གཞན་སྟོང་དབུ་མའི་རྒྱན།
གཞན་སྟོང་དབུ་མའི་རྒྱན། ཏཱ་ར་ནཱ་ཐ། ༄༅།། ཨོཾ་སྭཱ་སྟི། ན་མོ་བུདྡྷ་ཡ། གང་གི་ཡེ་ཤེས་རྡོ་རྗེའི་མེ་ལྕེ་ཡིས།། བདག་ཏུ་ལྟ་བའི་རི་དང་ནགས་བཅོམ་སྟེ།། རྣམ་ཤེས་བདུན་གནས་ས་འོག་འཇིག་རྟེན་སྐྱོང༌།། ལྷ་ཡི་ལྷར་གྱུར་རྒྱལ་བའི་དབང་པོར་འདུད།། གང་དེའི་བསྟན་པ་གནས་སྐབས་ཐ་དད་ཚུལ།། ཐམས་ཅད་ཆོས་ཉིད་འདི་ལ་འབབ་ཚུལ་སྟོན། །འོན་ཀྱང་བྱིས་པ་མི་མཐུན་རྩོད་གྱུར་ལ།། ཡང་དག་རིགས་པའི་གདམས་ངག་སྦྱིན་པར་བྱ།། ༼༡༽རྒྱལ་བའི་བཀའ་ཚད་མར་སྒྲུབ་པ། གངས་ཅན་འདི་ན་མུ་སྟེགས་གྲུབ་མཐའ་དང༌།། ཉན་ཐོས་ཚུལ་ལུགས་གཙོ་བོར་འཛིན་པ་མེད། །དེ་དེའི་བག་ཆགས་སད་རྣམས་ཐེག་མཆོག་གི།། གཞུང་དོན་ལོག་པར་འགྲེལ་འདི་བཟློག་པར་བྱ།། འཕགས་ཡུལ་མཁས་རྣམས་རྒྱལ་བས་གསུང་ཕྱིན་ཆད།། ལུང་དེ་ཚད་མ་ཉིད་དུ་ཁས་ལེན་ཏེ།། རིགས་པ་ཉེས་པ་ཟད་ལ་རྫུན་གྱི་ཚིག། མི་གསུང་ཞེས་འདོད་དེ་ཕྱིར་ཉན་ཐོས་པ།། ཐེག་ཆེན་རྒྱལ་བའི་བཀའ་མིན་ཞེས་ཟེར་ཞིང༌།། བཀའ་རུ་གྲུབ་ན་དེ་ཡང་ཁས་ལེན་པས།། ཐེག་ཆེན་བཀར་སྒྲུབ་བསྟན་ཆོས་རྣམས་ལས་མཛད།། བོད་རྣམས་རང་འདོད་དང་མཚུངས་ལུང་འགའ་ཞིག། འདོད་ཀྱི་གཞན་ཀུན་ཐམས་ཅད་དྲང་དོན་ཏེ།། འགྲོ་ལ་ཕན་དོན་ཡིན་པས་ངོ་མཚར་མོད།། ངོ་བོ་དོན་ལ་མི་གནས་རྫུན་དུ་འདོད།། འདི་ལྟར་འདོད་ལ་ཚད་མའི་ལུང་མི་འགྲུབ།།
རྩོམ་འཕྲོ་ཀློགས། »