་བོ་ཞེས་བྱ་བ།
རྩོམ་འཕྲོ་ཀློགས། »

དཔལ་དུས་ཀྱི་འཁོར་ལོའ་རིམ་གཉིས་འབྲོ་ལུགས་ཀྱི་བརྒྱུད་པའི་གསོལ་འདེབས་རྡོ་རྗེ་འབེབས་པ་ཆེན་པོ་ཞེས་བྱ་བ། ཡོན་ཏན་རྒྱ་མཚོ། ༀ་ཨཱཿཧཱུྃ་ཧོཿཧཾ་ཀྵཿ །རྣམ་ཀུན་མཆོག་ལྡན་ཐིག་ལེ་སྟོང་པ་དྲུག །འགྱུར་མེད་བདེ་བ་སྟོང་ཆེན་ཡི་གེ་ལྔ། །སྙོམས་ཞུགས་འོད་གསལ་བདེ་གཤེགས་སྙིང་པོ་ལ། །གསོལ་བ་འདེབས་སོ་རྡོ་རྗེའི་ཡེ་ཤེས་སྩོལ། །ཐོག་མཐའ་དབུས་གནས་དུས་དང་ཡོན་ཏན་མེད། །སྐད་ཅིག་གཅིག་གིས་བྱང་ཆུབ་ཐམས་ཅད་མཁྱེན། །ཡེ་ཤེས་རྡོ་རྗེ་ཕྱག་རྒྱ་ཆེན་མོ་ལ། །གསོལ་བ་འདེབས་སོ །མཆོག་ཏུ་མི་འགྱུར་སྐྱེ་འཇིགས་སྤངས་པའི་བདེ། །རྣམ་པ་ལྔ་ཡིས་བྱང་ཆུབ་ཡེ་ཤེས་སྐུ། །ཐུགས་ཀྱི་རྡོ་རྗེ་དང་པོའ་སངས་རྒྱས་ལ། །གསོལ་བ། གཞོམ་མེད་སྒྲ་བརྙན་བདེན་དོན་བཅུ་གཉིས་པ། །རྣམ་པ་ཉི་ཤུས་བྱང་ཆུབ་ཉིན་མོར་བྱེད། །གསུང་གི་རྡོ་རྗེ་དུས་ཀྱི་འཁོར་ལོ་ལ། །གསོལ་བ །ཞི་བའི་གཟུགས་བརྙན་དེ་ཉིད་བཅུ་དྲུག་རིག །སྒྱུ་དྲྭས་བྱང་ཆུབ་པདྨ་འདབ་རྒྱས་སྤྱན། །སྐུ་ཡི་རྡོ་རྗེ་ཤཱཀྱ་ཐུབ་པ་ལ། །གསོལ་བ །རྡོ་རྗེ་ཟླ་བ་དྲི་མེད་འོད་བཟང་པོ། །ལྷ་དབང་གཟི་བརྗིད་ཟླ་བྱིན་ལྷའི་དབང་ ཕྱུག །སྣ་ཚོགས་གཟུགས་དང་ལྷ་ཡི་དབང་ལྡན་ལ། །གསོལ་བ །ས་བཅུའི་དབང་ཕྱུག་ཚོགས་ཀྱི་སྤྲུལ་པའི་སྐུ། །འཇམ་དཔལ་གྲགས་པ་པདྨ་དཀར་པོ་སོགས།
རྩོམ་འཕྲོ་ཀློགས། »