དགེ་ལུགས་དཔེ་ཚོགས།

སྐལ་ལྡན་རྒྱ་མཚོའི་མགུར་འབུམ།

སྐལ་ལྡན་རྒྱ་མཚོའི་མགུར་འབུམ།

སྐལ་ལྡན་རྒྱ་མཚོ།

ཨོྃ་སྭསྟི།། སྲས་བཅས་རྒྱལ་བའི་རྨད་བྱུང་མཛད་པའི་ཁུར།། ཡོངས་རྫོགས་ཉམས་པ་མེད་པར་ལེགས་བཟུང་ནས།། ཕྱོགས་འདིར་སྐལ་ལྡན་གདུལ་བྱ་རྒྱ་མཚོའི་ཚོགས།། རྣམ་འདྲེན་བླ་མ་མཆོག་དེས་བདག་སྐྱོངས་ཤིག། ཡབ་རྗེ་དམ་པས་ཐབས་མཁས་ཐུགས་རྗེ་ཡིས།། བརྒྱད་ཁྲི་བཞི་སྟོང་ཆོས་ཀྱི་ཡང་བཅུད་རྣམས།། རྣར་སྙན་ཡིད་འབབ་སྐྱོ་གླུའི་རྣམ་པ་རུ།། ལེགས་གསུངས་མགུར་མའི་རིམ་པ་འདིར་བཞུགས་སོ།། རིང་བརྒྱུད་གཉིས་ཀའི་གསོལ་འདེབས་དང་བསྟོད་པ། ན་མོ་གུ་རུ་བུངྔྷ་བོ་ངྷི་ས་ཏྭ་ཡ།། བསྟན་པའི་བདག་པོ་སྟོན་པ་སངས་རྒྱས་དང་།། རྒྱལ་བ་བྱམས་མགོན་ཐོགས་མེད་དབྱིག་གི་གཉེན།། འཕགས་པ་གྲོལ་སྡེ་བཙུན་པ་རྣམ་གྲོལ་སྡེ།། གསོལ་བ་འདེབས་སོ་ཐུགས་རྗེའི་ལྕགས་ཀྱུས་ཟུངས།། མཆོག་སྡེ་དུལ་བའི་སྡེ་དང་རྣམ་སྣང་མཛད།། སེང་བཟང་ཀུ་སཱ་ལི་གཉིས་དགེ་བ་ཅན།། གསེར་གླིང་པ་དང་ཇོ་འབྲོམ་དགོན་པ་བ།། གསོལ་བ་འདེབས་སོ་ཐུགས་རྗེའི་ལྕགས་ཀྱུས་ཟུངས།། སྣེ་ཟུར་བ་དང་འདུལ་འཛིན་ཐག་མ་པ།། ནམ་མཁའ་སེང་གེ་ནམ་མཁའ་རྒྱལ་པོ་དང་།། སེང་གེ་བཟང་པོ་རྒྱལ་སྲས་བཟང་པོའི་ཞབས།། གསོལ་བ་འདེབས་སོ་ཐུགས་རྗེའི་ལྕགས་ཀྱས་ཟུངས།། ལྷོ་བྲག་གྲུབ་ཆེན་རྒྱལ་བ་ཙོང་ཁ་པ།། རྒྱལ་ཚབ་འདུལ་འཛིན་མཁས་གྲུབ་རིན་པོ་ཆེ།། བ་སོ་ཆོས་རྗེ་གྲུབ་ཆེན་ཆོས་རྡོར་བ།།
རྩོམ་འཕྲོ་ཀློགས། »

སྐྱབས་འགྲོའི་ཁྲིད་ཡིག

བསྟན་པའི་འཇུག་སྒོ་སྐྱབས་འགྲོའི་ཁྲིད་ཡིག་ཕན་བདེའི་ལམ་བཟང་གསལ་བའི་སྒྲོན་མེ་ཞེས་བྱ་བ།

དཀོན་མཆོག་བསྟན་པའི་སྒྲོན་མེ།

ན་མོ་གུ་རུ་རཏྣ་ཏྲ་ཡཱ་ཡ། མཁྱེན་དང་བརྩེ་བ་འཕྲིན་ལས་ཕུན་ཚོགས་སྟོན་པ་མཉམ་མེད་རྫོགས་སངས་རྒྱས། ། ལུང་དང་རྟོགས་པའི་བསྟན་པ་རིན་ཆེན་སྲིད་ཞིའི་གདུང་སེལ་དམ་པའི་ཆོས། ། རིག་དང་གྲོལ་བའི་ཡོན་ཏན་བརྒྱད་ལྡན་འཕགས་པ་ཕྱིར་མི་ལྡོག་པའི་ཚོགས། ། ལུས་དང་ངག་ཡིད་གུས་པས་མཆོད་དོ་འབྲལ་མེད་བྱང་ཆུབ་བར་དུ་སྐྱོངས། །

གང་ལ་བརྟེན་ན་ནམ་ཡང་མི་སླུ་བའི། ། སྐྱབས་ཀྱི་དམ་པ་མཆོག་གསུམ་དབང་གི་རྒྱལ། ། དད་པའི་རྒྱལ་མཚན་རྩེ་མོར་ལེགས་མཆོད་ནས། ། དངོས་གྲུབ་གྲུ་ཆར་འབེབས་རྣམས་སྐལ་བ་བཟང་། ། དེ་སླད་མོས་བརྩོན་དགེ་བའི་བློ་གྲོས་ཀྱི། ། བགྲོད་པ་མི་དམན་ཞི་བའི་མགྲོན་རྣམས་ལ། ། ཕན་བདེའི་ལམ་བཟང་འཇུག་ངོགས་གསལ་བའི་ཕྱིར། ། ལེགས་བཤད་གཏམ་གྱི་སྒྲོན་མེ་སྦར་བར་བྱ། ། དེའང་འཇམ་མགོན་བླ་མ་ཙོང་ཁ་བ་ཆེན་པོའི་ཞལ་ནས།
རྩོམ་འཕྲོ་ཀློགས། »

ནང་ཆོས་ངོ་སྤྲོད།

ནང་ཆོས་ངོ་སྤྲོད།

རྒྱལ་དབང་བསྟན་འཛིན་རྒྱ་མཚོ།

ཕྱི་ལོ་ ༢༠༠༦ ལོའི་ཆོ་འཕྲུལ་དུས་ཆེན་གྱི་འཁྲུངས་རབས་གསུང་ཆོས་སྐབས་སུ་བསྩལ་བའི་བཀའ་ཆོས།  གང་གིས་ཐུགས་བརྩེས་ཉེར་བཟུང་ནས། །
ལྟ་བ་ཐམས་ཅད་སྤངས་པའི་ཕྱིར། །
དམ་པའི་ཆོས་ནི་སྟོན་མཛད་པ། །
གཽ་ཏམ་དེ་ལ་ཕྱག་འཚལ་ལོ། །ཆོས་བརྒྱུད་ཁག་གི་ལྟ་གྲུབ་དང༌། ཆོས་ཀྱི་ཕན་ཡོན་སྐོར། དེ་རིང་འདིར་བོད་ཟླ་དང་པོའི་ཚེས་བཅོ་ལྔ་ཉིན། ནམ་རྒྱུན་ཆོ་འཕྲུལ་ཟླ་བའི་སྐབས་འདིར་ལྷ་ས་གཙོ་བོར་གྱུར་པའི་བོད་ཀྱི་ས་ཁུལ་མང་པོར་སྨོན་ལམ་ཆེན་མོའི་དུས་མཆོད་ཚུགས་ཀྱི་ཡོད་ལ། ང་རང་ཚོ་འདིར་བཙན་བྱོལ་བ་ཆགས་ཏེ་གནས་པའི་རིང་ལའང་སྨོན་ལམ་ཆེན་མོ་ལོ་བསྟར་ཆགས་སུ་འདི་ལྟར་ཚུགས་ཀྱི་ཡོད། དེ་རིང་ཆོ་འཕྲུལ་སྨོན་ལམ་ཆེན་མོའི་དུས་ཚིགས་ཁྱད་པར་ཅན་ཡིན་པས། ནམ་རྒྱུན་སྔོན་གྱི་ཕྱག་སྲོལ་ལ་སྟོན་པའི་བཀའ་དྲིན་དྲན་པ་དང༌། སྟོན་པའི་སྐུ་གསུང་ཐུགས་ཀྱི་ཡོན་ཏན་དྲན་རྒྱུར་སྐྱེ་རབས་འཆད་ཉན་བྱེད་པའི་ཕྱག་སྲོལ་ཡོད་པ་རེད། ད་ལན་འདིར་ང་རང་ཚོ་བོད་མི་གཙོ་བོར་གྱུར་པའི་བོད་དང་ཆོས་བརྒྱུད་གཅིག་པ་ཡིན་པའི་ཧི་མ་ལ་ཡའི་རི་རྒྱུད་ཀྱི་མི་སྣ་ཡང་འཛོམས་ཡོད་ལ། དེ་བཞིན་སོག་ཡུལ་ནས་ཡོང་བའི་ཆོས་བྱེད་སེར་སྐྱ་གང་འཚམས་ཤིག་ཀྱང་འདིར་ཡོད་ཅིང༌། སོག་པོའི་ཡུལ་ཁག་ནས་ཡོང་བ་དེ་དག་ང་ཚོ་བོད་དང་ཆོས་བརྒྱུད་གཅིག་པ་ཆགས་ཡོད། དེ་མིན་རྒྱ་ནག་དང་ཐའེ་ཝན་སོགས་ནས་རྒྱ་རིགས་གང་འཚམས་ཤིག་ཀྱང་ཡོད་ལ། གཞན་ཡང་ཀོ་རི་ཡ་དང༌། ཉི་ཧོང༌། ཝི་ཏི་ན་མི་སི་ཡང་འགའ་ཞིག་ཡོད་པ་བཅས་སྟོན་པའི་རྗེས་འབྲངས་གཅིག་གྱུར་གྱི་ཆོས་ཞུ་བ་དེ་དག་ཡུལ་ཁག་མི་འདྲ་བ་ནས་འདི་ལྟར་འབྱོར་ཡོད་པ་རེད། དེ་མིན་ནུབ་ཕྱོགས་རྒྱལ་ཁབ་དེ་སྔ་སངས་རྒྱས་ཀྱི་ཆོས་དང་འབྲེལ་བ་མེད་ཅིང༌། ཕ་མེས་ནས་ཆོས་བརྒྱུད་མི་འདྲ་བ་ཡོད་པའི་ཡུལ་ཁག་ནས་ཡོང་བ་སྟེ། དེང་གི་དུས་སུ་འཛམ་གླིང་འདི་བཞིན་གཅིག་གིས་གཅིག་ལ་འབྲེལ་བ་བྱེད་རྒྱུ་ལས་སླ་ཞིང༌། ཕན་ཚུན་གྱི་གནས་ཚུལ་མང་པོ་ཞིག་ལས་སླ་པོའི་ཐོག་ནས་ཤེས་ཐུབ་ཀྱི་ཡོད།
རྩོམ་འཕྲོ་ཀློགས། »

རྟེན་འབྲེལ་བསྟོད་པ།

རྟེན་འབྲེལ་བསྟོད་པ།

བློ་བཟང་གྲགས་པ།

ན་མོ་གུ་རུ་མཉྫུགྛགྷོཥཡ། གང་ཞིག་གཟིགས་ཤིང་གསུང་བ་ཡིས། ། མཁྱེན་དང་སྟོན་པ་བླ་ན་མེད། ། རྒྱལ་བ་རྟེན་ཅིང་འབྲེལ་བར་འབྱུང༌། ། གཟིགས་ཤིང་འདོམས་པ་དེ་ལ་འདུད། །

འཇིག་རྟེན་རྒུད་པ་ཇི་སྙེད་པ། ། དེ་ཡི་རྩ་བ་མ་རིག་སྟེ། ། གང་ཞིག་མཐོང་བས་དེ་ལྡོག་པ། ། རྟེན་ཅིང་འབྲེལ་བར་འབྱུང་བར་གསུངས། །

དེ་ཚེ་བློ་དང་ལྡན་པ་ཡིས། ། རྟེན་ཅིང་འབྲེལ་བར་འབྱུང་བའི་ལམ། ། ཁྱོད་ཀྱི་བསྟན་པའི་གནད་ཉིད་དུ། ། ཇི་ལྟར་ཁོང་དུ་ཆུད་མི་འགྱུར། །

དེ་ལྟ་ལགས་ན་མགོན་ཁྱོད་ལ།
རྩོམ་འཕྲོ་ཀློགས། »