Author Archives: རིག་མཛོད་རྩོམ་སྒྲིག་པ།

འཕགས་པ་འཇམ་དཔལ་གྱི་རང་གི་ལྟ་བའི་འདོད་པ་མདོར་བསྟན་པ་ཡོངས་སུ་བརྟག་པ། རིགས་ལྡན་འཇམ་དཔལ་གྲགས་པ། ༄༅༅།།    རྒྱ་གར་སྐད་དུ།   སྭ་དརྴ་ནཱ་ནུ་ས་ཏོད་དེ་ཤ་པ་རཱི་ཀྵ་ནཱ་མ།  བོད་སྐད་དུ།   རང་གི་ལྟ་བའི་འདོད་པ་མདོར་བསྟན་པ་ཡོངས་སུ་བརྟག་པ་ཞེས་བྱ་བ། དཔལ་དུས་ཀྱི་འཁོར་ལོ་ལ་ཕྱག་འཚལ་ལོ།  །ཚོགས་གསུམ་ཡོངས་སུ་རྫོགས་པ་ཡིས།   །བཅུ་གསུམ་འབྲས་བུ་བརྙེས་པ་པོ།   །སྟོང་ཉིད་སྙིང་རྗེའི་བདག་ཉིད་ཅན།  །དཔལ་ལྡན་དུས་འཁོར་ལ་ཕྱག་འཚལ།  །འདིར་ནི་མངོན་སུམ་བསྟན་འཆོས་དག  །རྒྱལ་བའི་ཐུགས་སྲས་འཇམ་དབྱངས་ལ།  །ཕྱིན་ཅི་ལོག་བཞིར་བཅས་པ་ནི།  །རང་དང་གཞན་གྱི་དོན་དུ་ཞུས།  །ཤཱཀྱ་སེངྒེའི་སེང་གེ་ཡིས།  །སློབ་དཔོན་རྣལ་འབྱོར་པ་རྣམས་ལ། །རྒྱུད་དང་རྒྱུད་གཞན་དུ་གསུངས་དང༌།  །ཤེས་རབ་ཕ་རོལ་ཕྱིན་ཚུལ་དང༌།  །བྱེ་བྲག་སྨྲ་དང་མདོ་སྡེ་བ།  །རྣལ་འབྱོར་སྤྱོད་དང་དབུ་མ་རུ།  །འགྱུར་རོ་འཕགས་པའི་ཡུལ་དུ་ནི།  །དབྱངས་ཅན་བདག་པོ་བདག་ལ་གསུངས།  །རང་གི་ལྟ་འདོད་མདོར་བསྟན་དུ།   །གང་ལ་རྣམ་པར་ཤེས་པའི་བློས།  །ཕྱིན་ཅི་ལོག་བཞིར་བཅས་པ་ནི།  །བདག་གིས་དེ་ཉིད་བཤད་པར་བྱ།  ། ༼༡༽ལམ་ཡོངས་སུ་བརྟག་པ། ལམ་མ་ཡིན་ལ་ལམ་གྱི་བློ། 
རྩོམ་འཕྲོ་ཀློགས། »

ཤ་བ་རིའི་གཞུང་ཆུང་གི་འགྲེལ་པ། ཀུན་སྤངས་ཐུགས་རྗེ་བརྩོན་འགྲུས། དཔལ་དུས་ཀྱི་འཁོར་ལོའི་རྣལ་འབྱོར་ཡན་ལག་དྲུག་གི་འགྲེལ་པ་སྙིང་པོ་བསྡུས་པ་ཞེས་བྱ་བ་བཞུགས་སོ།། ཤ་བ་རིའི་གཞུང་ཆུང་གི་འགྲེལ་པའོ། ། རྒྱ་གར་སྐད་དུ། ཡོ་ག་ཥཊ་ཨཾ་ག་བྲྀ་ཏི་ཧྲི་ད་ཡཾ་པཎྜི་ནཱ་མ། བོད་སྐད་དུ། རྣལ་འབྱོར་ཡན་ལག་དྲུག་པའི་འགྲེལ་པ་སྙིང་པོ་བསྡུས་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྣལ་འབྱོར་ཡན་ལག་དྲུག་བཤད་བྱ། དེ་ལྟར་མཆོད་པར་བརྗོད་དེ་བཤད་པར་དམ་བཅས་ནས། དམ་བཅས་པའི་མན་ངག་ཉམས་སུ་བླང་བ་ལ་གཉིས་ལས། དང་པོ་ཉམས་སུ་བླང་བའི་ཚུལ་ལའང་གསུམ་ལས།

དུས་ཀྱི་འཁོར་ལོའི་བསྟོད་པའི་མངོན་རྟོགས་ཉེར་བསྡུས། ཀུན་མཁྱེན་རྟོན་པ་བཞི་ལྡན། ༄༅། །ན་མཿཤྲཱི་ཀ་ལ་ཙཀྲ་ཡ།། སྟོང་པ་ཉིད་དང་སྙིང་རྗེའི་བདག །སྲིད་གསུམ་སྐྱེ་འཇིག་མེད་པའི་དངོས། ། ཤེས་དང་ཤེས་བྱ་གཅིག་པའི་སྐུ། །དཔལ་ལྡན་དུས་འཁོར་ལ་ཕྱག་འཚལ། །རླུང་མེ་ཆུ་དང་ས་ཡི་དཀྱིལ་འཁོར་ལྷུན་པོ་པདྨ་དང༌། །ཟླ་ཉི་དུས་མེ་སྟེང་དུ་དབང་ཕྱུག་དང་ནི་བདུད་ཀྱི་མགོར། །ཞབས་ནི་སྲིད་པའི་ཡུམ་གྱི་ཞབས་དང་ལྷན་ཅིག་བཀོད་གྱུར་པ། །ལྷ་ཡི་དབང་པོས་བཏུད་པའི་གཙོ་ལ་སྤྱི་བོས་ཕྱག་འཚལ་ལོ། །ཟླ་བའི་སྐུ་དང་ཟུང་གི་ཞབས་ཏེ་མེ་ཡི་མགྲིན་པ་ཆུ་གཏེར་དཔལ་ལྡན་ཞལ་ནི་སྣ་ཚོགས་མདོག །ཕྲག་པ་དྲུག་དང་ཉི་མའི་དཔུང་པ་རྒྱལ་བའི་ཕྱག་གི་པདྨ་སྟོང་པ་དྲུག་དང་མི་ཡི་ཚིགས། ། ཞབས་དག་གིས་ནི་ཟླ་བ་ཉི་མ་བསྲེག་ཟའི་དཀྱིལ་འཁོར་དག་ལ་བདུད་དང་དྲག་པོ་སྐྲག་བཞིན་པ། ། རོལ་བས་མནན་པའི་སྲིད་མེད་སྲིད་པ་མཉམ་པ་དུས་ཀྱི་འཁོར་ལོ་གཅིག་པུ་དེ་ལ་ཕྱག་འཚལ་ལོ། །

གྲུབ་ཆེན་དཔེ་མེད་འཚོའི་ལུགས་ཀྱི་སྦྱོར་བ་ཡན་ལག་དྲུག་པའི་རྣལ་འབྱོར་གྱི་སྙིང་པོ་ངེས་པ། དཔེ་མེད་འཚོ། རྒྱ་གར་སྐད་དུ། ཥ་ཌངྒ་ཡོ་ག་ནཱ་མ། །བོད་སྐད་དུ། སྦྱོར་བ་ཡན་ལག་དྲུག་པ་ཞེས་བྱ་བ། དཔལ་ལྡན་ཤ་བ་རི་ལ་ཕྱག་འཚལ་ལོ། །འདི་ལ་བཞི། སྒྲུབ་པའི་སྙིང་པོ་ལ་བསྐུལ་བ། དེས་གྲུབ་པའི་རྣལ་འབྱོར། རྣལ་འབྱོར་གྱིས་གྲུབ་པའི་འབྲས་བུ། རྣལ་འབྱོར་ཟབ་མོའ་དོན་ཉེ་བར་བཞུ་བའོ། ། དང་པོ། སྒྲུབ་པའི་སྙིང་པོ་ལ་བསྐུལ་བ། དང་པོ་ནི། ལས་དང་པོ་པའི་རྣལ་འབྱོར་བ་མ་ཉམས་པའི་མཆོག་བསྒྲུབ་པར་འདོད་པས། བླ་མ་དམ་པའི་མན་ངག་ཐོབ་པ། མ་རུངས་པའི་གྲོགས་སྤང་བ། དུ་བ་ལ་སོགས་པའི་མཚན་མ་ལ་གོམས་པ། རྩ་དབུ་མ་སྦྱངས་པ། སེམས་ཅན་ཐམས་ཅད་ལ་བུ་གཅིག་པའི་བསམ་པ་དང་། འཇིག་རྟེན་དང་འཇིག་རྟེན་ལས་འདས་པའི་བདེན་པ་ལ་བརྟེན་པ། རང་ལུས་དང་བུ་དང་ཆུང་མ་ལ་སོགས་པ་ལ་ལྟོས་པ་མེད་པ། དགོན་པ་དང་གཙུག་ལག་ཁང་དང་བླ་མའི་ནོར་གྱི་ལོངས་སྤྱོད་ལས་ལོགས་པ། སངས་རྒྱས་དང་བྱང་ཆུབ་སེམས་དཔའི་ལམ་བསྟེན་པ། བྱམས་པ་སྙིང་རྗེ་དགའ་བ་བཏང་སྙོམས་ཏེ་ཚངས་པའི་གནས་བཞི་ལ་གནས་པ། ཞི་བ་ལ་སོགས་པ་འཇིག་རྟེན་གྱི་གྲུབ་པ་སྒྲུབ་པའི་འདོད་པ་དང་བྲལ་བ། ཐམས་ཅད་མཁྱེན་པའི་གོ་འཕང་ཐོབ་པར་འདོད་པ། ཆོས་དབྱིངས་རྣམ་པ་ཐམས་ཅད་དང་ལྡན་པའི་སྟོང་པ་ཉིད་ཀྱི་མེ་ལོང་ལ་པྲ་ཕབ་པ་བཞིན་དུ་མ་སྐྱེས་པའི་ཆོས་མཐོང་བ་མིག་ཡོར་དང་རྨི་ལམ་ལྟ་བུའི་རང་བཞིན་ཅན།
རྩོམ་འཕྲོ་ཀློགས། »