དགེ་བཤེས་ཐང་བ་རྡོ་རྗེ།
༡༽བདག་ནི་སེམས་ཅན་ཐམས་ཅད་ལ། །
ཡིད་བཞིན་ནོར་བས་ལྷག་པ་ཡིན། །
དོན་མཆོག་སྒྲུབ་པའི་བསམ་པ་ཡིས། །
མཆོག་ཏུ་གཅེས་པར་འཛིན་པ་བསླབ། །
༢༽གང་དུ་སུ་དང་འགྲོགས་པའི་ཚེ། །
བདག་ལ་ཀུན་ནས་དམན་ལྟ་ཞིང༌། །
གཞན་ལ་བསམ་པ་ཐག་པ་ཡི། །
མཆོག་ཏུ་འཛིན་པ་གུས་པས་བསླབ། །
༣༽སྤྱོད་ལམ་ཀུན་ཏུ་རང་རྒྱུད་ལ། །
བརྟག་ཅིང་ཉོང་མོངས་སྐྱེས་མ་ཐག །
བདག་གཞན་མ་རུངས་བྱེད་པས་ན། །
བཙན་ཐབས་གདོང་ནས་བཟློག་པར་བསླབ། །
༤༽རང་བཞིན་ངན་པའི་སེམས་ཅན་དང་༌། །
སྡིག་སྡུག་དྲག་པོས་ནོན་པ་ལ། །
རིན་ཆེན་གཏེར་དང་ཕྲད་པ་ལྟར། །
རྙེད་པར་དཀའ་བས་གཅེས་འཛིན་བསླབ། །
༥༽བདག་ལ་གཞན་གྱི་ཕྲག་དོག་གི །
གཤེ་བསྐུར་ལ་སོགས་མི་རིགས་པའི། །
གྱོང་ཁ་རང་གིས་ལེན་པ་དང༌། །
རྒྱལ་ཁ་གཞན་ལ་འབུལ་བར་བསླབ།
༦༽ གང་ལ་བདག་གིས་ཕན་བཏགས་པའི། །
རེ་བ་ཆེ་བ་གང་ཞིག་གིས། །
ཤིན་ཏུ་མི་རིགས་གནོད་བྱས་ནའང་༌། །
བཤེས་གཉེན་དམ་པར་བལྟ་བར་བསླབ། །
༧༽མདོར་ན་དངོས་སམ་བརྒྱུད་པ་ཡི། །
ཕན་བདེ་མ་ལུས་ཀུན་ལ་དབུལ། །
མ་ཡི་གནོད་དང་སྡུག་བསྔལ་ཀུན། །
གུས་པས་རང་གི་ལེན་པར་བསླབ། །
བཤེས་གཉེན་དམ་པར་བལྟ་བར་བསླབ། །
༨༽དེ་དག་ཀུན་ཀྱང་ཆོས་བརྒྱད་ཀྱི། །
རྟོག་པའི་དྲི་མས་མ་སྦགས་པར། །
ཆོས་རྣམས་སྒྱུ་མར་ཤེས་པ་ཡི། །
ཞེན་པའི་འཆིང་ལས་གྲོལ་བར་བསླབ། །