ཀུན་མཁྱེན་དོལ་པོ་སངས་རྒྱས།
ཀུན་མཁྱེན་དོལ་པོ་སངས་རྒྱས་ཀྱི་བཀའ་འབུམ། པོད་ཆེན་དགུ་བཞུགས། འདིའི་ནང་དུ་དུས་འཁོར་མཆན་འགྲེལ་སོགས་མི་བཞུགས། ཀུན་མཁྱེན་དོལ་པོ་སངས་རྒྱས་(༡༢༩༢-༡༣༦༡)ནི། བོད་ཀྱི་ཆོས་བརྒྱུད་ཆེན་པོ་ལྔའི་ཡ་གྱལ་རྒྱལ་བ་ཇོ་ནང་བའི་ཐུན་མིན་ལྟ་གྲུབ་གཞན་སྟོང་དབུ་མ་ཆེན་པོའི་ཤིང་རྟའི་སྲོལ་འབྱེད་ཡིན། སངས་རྒྱས་བཅོམ་ལྡན་འདས་ཀྱིས་འཕགས་པ་རྔ་བོ་ཆེ་ཆེན་པོའི་མདོ་སོགས་ནས་གསལ་བར་ལུང་བསྟན་པ་ལྟར། མངའ་རིས་དོལ་པོ་ཀ་ཡོ་རི་ཞེས་གྲགས་པའི་གནས་ཆེན་དེར་སྐུ་འཁྲུངས། མཁས་བཙུན་ཡོན་ཏན་རྒྱ་མཚོ་སོགས་མཁས་གྲུབ་སུམ་ཅུ་ལྷག་བླ་མར་བརྟེན་ནས་ཐོས་བསམ་མཛད་ཅིང་། དབུས་གཙང་གཉིས་སུ་གྲྭ་སྐོར་མཛད་པས་ཀུན་མཁྱེན་ཞེས་གྲགས།