Category: ཆོས་སྤྱོད་སྣ་ཚོགས།

ཟབ་ལམ་རྡོ་རྗེའི་རྣལ་འབྱོར་གྱི་སྔོན་འགྲོའི་ངག་འདོན་མཁའ་སྤྱོད་བགྲོད་པའི་ཐེམ་སྐས་ཞེས་བྱ་བ། ཏཱ་ར་ནཱ་ཐ། ན་མ་ཤྲིའ་ཀ་ལ་ཙཀྲཱ་ཡ། མཆོག་གསུམ་སྐྱབས་འགྲོ་དང་ནི་སེམས་བསྐྱེད་བྱ། །རྡོར་སེམས་བསྒོམས་ཏེ་སྒྲིབ་སྦྱོང་ཡིག་བརྒྱ་བཟླ། །མཎལ་ཆོ་གས་ལུས་དང་ལོངས་སྤྱོད་འབུལ། །བླ་མའི་རྣལ་འབྱོར་བསྒོམ་ཞིང་གསོལ་བ་གདབ། །བསྐྱེད་པའི་རིམ་པས་ཐ་མལ་རྣམ་རྟོག་སྤངས། །སྒོ་གསུམ་དབེན་པར་གནས་པའི་མི་རྟོག་བསྒོམ། །ཞེས་བསྡོམས་སོ།། བླ་མ་དང་ལྷག་པའི་ལྷ་ལ་ཕྱག་འཚལ་ལོ། །འདིར་ཟབ་ལམ་རྡོ་རྗེའི་རྣལ་འབྱོར་གྱི་སྔོན་དུ་འགྲོ་བའི་ངག་འདོན་མཁའ་སྤྱོད་བགྲོད་པའི་ཐེམ་སྐས་ཞེས་བྱ་བ་ལ། དང་བོ་ཆོས་སྤྱིའི་རྩ་བ་སྐྱབས་འགྲཱུ་བྱ་བ་ནི། དབེན་པའི་གནས་སུ་སེམས་རྣལ་དུ་ཕབས་ནས། རང་གང་དུ་གནས་པའི་ས་ཕྱོགས་འདི་ཉིད་དག་པའི་ཞིང་ཁམས་ཆེན་པོ་ཡངས་ཤིང་རྒྱ་ཆེ་བར་གྱུར་བའི་དབུས་སུ། རིན་པོ་ཆེ་སྣ་ཚོགས་ལས་གྲུབ་པའི་གཞལ་མེད་ཁང་རྒྱན་དང་བཀོད་པ་ཕུན་སུམ་ཚོགས་པ། དེའི་དབུས་སུ་དཔག་བསམ་གྱི་སྡོང་བོ་ཡལ་ག་ལོ་འདབ་མེ་ཏོག་འབྲས་བུ་རབ་ཏུ་རྒྱས་པའི་རྩེ་མོར།སེངྒེས་བཏེགས་པའི་རིན་པོ་ཆེའི་ཁྲི་ཡངས་ཤིང་རྒྱ་ཆེ་བ་སྣ་ཚོགས་པདྨ་ཉི་ཟླ་བརྩེགས་པའི་གདན་ལ། རྩ་བའི་བླ་མ་རྡོ་རྗེ་འཆང་གི་རྣམ་པ་ཅན་ལ་བརྒྱུད་པའི་བླ་མ་རྣམས་དང༌། ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱིས་བསྐོར་བ། ཤིང་དེའི་རྩ་བ་ན་མཁའ་འགྲོ་ཆོས་སྐྱོང་སྲུང་མ་ཡེ་ཤེས་ཀྱི་སྤྱན་དང་ལྡན་པ་བསྟན་སྲུང་རྒྱ་མཚཱུའི་ཚོགས་རྣམས་ཀྱང་བདག་ལ་སྐྱོབ་པའི་ཚུལ་གྱིས་བཞུགས་པ་དང༌། བླ་མའི་སྐུའི་མདུན་ཕྱོགས་སུ། དཔལ་རྒྱལ་བ་ཤཱཀྱ་ཐུབ་པ་སོགས་ཕྱོགས་བཅུ་དུས་གསུམ་གྱི་སངས་རྒྱས་མཆོག་གི་སྤྲུལ་བའི་སྐུ་རྣམས་དང༌། གཡས་ཕྱོགས་སུ་འཇམ་དཔལ་ལ་སོགས་པ་བྱང་ཆུབ་སེམས་དཔའི་དགེ་འདུན་རྣམས་དང༌།གཡོན་དུ་ཤཱ་རའི་བུ་ལ་སོགས་པ་ཉན་རང་འཕགས་པའི་ཚོགས་རྣམས་དང༌། རྒྱབ་ཏུ་ཆོས་དཀོན་མཆོག་རྣམས་རྣམ་པ་གླེག་བམ་གྱི་ཚུལ་ཅན་རྣམས་བཞུགས་པར་མོས་ཏེ། རང་དང་ལྷན་ཅིག་ཏུ་མཁའ་མཉམ་གྱི་སེམས་ཅན་ཐམས་ཅད་ཀྱང༌། བླ་མ་དཀོན་མཆོག་སྐྱབས་གནས་རྒྱ་མཚོའི་ཚོགས་ལ་མོས་གུས་ཀྱི་གདུང་བ་ཆོན་པོས་སྐྱབས་འགྲོ་བྱེད་པར་མོས་ཤིང༌། ཁྱད་པར་སེམས་ཅན་ཐམས་ཅད་ལ་སྙིང་རྗེ་ཆེན་པོས་ཀུན་ནས་བསླངས་ཏེ། འདི་རྣམས་འཁོར་བའི་སྡུག་བསྔལ་ལས་སྐྱབ་ཏུ་གསོལ་སྙམ་དུ་འདུན་པ་ཤུགས་དྲག་པོས་སྐྱབས་སུ་འགྲོ་བ་དངོས་ནི། དང་པོ་སྐྱབས་སུ་འགྲོ་བ། མནམ་མཁའ་དང་མཉམ་པའི་སེམས་ཅན་ཐམས་ཅད།
རྩོམ་འཕྲོ་ཀློགས། »

ཟབ་ལམ་སྦྱོར་དྲུག་བླ་མ་བརྒྱུད་པའི་གསོལ་འདེབས། ཏཱ་ར་ནཱ་ཐ། ཀྱཻ་མ་སོམས་དང་གྲངས་མེད་བསྐལ་བ་རུ།། རྙེད་དཀའི་དལ་འབྱོར་ལན་གཅིག་ཐོབ་པ་འདི།། རབ་ཏུ་འཇིག་སླ་འཆི་སྐྱེན་བསམ་མི་ཁྱབ།། གཅེས་སྐྱོང་ལུས་འདི་དེ་རིང་ཉིན་འཆི་སྲིད།། མི་དགེ་ལོག་ལྗི་མཚམས་མེད་སྡུག་བསྔལ་རྒྱུ།། འཁོར་བའི་བྱ་བ་ཐམས་ཅད་སྤངས་བྱས་ནས།། ཅུང་ཟད་ལོང་ཡོད་དུས་འདིར་ལུས་ངག་ཡིད།། ཐར་བའི་ཕན་ཡོན་བསམ་ནས་ཆོས་བསྒྲུབ་འཚལ།། དཔལ་ལྡན་རྩ་བའི་མ་རིན་པོ་ཆེ།། བདག་སོགས་སྤྱི་བོར་པདྨའི་གདན་བཞུགས་ནས།། བཀའ་དྲིན་ཆེན་པོས་སྒོ་ནས་རྗེས་བཟུང་སྟེ།། སྐུ་གསུང་ཐུགས་ཀྱིས་དངོས་གྲུབ་བསྩལ་ཏུ་གསོལ།། ཆོས་འཁོར་གསུམ་གྱི་དགོང་པ་ཇི་བཞིན་མཁྱེན།། རྒྱུད་སྡེ་བཞི་ཡི་དེ་ཉིད་ཐུགས་སུ་ཆུད།། འགྲོ་བ་ཀུན་ལ་མ་ནོར་ལམ་སྟོན་པ།། ཀུན་མཁྱེན་ཆོས་ཀྱི་རྗེ་ལ་གསོལ་བ་འདེབས།། རབ་རྒྱས་ཕན་བདེ་འབྱུང་གནས་རིན་པོ་ཆེ།། འགྲོ་བའི་སྐྱབས་གཅིག་སངས་རྒྱས་ཀུན་གྱི་དངོས།། ཁྱབ་བདག་ངོ་བོ་རྗེ་བཙུན་སྲིད་ཞིའི་མགོན།། ཀུན་དགའ་སྙིང་བོའི་ཞབས་ལ་གསོལ་བ་འདེབས།། གང་ཞིག་དྲན་པས་སྡུག་བསྔལ་ཀུན་སེལ་ཞིང༌།། གུས་པས་བསྟེན་ན་བླ་མེད་མཆོག་སྩོལ་བ།། དབང་རྒྱུད་མན་ངག་དོན་སྟོན་ལ་སོགས་པའི།། རྩ་བའི་བླ་མ་རྣམས་ལ་གསོལ་བ་འདེབས།། ཨོཾ་གུ་རུ་བུདྡྷ་བྷོ་དྷི་ས་ཏྭ་བ་ན་མོ་ན་མཿ གང་ཞིག་ཕུན་ཚོགས་ཀུན་གྱི་གཞི།། བླ་མེད་གོ་འཕང་ཡིད་བཞིན་ནོར།། འགྲོ་བ་ཀུན་ལ་ཉེར་སྩོལ་བ།།
རྩོམ་འཕྲོ་ཀློགས། »

ཀུན་མཁྱེན་ཡབ་སྲས་ཀྱི་གསོལ་འདེབས་བར་ཆད་ལམ་སེལ་ཞེས་བྱ་བ། བློ་གྲོས་གྲགས་པ། ཆོས་སྐུ་དོན་དམ་དབྱིངས་ལས་ཉེར་བཞེངས་པ། །ཀུན་རྫོབ་གཞན་ངོར་རླབས་ཆེན་འགྲོ་མགོན་རྗེ། །རིགས་ལྡན་སྤྲུལ་སྐུ་ཡབ་སྲས་བརྒྱུད་འཛིན་ཚོགས། །དགོངས་ཆེན་ཀློང་ནས་གཟིགས་རྒྱ་བསྐྱེད་དུ་གསོལ། །དུས་གསུམ་སངས་རྒྱས་རྟོན་པ་བཞི་ལྡན་ཆེ། །ཐུགས་སྲས་ཀུན་སྤངས་ཆེན་པོ་ཆོས་གྲགས་དཔལ། །གང་རྣམ་གཉིས་ལ་གུས་པས་སྐྱབས་གསོལ་ན། །བར་ཆད་ཀུན་སེལ་ཆོས་མཐུན་འགྲུབ་བྱིན་རློབས། །ཇོ་ནང་ལོ་ཙཱ་བློ་གྲོས་དཔལ་གྱི་མཚན། །མ་ཏི་པཎ་ཆེན་རྒྱལ་མཚན་དཔལ་བཟང་པོ། །གང་རྣམ་གཉིས་ལ་གུས་པས་སྐྱབས་གསོལ་ན། །བར་ཆད་ཀུན་སེལ་ཆོས་མཐུན་འགྲུབ་བྱིན་རློབས། །ཀུན་མཁྱེན་ཕྱོགས་ལས་རྣམ་པར་རྒྱལ་བའི་སྡེ། །འབྲི་གུང་ལོ་ཙཱ་མ་ཎི་ཀ་ཤྲི་མཚན། །གང་རྣམ་གཉིས་ལ་གུས་པས་སྐྱབས་གསོལ་ན། །བར་ཆད་ཀུན་སེལ་ཆོས་མཐུན་འགྲུབ་བྱིན་རློབས། །སྨན་ཆུ་ཁ་བ་བློ་གྲོས་རྒྱལ་མཚན་ཆེ། །རྒྱལ་སྲས་རིན་ཚུལ་མཛད་པ་ཟླ་བྲལ་བ། །གང་རྣམ་གཉིས་ལ་གུས་བས་སྐྱབས་གསོལ་ན། །བར་ཆད་ཀུན་སེལ་ཆོས་མཐུན་འགྲུབ་བྱིན་རློབས། །ཞང་སྟོན་རྒྱལ་བོ་བསོད་ནམས་གྲགས་པའི་མཚན། །གྷ་རུང་ལྷ་ཡི་རྒྱལ་མཚན་མཁས་པའི་ཕུལ། །གང་རྣམ་གཉིས་ལ་གུས་པས་སྐྱབས་གསོལ་ན། །བར་ཆད་ཀུན་སེལ་ཆོས་མཐུན་འགྲུབ་བྱིན་རློབས། །ཉ་དབོན་ཀུན་དགའ་དཔལ་བཟང་རིགས་པའི་གཏེར། །ཕུན་ཚོགས་དཔལ་བཟང་འགྲོ་བའི་འདྲེན་པ་རྗེ། །གང་རྣམ་གཉིས་ལ་གུས་པས་སྐྱབས་གསོལ་ན། །བར་ཆད་ཀུན་སེལ་ཆོས་མཐུན་འགྲུབ་བྱིན་རློབས།
རྩོམ་འཕྲོ་ཀློགས། »

བཤེས་གཉེན་བསྟེན་ཚུལ་བླ་མ་ལྔ་བཅུ་བ་ཞེས་བྱ་བ། སློབ་དཔོན་བྷ་བི་ལྷ། རྒྱ་གར་སྐད་དུ། གུ་རུ་པཉྩ་ཤི་ཀ བོད་སྐད་དུ། བླ་མ་ལྔ་བཅུ་བ། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །དཔལ་ལྡན་རྡོ་རྗེ་སེམས་དཔའི་གནས་ཐོབ་རྒྱུར་གྱུར་པའི། །བླ་མའི་ཞབས་ཀྱི་པདྨོར་ཇི་བཞིན་བཏུད་བྱས་ཏེ། །དེ་བསྟེན་པ་ནི་དྲི་མེད་རྒྱུད་མང་ལས་གསུངས་པ། །མདོར་བསྡུས་བཤད་པ་འདི་ནི་གུས་པས་མཉན་པར་གྱིས། ། དབང་བསྐུར་མཆོག་ཐོབ་རྡོ་རྗེ་ཡི། །སློབ་དཔོན་ལ་ནི་དེ་བཞིན་གཤེགས། །ཕྱོགས་བཅུའི་འཇིག་རྟེན་ཁམས་བཞུགས་པས། །དུས་གསུམ་དུ་ནི་མངོན་ཕྱག་འཚལ། །མཆོག་ཏུ་དད་པས་དུས་གསུམ་དུ། །དཀྱིལ་འཁོར་མེ་ཏོག་བཅས་ཐལ་མོས། །སྟོན་པ་བླ་མ་བསྙེན་བཀུར་ཞིང༌། །ཞབས་ལ་སྤྱི་བོས་ཕྱག་བྱ་འོ། །ཁྱིམ་པ་འམ་ནི་གསར་བུ་ལ། །འཇིག་རྟེན་སྨོད་པ་སྤང་པའི་ཕྱིར། །དམ་ཆོས་ལ་སོགས་མདུན་བདར་ཏེ། །བརྟུལ་ཞུགས་འཛིན་པས་བློས་ཕྱག་བྱ། །གདན་བསྟབ་པ་དང་ལྡང་བ་དང༌། །དོན་གྱི་བྱ་བ་སོགས་བསྙེན་བཀུར། །བརྟུལ་ཞུགས་ཅན་གྱིས་ཀུན་བྱ་སྟེ། །ཕྱག་དང་དམ་པ་མིན་ལས་སྤངས། །བླ་མ་དང་ནི་སློབ་མ་དག །མཚུངས་པར་དམ་ཚིག་ཉམས་འགྱུར་བས།
རྩོམ་འཕྲོ་ཀློགས། »