རྟག་བརྟན་གཟུངས་བསྡུས་ཀྱི་ར་མདའ།

                                                                                                                                  བེ་རི་རིག་པའི་རྡོ་རྗེ།

      ཕྱི་ལོ་ ༢༠༢༣ ཟླ་ ༩ ཚེས་ ༢༣ ཉིན། རང་རེའི་སོག་པོའི་གྲྭ་བ་མེ་ར་མགོན་པོ་ Myaraigombo ལགས་ཀྱིས་དུས་ཚོད་བཀོད་སྒྲིག་གནང་བ་བཞིན། སོག་པོའི་ཨ་མ་སྒྲོལ་དཀར་ Dolgor ལགས་ཀྱིས། རྟག་བརྟན་གཟུངས་བསྡུས་ཤིང་པར་མ་སོག་ཡུལ་ཇོ་ནང་མ་དགོན་དུ་ཆེད་བསྐྱལ་གནང་ཡོད་པ་དེ་མཇལ་ཕྱིར་དང་། དེར་འཆད་ཁྲིད་ཅིག་ཀྱང་བྱེད་བཞིན་ཡོད་པ་དེའི་ཆེད་དུ་དགོན་པར་ཕྱིན། དཔེ་བདག་ཨ་མ་སྒྲོལ་དཀར་ལགས་ཀྱིས་གསུངས་པ་ལྟར་ན། གླེགས་བམ་རིན་པོ་ཆེ་འདི་ཁོ་མོའི་མེས་པོའི་རིང་ནས་ཉར་ཚགས་བྱས་པའི་ཁྱིམ་རྒྱུད་རྟེན་རྙིང་རྩ་ཆེན་ཞིག་ཡིན་འདུག རྒྱས་པ་ཀློག …

ཐོབ་ཐང་འདྲ་མཉམ་ནི་དམངས་གཙོའི་སྲོག་རྩ་ཡིན།

བེ་རི་རིག་པའི་རྡོ་རྗེ།

དེང་སྐབས་རྒྱ་ནག་དང་། བྱང་ཁོར་རེས་ཡ། ར་ཤིས་ཡ་སོགས་དམར་ཕྱོགས་རྒྱལ་ཁབ་འགའ་རེ་ལས། འཛམ་གླིང་ཁྱོན་ཡོངས་ཀྱི་རྒྱལ་ཁབ་ཕལ་མོ་ཆེས་འགྲོ་བ་མིའི་ལྷན་སྐྱེས་ཀྱི་ཐོབ་ཐང་ལ་བརྩི་འཇོག་བྱས་ཏེ། དམངས་གཙོའི་ལམ་ལུགས་གཙིགས་སུ་བཟུང་ནས་སོ་སོའི་མི་མང་ལ་འདྲ་མཉམ་གྱི་ཐོབ་ཐང་ལ་ལོངས་སུ་སྤྱོད་ཆོག་པའི་ཁྲིམས་ལུགས་གཏན་ལ་ཕབ་ཅིང་། དེ་ལྟར་ལག་ལེན་དུ་འདེབས་བཞིན་ཡོད་མོད། བཙན་བྱོལ་བོད་མིའི་སྲིད་གཞུང་གིས་ད་དུང་དུས་རབས་ ༡༧ ནང་གི་ནོར་འཁྲུལ་ཅན་གྱི་སྲིད་བྱུས་དེ་དག་མདོག་མ་འགྱུར་དྲི་མ་ཡལ་བར་རྒྱུན་ཁྱོངས་བྱས་ནས་བསྡད་ཡོད། རྒྱས་པ་ཀློག …

《དྲུག་བརྒྱ་དྲུག་ཅུའི་དུས་དྲན་》ཞེས་པའི་དུས་ཆེན་འདི་ནི། བོད་གངས་རིའི་ལྗོངས་འདིར་ཀུན་མཁྱེན་དོལ་པོ་སངས་རྒྱས་ཞེས་ཡོངས་སུ་གྲགས་ཤིང་། རྒྱལ་བའི་དགོངས་པ་མཐའ་དག་ཚུལ་བཞིན་དུ་མཁྱེན་པའི་སྐྱེས་བུ་མཆོག་ཏུ་ཚད་མའི་ལུང་གིས་ཡང་ཡང་བསྔགས་པ་དེ་ཉིད་ཀྱི་གཟུགས་སྐུ་མཚན་དཔེའི་མེ་ཏོག བསིལ་ལྗོངས་ཁ་བ་དཀར་བོའི་བསོད་ནམས་ཀྱི་དཔལ་དུ་མངོན་པར་བཞད་ཅིང་། དོན་གཉིས་ཀྱི་མཛད་པ་མཐར་ཕྱིན་ཏེ། ཡོངས་སུ་མྱ་ངན་ལས་འདས་པའི་མཛད་པ་བསྟན་ནས། མི་ལོ་ཧྲིལ་བོ་ ༦༦༠ འཁོར་བའི་ཉིན་མོ་ཡིན།
དེའི་སྐོར་ཨ་རིའི་རླུང་འཕྲིན་ཁང་གི་ཀུན་གླེང་ལས་རིམ་གྱི་མདོ་འཛིན་པ་ངག་དབང་བསྟན་འཛིན་ལགས་དང་མཉམ་དུ་གླེང་མོལ་བྱས་ཡོད།

འདི་ནས་གཟིགས་རོགས།

ང་ཚོའི་སྐད་ཡིག་ལ་ཆ་བཞག་ན། དཔེར་ན་ལེགས་སྦྱར་གྱི་སྐད་དེ་ཚད་མཐོ་པོ་ཞིག་ཏུ་བརྩི་གི་ཡོད་ཅིང༌། ནུབ་ཕྱོགས་ལ་ Latin ༼གནའ་རབས་ཡོ་རོབ་ཁུལ་གྱི་སྐད་ཡིག༽ ཞེས་བརྗོད་སྐབས་ཧ་ཅང་ཚད་མཐོ་པོར་བརྩི་གི་ཡོད། ཤར་ཕྱོགས་སུ་སཾསྐྲྀ་ཏ་ཞེས་བརྗོད་ཚེ་ཚད་མཐོ་པོར་བརྩི་གི་ཡོད་པ་ལྟར་ང་ཚོ་བོད་པའི་ཡི་གེ་འདི་སཾསྐྲྀ་ཏ་མཉམ་དུ་ཏག་ཏག་འགྲོ་ཐུབ་མཁན་གྱི་སྐད་ཡིག་ཞིག་ཆགས་ཡོད། དེ་ཡང་སྔ་མོ་ཕྱི་ལོ་ ༡༩༥༠ ནང་དབྱིན་ཇིས་ནང་ཆོས་ལ་དོ་སྣང་བྱས་ཏེ་ནང་ཆོས་བསྒྱུར་མཁན་མཁས་པ་ལ་ལས་བརྗོད་པར། ནང་ཆོས་བོད་ཡིག་ལ་བསྒྱུར་བ་དང་རྒྱ་ཡིག་ལ་བསྒྱུར་བ་གཉིས་བསྡུར་སྐབས་བོད་ཡིག་བསྒྱུར་ཡོད་པ་དེ་ལྡབ་འགྱུར་གྱིས་ལེགས་པ་འདུག་ཅེས་ཟེར།དེང་སྐབས་ནང་ཆོས་ཀྱི་ Professor ༼གཙུག་ལག་སློབ་དཔོན་ནམ། མཁས་དབང༌།༽
མཁས་དབང་ལ་ལས་ལེགས་སྦྱར་སྐད་ནང་གོ་དཀའ་བ་དེ་དག་བོད་ཡིག་ནང་ཞིབ་འཇུག་བྱེད་ཀྱི་ཡོད། བོད་ཡིག་ནང་གོ་ཐུབ་ཅིང་བོད་ཡིག་ནང་ལ་གོ་བ་དེ་ལེགས་སྦྱར་གྱི་ཚིག་གཅིག་དོན་མང་པོར་འགྲོ་བ་དེ་དག་སྐབས་དེའི་ལོ་ཙཱ་བ་དང་ཞུ་ཆེན་གྱི་རྒྱ་གར་མཁས་པ་གཉིས་ཟུང་འབྲེལ་ཐོག་ནས་བསྒྱུར་བས་ན། དོན་དེ་དཔྱིས་ཕྱིན་པ་དང་འཁྲུལ་པ་མེད་པ་ཞིག་བསྒྱུར་ཡོད་པ་ཧ་ཅང་གསལ་པོ་ཡིན། དེར་བརྟེན་བོད་པའི་རྣམ་དཔྱོད་དེས་ཀྱང་གཅིག་མཚོན་གྱི་འདུག་ལ། བོད་པའི་ཡི་གེ་དེས་ཀྱང་དངོས་གནས་ཧ་ལས་པ་ཞིག་དང༌། གོ་ཆོད་ཡིན་པ་ཞིག་མཚོན་ཐུབ་ཀྱི་ཡོད། འོན་ཀྱང་དེང་སྐབས་ཀྱི་ Modern Science ༼དེང་དུས་ཚན་རིག༽ ལྟ་བུ་དང༌། Modern Politic ༼དེང་དུས་ཀྱི་སྲིད་དོན།༽ ལྟ་བུ། Modern Economic ༼དེང་དུས་ཀྱི་དཔལ་འབྱོར།༽
རྒྱས་པ་ཀློག …