Category: ཇོ་ནང་དཔེ་ཚོགས།

རྒྱུ་འབྲས་དབུ་མའི་ཐིག་ལེ་ཞེས་བྱ་བ། ཏཱ་ར་ནཱ་ཐ། ༄༅།།  ཨོཾ་སྭཱ་སྟི།  ན་མོ་གུ་རུ་བུདྷ་བོ་དྷི་ས་ཏཱེ་བྷྱཿ  རྒྱ་གར་སྐད་དུ།  ཤྲཱི་ཧེ་རུ་ཕ་ལ་མ་དྷྱ་མ་བི་ནྟུ་པྲ་ཀ་ར་ནཱ་མ།  བོད་སྐད་དུ།  དཔལ་རྒྱུ་འབྲས་དབུ་མའི་ཐིག་ལེ་ཞེས་བྱ་བའི་རབ་ཏུ་འབྱེད་པ། སངས་རྒྱས་ལ་ཕྱག་འཚལ་ལོ།། སྐྱེ་འགྲོའི་མགོན་པོ་ཇོ་ནང་པ། །ཤེས་རབ་རྒྱལ་མཚན་ཞབས་ལ་འདུད། །གང་དེའི་དགོངས་པ་དབུ་མའི་ཆོས། །གཞན་གྱིས་མ་རྟོགས་འདིར་བཤད་བྱ། གནས་ལུགས་དབུ་མ་འཁོར་འདས་ཀུན་ཁྱབ་ཡིན།  །སེམས༌ཅན་རྣམས་ལ་གཞི་ཡི་ཆོས་སུ་སྣང༌།  །བྱང་ཆུབ་སེམས་དཔའ་རྣམས་ལ་ལམ་དུ་སྣང༌།  །གདུལ་བྱ་དག་པ་རྣམས་ལ་འབྲས་བུར་སྣང༌།  །དེ་གསུམ་སྣང་ཚུལ་ཡིན་གྱི་གནས་ཚུལ་མིན།  །གནས་ལུགས་རྗེན་པ་སངས་རྒྱས་ཁོ་ནས་གཟིགས།  །ལམ་ཞུགས་རྣམས་ཀྱིས་ཕྱོགས་རེ་མཐོང་བ་དང༌།  །གནས་ཚུལ་འཁྲུལ་ཚུལ་འདྲེས་མར་སྣང་བ་ཡོད།  །གནས་ལུགས་དེ་ནི་ཟུང་འཇུག་ཁོ་ན་ཏེ།  །གཞི་ཡི་གནས་ཚུལ་འབྲས་བུའི་སྡོད་ལུགས་ཡིན།  །གནས་ལུགས་དེ་ནི་དབུ་མ་ཡིན་པའི་ཕྱིར།  །དེ་ལ་མཐུན་པར་འཇུག་ན་དབུ་མའི་ལམ།  །ཀུན་རྫོབ་དོན་དམ་ཟུང་འཇུག་ཅེས་པ་དང༌།  །སྣང་སྟོང་ཟུང་འཇུག་གསལ་སྟོང་ཟུང་འཇུག་དང༌།  །ཐབས་ཤེས་སྟོང་ཉིད་སྙིང་རྗེ་ཟུང་འཇུག་དང༌།  །བདེ་སྟོང་སྒྱུ་ལུས་འོད་གསལ་ཟུང་འཇུག་དང༌། 
རྩོམ་འཕྲོ་ཀློགས། »

གཞན་སྟོང་དབུ་མའི་རྒྱན། ཏཱ་ར་ནཱ་ཐ། ༄༅།། ཨོཾ་སྭཱ་སྟི། ན་མོ་བུདྡྷ་ཡ། གང་གི་ཡེ་ཤེས་རྡོ་རྗེའི་མེ་ལྕེ་ཡིས།། བདག་ཏུ་ལྟ་བའི་རི་དང་ནགས་བཅོམ་སྟེ།། རྣམ་ཤེས་བདུན་གནས་ས་འོག་འཇིག་རྟེན་སྐྱོང༌།། ལྷ་ཡི་ལྷར་གྱུར་རྒྱལ་བའི་དབང་པོར་འདུད།། གང་དེའི་བསྟན་པ་གནས་སྐབས་ཐ་དད་ཚུལ།། ཐམས་ཅད་ཆོས་ཉིད་འདི་ལ་འབབ་ཚུལ་སྟོན། །འོན་ཀྱང་བྱིས་པ་མི་མཐུན་རྩོད་གྱུར་ལ།། ཡང་དག་རིགས་པའི་གདམས་ངག་སྦྱིན་པར་བྱ།། ༼༡༽རྒྱལ་བའི་བཀའ་ཚད་མར་སྒྲུབ་པ། གངས་ཅན་འདི་ན་མུ་སྟེགས་གྲུབ་མཐའ་དང༌།། ཉན་ཐོས་ཚུལ་ལུགས་གཙོ་བོར་འཛིན་པ་མེད། །དེ་དེའི་བག་ཆགས་སད་རྣམས་ཐེག་མཆོག་གི།། གཞུང་དོན་ལོག་པར་འགྲེལ་འདི་བཟློག་པར་བྱ།། འཕགས་ཡུལ་མཁས་རྣམས་རྒྱལ་བས་གསུང་ཕྱིན་ཆད།། ལུང་དེ་ཚད་མ་ཉིད་དུ་ཁས་ལེན་ཏེ།། རིགས་པ་ཉེས་པ་ཟད་ལ་རྫུན་གྱི་ཚིག། མི་གསུང་ཞེས་འདོད་དེ་ཕྱིར་ཉན་ཐོས་པ།། ཐེག་ཆེན་རྒྱལ་བའི་བཀའ་མིན་ཞེས་ཟེར་ཞིང༌།། བཀའ་རུ་གྲུབ་ན་དེ་ཡང་ཁས་ལེན་པས།། ཐེག་ཆེན་བཀར་སྒྲུབ་བསྟན་ཆོས་རྣམས་ལས་མཛད།། བོད་རྣམས་རང་འདོད་དང་མཚུངས་ལུང་འགའ་ཞིག། འདོད་ཀྱི་གཞན་ཀུན་ཐམས་ཅད་དྲང་དོན་ཏེ།། འགྲོ་ལ་ཕན་དོན་ཡིན་པས་ངོ་མཚར་མོད།། ངོ་བོ་དོན་ལ་མི་གནས་རྫུན་དུ་འདོད།། འདི་ལྟར་འདོད་ལ་ཚད་མའི་ལུང་མི་འགྲུབ།།
རྩོམ་འཕྲོ་ཀློགས། »

དགེ་བཤེས་ཐང་བ་རྡོ་རྗེ།   ༡༽བདག་ནི་སེམས་ཅན་ཐམས་ཅད་ལ། ། ཡིད་བཞིན་ནོར་བས་ལྷག་པ་ཡིན། ། དོན་མཆོག་སྒྲུབ་པའི་བསམ་པ་ཡིས། ། མཆོག་ཏུ་གཅེས་པར་འཛིན་པ་བསླབ། ། ༢༽གང་དུ་སུ་དང་འགྲོགས་པའི་ཚེ། ། བདག་ལ་ཀུན་ནས་དམན་ལྟ་ཞིང༌། ། གཞན་ལ་བསམ་པ་ཐག་པ་ཡི། ། མཆོག་ཏུ་འཛིན་པ་གུས་པས་བསླབ། ། ༣༽སྤྱོད་ལམ་ཀུན་ཏུ་རང་རྒྱུད་ལ། ། བརྟག་ཅིང་ཉོང་མོངས་སྐྱེས་མ་ཐག ། བདག་གཞན་མ་རུངས་བྱེད་པས་ན། ། བཙན་ཐབས་གདོང་ནས་བཟློག་པར་བསླབ། ། ༤༽རང་བཞིན་ངན་པའི་སེམས་ཅན་དང་༌། ། སྡིག་སྡུག་དྲག་པོས་ནོན་པ་ལ། །
རྩོམ་འཕྲོ་ཀློགས། »

ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་མདོ་རྣམ་པར་བཤད་པ་སྔོན་མེད་ལེགས་བཤད། ཏཱ་ར་ནཱ་ཐ། ༄༅། །ཨོཾ་སྭ་སྟི། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་འགྲེལ་པ་སྔོན་མེད་ལེགས་བཤད་ཞེས་བྱ་བ། སངས་རྒྱས་ལ་ཕྱག་འཚལ་ལོ། །ཁྱབ་དང་རྟག་པའི་རང་བཞིན་ཅན། །རྒྱལ་བ་ཐུགས་རྗེའི་བདག་ཉིད་ལ། །གུས་པས་བཏུང་ནས་མདོ་འདིའི་དོན། ཆ་ཙམ་འབྱེད་ལ་སྤྲོ་བ་སྐྱེས། དེ་ལ་མདོ་འདིའི་མིང་ནི་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་ཞེས་བྱ་སྟེ།