Author Archives: རིག་མཛོད་རྩོམ་སྒྲིག་པ།

དྲུག་མཆོད་བགྲོ་གླེང་།

ཀུན་མཁྱེན་དྲུག་མཆོད་ཆེན་མོ་སྟེ་ཀུན་མཁྱེན་དོལ་པོ་སངས་རྒྱས་ཀྱི་འདས་མཆོད་ཉིན། ཨ་རིའི་རླུང་འཕྲིན་ཁང་གི་ཁ་བའི་མི་སྣའི་ལེ་ཚན་གྱི་གཙོ་སྐྱོང་བ་དཀོན་མཆོག་དོན་གྲུབ་དང་ལྷན་དུ། བོད་ཁ་བ་ཅན་གྱི་སངས་རྒྱས་ཀུན་མཁྱེན་དོལ་པོ་སངས་རྒྱས་ཀྱི་མཛད་རྣམ་གྱི་སྐོར་ནས་བགྲོ་གླེང་ཐུང་ཐུང་ཞིག་བྱས་ཡོད

 

པཎ་ཆེན་བི་བྷུ་ཏི་ཙནྟྲའི་རྣམ་ཐར།

རྡོ་རྗེའི་རྣལ་འབྱོར་གྱི་ཁྲིད་ཡིག་མཐོང་བ་དོན་ལྡན་གྱི་ལྷན་ཐབས་འོད་བརྒྱ་འབར་བ་ལས།

རྗེ་བཙུན་ཐམས་ཅད་མཁྱེན་པ་ཏཱ་ར་ནཱ་ཐ།

 

བི་བྷུ་ཏི་ཙནྟྲའི་ལུགས་ཀྱི་ལོ་རྒྱུས་ཅུང་ཙམ་བརྗོད་ན། འདིའི་རིང་བརྒྱུད་རྩ་བ་ཐུག་ས་དེ་གྲུབ་ཐོབ་དཔེ་མེད་འཚོ་ཡིན། དེ་ཡང་གྲུབ་ཐོབ་དཔེ་མེད་འཚོ་རྟེན་དགེ་སློང༌། རིག་པའི་གནས་ཐམས་ཅད་ལ་མཁས་པ། དུས་ཀྱི་འཁོར་ལོའི་རྒྱུད་ཀྱང་མཁྱེན། འཕགས་པ་སྤྱན་རས་གཟིགས་ཀྱང་ཡི་དམ་དུ་མཛད་པ་ཞིག་ཡིན། འཁྲུངས་ཡུལ་མ་ག་དྷ་པ། རིགས་རྗེ་རིགས། སྡེ་བ་མང་པོས་བཀུར་བ་ཡིན་ནོ་ཞེས་གསུང་རྒྱུན་ལས་བྱུང༌། གང་ལྟར་ནའང་ཁོང་གི་རྒྱ་གར་ཤར་ཕྱོགས་ཡུལ་ལི་ཁ་ར་ཤིང་འཕེལ། ཁ་སརྤ་ཎི་རང་བྱུང་གི་གཙུག་ལག་ཁང་དུ་བཞུགས་ནས་ལོ་བཅུ་གཉིས་ཀྱི་བར་དུ་ཡང་དག་པའི་གནས་ལུགས་བསྒོམས་ཤིང༌། འཕགས་པ་འཇིག་རྟེན་དབང་ཕྱུག་བསྒྲུབས་ཀྱང་རྟགས་མཚན་ཅུང་ཟད་ཀྱང་མ་བྱུང་བས་ཐུགས་མུག་སྟེ། ནམ་ཕྱེད་ཙམ་ན་མནལ་དུ་ཅུང་ཟད་སོང༌།