ཐེག་པ་ཆེན་པོ་བློ་སྦྱོང་དོན་བདུན་གྱི་ཁྲིད་ཡིག ཏཱ་ར་ནཱ་ཐ། ཨོཾ་སྭ་སྟི། བླ་མ་དམ་པའི་ཞབས་ཀྱི་པདྨོ་ལ་གུས་པས་ཕྱག་འཚལ་ལོ།། འདིར་དཔལ་ལྡན་ཨ་ཏི་ཤའི་བཀའ་བརྒྱུད་དྲི་མ་མེད་པ་རྣམས་ཀྱི་ཐུགས་དམ་གྱི་མཐིལ་ནི། བདག་གཞན་བརྗེ་བའི་བྱང་ཆུབ་ཀྱི་སེམས་ལགས་ཏེ། སྤྱིར་རྒྱལ་བ་འབྲོམ་གྱི་བཀའ་བརྒྱུད་རྣམས་ལ། སྔགས་དང་ཅུང་ཟད་འབྲེལ་བའི་གདམས་ངག་དང༌། མདོ་ལུགས་རང་རྐང་གི་གདམས་ངག་བརྗོད་ཀྱིས་མི་ལངས་བ་ཞིག་བཞུགས་ཤིང༌།
ཕྱག་རྒྱ་ཆེན་པོ་གསལ་སྒྲོན། ཡུ་མོ་མི་བསྐྱོད་རྡོ་རྗེ། བླ་མ་རྗེ་བཙུན་གྱི་ཞབས་ཀྱི་པདྨོ་ལ་ཕྱག་འཚལ་ལོ།། ངེས་དོན་ཕྱག་རྒྱ་ཆེན་པོ། རྡོ་རྗེ་ཐེག་པ་ལས་ཕྱག་རྒྱ་ཆེན་པོའི་དངོས་གྲུབ་ཅེས་གསུངས་ལས། ལྷའི་སྐུར་བསྒོམ་པ་ལ་འདོད་པ་དང༌། སྐུ་སྟོན་པར་བྱེད་པའི་ཕྱག་རྒྱ་འཆིང་བ་ལ་འདོད་པ་དང༌། སྐུ་གསུང་ཐུགས་བྱིན་གྱིས་བརླབས་པ་ལ་འདོད་པ་ལ་སོགས་པ་ཕྱག་རྒྱ་ཆེན་པོ་ལ་བཤད་པ་མང་དུ་ཡོད་ཀྱང༌།
ནང་ཆོས་ངོ་སྤྲོད། རྒྱལ་དབང་བསྟན་འཛིན་རྒྱ་མཚོ། ཕྱི་ལོ་ ༢༠༠༦ ལོའི་ཆོ་འཕྲུལ་དུས་ཆེན་གྱི་འཁྲུངས་རབས་གསུང་ཆོས་སྐབས་སུ་བསྩལ་བའི་བཀའ་ཆོས། གང་གིས་ཐུགས་བརྩེས་ཉེར་བཟུང་ནས། །
ལྟ་བ་ཐམས་ཅད་སྤངས་པའི་ཕྱིར། །
དམ་པའི་ཆོས་ནི་སྟོན་མཛད་པ། །
གཽ་ཏམ་དེ་ལ་ཕྱག་འཚལ་ལོ། །ཆོས་བརྒྱུད་ཁག་གི་ལྟ་གྲུབ་དང༌། ཆོས་ཀྱི་ཕན་ཡོན་སྐོར། དེ་རིང་འདིར་བོད་ཟླ་དང་པོའི་ཚེས་བཅོ་ལྔ་ཉིན། ནམ་རྒྱུན་ཆོ་འཕྲུལ་ཟླ་བའི་སྐབས་འདིར་ལྷ་ས་གཙོ་བོར་གྱུར་པའི་བོད་ཀྱི་ས་ཁུལ་མང་པོར་སྨོན་ལམ་ཆེན་མོའི་དུས་མཆོད་ཚུགས་ཀྱི་ཡོད་ལ། ང་རང་ཚོ་འདིར་བཙན་བྱོལ་བ་ཆགས་ཏེ་གནས་པའི་རིང་ལའང་སྨོན་ལམ་ཆེན་མོ་ལོ་བསྟར་ཆགས་སུ་འདི་ལྟར་ཚུགས་ཀྱི་ཡོད། དེ་རིང་ཆོ་འཕྲུལ་སྨོན་ལམ་ཆེན་མོའི་དུས་ཚིགས་ཁྱད་པར་ཅན་ཡིན་པས། ནམ་རྒྱུན་སྔོན་གྱི་ཕྱག་སྲོལ་ལ་སྟོན་པའི་བཀའ་དྲིན་དྲན་པ་དང༌། སྟོན་པའི་སྐུ་གསུང་ཐུགས་ཀྱི་ཡོན་ཏན་དྲན་རྒྱུར་སྐྱེ་རབས་འཆད་ཉན་བྱེད་པའི་ཕྱག་སྲོལ་ཡོད་པ་རེད། ད་ལན་འདིར་ང་རང་ཚོ་བོད་མི་གཙོ་བོར་གྱུར་པའི་བོད་དང་ཆོས་བརྒྱུད་གཅིག་པ་ཡིན་པའི་ཧི་མ་ལ་ཡའི་རི་རྒྱུད་ཀྱི་མི་སྣ་ཡང་འཛོམས་ཡོད་ལ། དེ་བཞིན་སོག་ཡུལ་ནས་ཡོང་བའི་ཆོས་བྱེད་སེར་སྐྱ་གང་འཚམས་ཤིག་ཀྱང་འདིར་ཡོད་ཅིང༌། སོག་པོའི་ཡུལ་ཁག་ནས་ཡོང་བ་དེ་དག་ང་ཚོ་བོད་དང་ཆོས་བརྒྱུད་གཅིག་པ་ཆགས་ཡོད། དེ་མིན་རྒྱ་ནག་དང་ཐའེ་ཝན་སོགས་ནས་རྒྱ་རིགས་གང་འཚམས་ཤིག་ཀྱང་ཡོད་ལ། གཞན་ཡང་ཀོ་རི་ཡ་དང༌། ཉི་ཧོང༌། ཝི་ཏི་ན་མི་སི་ཡང་འགའ་ཞིག་ཡོད་པ་བཅས་སྟོན་པའི་རྗེས་འབྲངས་གཅིག་གྱུར་གྱི་ཆོས་ཞུ་བ་དེ་དག་ཡུལ་ཁག་མི་འདྲ་བ་ནས་འདི་ལྟར་འབྱོར་ཡོད་པ་རེད། དེ་མིན་ནུབ་ཕྱོགས་རྒྱལ་ཁབ་དེ་སྔ་སངས་རྒྱས་ཀྱི་ཆོས་དང་འབྲེལ་བ་མེད་ཅིང༌། ཕ་མེས་ནས་ཆོས་བརྒྱུད་མི་འདྲ་བ་ཡོད་པའི་ཡུལ་ཁག་ནས་ཡོང་བ་སྟེ། དེང་གི་དུས་སུ་འཛམ་གླིང་འདི་བཞིན་གཅིག་གིས་གཅིག་ལ་འབྲེལ་བ་བྱེད་རྒྱུ་ལས་སླ་ཞིང༌། ཕན་ཚུན་གྱི་གནས་ཚུལ་མང་པོ་ཞིག་ལས་སླ་པོའི་ཐོག་ནས་ཤེས་ཐུབ་ཀྱི་ཡོད། གནས་ཚུལ་དེའི་འོག་ནས་ཤར་ཕྱོགས་ཀྱི་ཆོས་བརྒྱུད་དེ་འདྲར་དོ་སྣང་སླེབས་པ་དང༌། དེའི་ནང་ཚན་ནས་སངས་རྒྱས་པའི་ཆོས་ལ་དོ་སྣང་བྱེད་མཁན་མང་པོ་ཞིག་ཡོང་གི་ཡོད།
རྩོམ་འཕྲོ་ཀློགས། »
འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོའི་བཀའ་འབུམ། རྒྱལ་པོ་ལུགས་ཀྱི་བསྟན་བཅོས། ངེས་ཤེས་རིན་པོ་ཆེའི་སྒྲོན་མེ།