དཔལ་ཇོ་ནང་བའི་ལུགས་ཀྱི་ལྟ་སྒོམ་སྤྱོད་འབྲས་་་
༄༅། །དཔལ་ཇོ་ནང་བའི་ལུགས་ཀྱི་ལྟ་སྒོམ་སྤྱོད་འབྲས་ཀྱི་དོན་ཤིན་ཏུ་བསྡུས་པ་བཞུགས་སོ།། ཇོ་ནང་ཀུན་མཁྱེན་ཕྱོག་ལས་རྣམ་རྒྱལ། ན་མོ་གུ་རུ་ཝེ། ལྟ་བསྒོམས་སྤྱོད་པ་རྣམ་དག་ལེགས་བསྟན་ནས། །སྐལ་ལྡན་འབྲས་མཆོག་ཐོབ་པའི་དོན་མཛད་དང༌། ། ཆོས་རྗེ་ཆོས་རྗེ་ཀུན་མཁྱེན་དོལ་པོ་པ།བླ་མའི་ཞབས་པད་གུས་མཆོད་ནས། །ལྟ་བསྒོམ་སྤྱོད་འབྲས་མདོར་བསྡུས་གསལ་བར་བྱ། ། འདིར་རྣལ་འབྱོར་བ་བསྒྲུབ་པའི་སྙིང་པོ་ཉམས་སུ་ལེན་ཅིང༌། ཐ་སྙད་ཀྱི་སྤྲོས་པ་ཉུང་ངུ་ལ་མངོན་པར་དད་པ་འགའ་ཞིག་གི་ངོར། ལྟ་བསྒོམ་སྤྱོད་འབྲས་ཀྱི་དོན་ངོས་བཟུང་བ་ལ། དང་པོར་ལྟ་བའི་དོན་ངོས་བཟུང་བ་ནི། སངས་རྒྱས་ཀྱི་བསྟན་པ་བརྗོད་བྱ་བདེན་པ་གཉིས་ལ་བརྟེན་པ་ལས། རེ་ཞིག་ཀུན་རྫོབ་བདེན་པའི་གནས་ལུགས་ནི། སྣང་བ་རྟེན་ཅིང་འབྲེལ་པར་འབྱུང་བ་འདི། ལེགས་པར་རྣམ་པར་དཔྱད་ན་ཅིར་ཡང་མ་གྲུབ་ཅིང༌། རང་རང་གི་ངོ་བོས་སྟོང་པ་ཉིད་ཡིན་ལ་མ་བརྟགས་མ་དཔྱད་པའི་ངོར་སྣ་ཚོགས་སུ་སྣང་ཡང༌། སྣང་བ་ལྟར་གྱི་དངོས་པོར་མི་བདེན་པར་རྨི་ལམ་དང་སྒྱུ་མའི་སྣང་བ་དང་མཚུངས་པ་ནི་ཀུན་རྫོབ་བདེན་པའི་གནས་ལུགས་སུ་ཤེས་པར་བྱའོ། །དོན་དམ་བདེན་པའི་གནས་ལུགས་ནི། མཚན་ཉིད་ཐེག་པའི་དབུ་མ་པའི་གཞུང་ལུགས་སྨྲ་བ་རྣམས་ནི། འདི་ལྟར་སྣང་བའི་དངོས་པོ་ལ། །རིག་པས་བརྟགས་ན་འགའ་མི་རྙེད། །མ་རྙེད་པ་ནི་དོན་དམ་སྟེ། །ཡེ་ནས་གནས་པའི་མཚན་ཉིད༌། །ཞེས་འབྱུང་བ་ལྟར་ཀུན་རྫོབ་ཀྱི་བདེན་པ་སྣང་བ་རྟེན་ཅིང་འབྲེལ་པར་འབྱུང་བ་འདི་ཡང་དག་པར་ན། གང་དུ་མ་གྲུབ་པ་ཉིད། དོན་དམ་བདེན་པའི་གནས་ལུགས་སུ་འདོད་པ་མང་ན་ཡང༌། དེ་ནི་རེ་ཤིག་མཚན་ཉིད་ཐེག་པའི་དབུ་མ་པའི་གཞུང་དུ་བསྟན་པའི།
རྩོམ་འཕྲོ་ཀློགས། »