དབུ་མ་རྩ་བའི་ཚིག་ལེའུར་བྱས་པ། འཕགས་པ་ཀླུ་སྒྲུབ། རྒྱ་གར་སྐད་དུ། །པྲ་ཏྣུ་ནཱ་མ་མརྨ་ལ་མ་བླེ་མ་ཀ་ཀཱ་རི་ཀ བོད་སྐད་དུ། །དབུ་མ་རྩ་བའི་ཚིག་ལེའུར་བྱས་པ་ཤེས་རབ་ཅེས་བྱ་བ། ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །གང་གིས་རྟེན་ཅིང་འབྲེལ་པར་འབྱུང༌། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། ། སྤྲོས་པ་ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། །
ཕྱི་ནང་གི་གྲུབ་མཐའི་རྣམ་གཞག་འཇམ་མགོན་ཞལ་ལུང་གི་འགྲེལ་བ་ངེས་དོན་སྙིང་པོའི་ལམ་བཟང་མཐོང་བའི་སྒྲོན་མེ་ཞེས་བྱ་བ། མཁན་ཆེན་གཞན་དགའ། ན་མོ་མཉྫུ་ཤྲཱི་ཡེ། རབ་འབྱམས་རྒྱལ་བའི་ཕྲིན་ལས་གཅིག་བསྡུས་པ།། མཁྱེན་གཉིས་དབང་ཕྱུག་འཇམ་དཔལ་དཔའ་བོ་དང༌།། དབྱེར་མེད་འཇམ་མགོན་སྨྲ་བའི་ཉི་མ་ཟུང༌།། འབྲལ་མེད་སྙིང་གི་ཐིག་ལེར་རྟག་བཞུགས་ཏེ།།ངེས་དོན་སྙིང་པོའི་ལམ་བཟང་མཐོང་བའི་ཕྱིར།། ཐོག་མར་ཕྱི་ནང་གྲུབ་མཐའི་རྣམ་བཞག་ཉིད།། ཕྱེད་པར་གཅེས་ཕྱིར་དེ་ཚུལ་ཅུང་ཟད་ཅིག། འཆད་པར་སྤྲོ་ལ་ཤིས་པའི་དཔལ་ཀུན་སྩོལ།། དེ་ལ་འདིར་གང་འཆད་པར་བྱ་བ་ནི། འཇམ་དཔལ་སྨྲ་བའི་སེངྒེ་ཉིད་བླ་མའི་ཟོལ་དུ་སྣང་བ་ཀུན་གཟིགས་འཇམ་དབྱངས་མཁྱེན་བརྩེའི་དབང་བོ་ཉིད་བསམ་བཞིན་དུ་ཐུགས་རྗེས་སྲིད་པ་ཉེ་བར་བཟུང་བའི་ཡེ་ཤེས་ཀྱི་སྒྱུ་འཕྲུལ་གཉིས་པ། འཇམ་དབྱངས་བློ་གྲོས་གཞན་ཕན་མཐའ་ཡས་ཀྱི་ཞལ་སྔ་ནས་བསྩལ་བའི་ཕྱི་ནང་གི་གྲུབ་མཐའི་རྣམ་བཞག་འཇམ་མགོན་ཞལ་ལུང་གི་དགོངས་དོན་ཅུང་ཟད་རྒྱས་པར་འཆད་པ་ལ་གསུམ་སྟེ། ཐོག་མར་དགེ་བ་གང་བཤད་བྱའི་ཡན་ལག བར་དུ་དགེ་བ་འཆད་བྱའི་གཞུང་དངོས། ཐ་མར་དགེ་བ་བསྟན་བཅོས་གྲུབ་པའི་བྱ་བ་སྦྱར་བྱང་སྨོས་པ་དང་གསུམ་མོ།། བཤད་བྱའི་ཡན་ལག དང་པོ་དེ་ལའང་གསུམ་སྟེ། མཚན་སྨོས་པ། མཆོད་པར་བརྗོད་པ། རྩོམ་པར་དམ་བཅའ་བ་དང་གསུམ་མོ།། མཚན་སྨོས་པ། དང་པོ་ནི། ཕྱི་ནང་གི་གྲུབ་མཐའ་མདོར་བསྡུས་སུ་བཀོད་པ་འཇམ་མགོན་ཞལ་ལུང་ཞེས་བྱ་བ་བཞུགས་སོ།། ཞེས་པ་སྟེ། དེའང་འཇིག་རྟེན་པའི་ཤེས་རབ་ཀྱིས་ཤེས་བྱའི་གནས་ལ་དཔྱོད་ཀྱང་ཡིན་ལུགས་ཀྱི་མྱང་འདས་དང་རྗེས་སུ་མཐུན་པའི་ལམ་ལས་ཕྱི་རོལ་ཏུ་གྱུར་པས་ཕྱི་བའམ། ཐར་པ་ལ་ཅུང་ཟད་ཉེ་བས་ཐར་བའི་ལམ་གྱི་མུ་དང༌། ལམ་གོལ་གྱི་སྟེགས་ལ་གནས་པས་མུ་སྟེགས་པ་ཞེས་ཀྱང་བྱ་ལ། དེ་ལས་སྟོན་པ་དང་བསྟན་པ་ལྟ་སྤྱོད་བཀའ་རྟགས་ཀྱི་ཕྱག་རྒྱ་བརྒྱད་སོགས་ཀྱིས་ཆེས་ཁྱད་པར་དུ་ཕྱེ་བས་ན་ནང་པ་སངས་རྒྱས་པ་ཞེས་བྱ་ལ། རང་རང་གི་ལམ་དེ་ཉིད་སོ་སོའི་ལུང་དང་རིགས་པས་གྲུབ་ཅིང༌། དེ་ལས་ནམ་ཡང་འདའ་བྱ་མ་ཡིན་པས་ན་མཐའ་སྟེ།
རྩོམ་འཕྲོ་ཀློགས། »
གྲུབ་མཐའ་ཆེན་པོ་བཞིའི་རྣམ་པར་བཞག་པ་མདོ་ཙམ་ཕྱེ་བ་ངེས་དོན་དགོངས་པ་གསལ་བྱེད་ཅེས་བྱ་བ། དགེ་རྩེ་འགྱུར་མེད་ཚེ་དབང་མཆོག་གྲུབ། ཐམས་ཅད་མཁྱེན་པ་དང་དབྱེར་མེད་པའི་དཔལ་ལྡན་བླ་མའི་ཞབས་ལ་ཕྱག་འཚལ་ལོ།། ཇི་ལྟ་ཇི་སྙེད་ཤེས་བྱ་ཀུན་མཁྱེན་ཅིང༌། །མཐའ་ཡས་འགྲོ་ལ་ལེགས་པའི་ལམ་སྟོན་པ། །རྒྱལ་དང་དེ་སྲས་ངོ་བོ་གཅིག་འདུས་པའི། །རྗེ་བཙུན་བླ་མའི་ཞབས་རྡུལ་སྤྱི་བོས་མཆོད། རྣམ་མང་ཆོས་སྒོ་འགྲོ་བའི་བླ་མ་ཡི། །དགོངས་པ་ཇི་བཞིན་འདོམས་མཛད་འཕགས་བོད་ཀྱི། །བཤེས་གཉེན་ཚོགས་ལ་དད་པས་ཕྱག་བགྱིས་ཏེ། །གྲུབ་མཐའི་རྣམ་བཞག་མདོ་ཙམ་འདིར་བརྗོད་བྱ།། དེ་ལ་རེ་ཞིག་ནང་པ་སངས་རྒྱས་པའི་གྲུབ་མཐའ་བཞི་ལས་བརྩམས་ཏེ། ངེས་དོན་དབུ་མ་ཆེན་པོའི་གནས་ལུགས་ཕྱོགས་ཙམ་བརྗོད་པར་བྱའོ།། དེ་ཡང་དང་པོ་བདག་ཅག་རྣམས་ཀྱི་སྟོན་པ་ཐབས་ལ་མཁས་ཤིང་ཐུགས་རྗེ་ཚད་མེད་པའི་བདག་ཉིད་ཅན་དེ་ཉིད་ཀྱིས། གདུལ་བྱ་དམན་འབྲིང་མཆོག་གི་བློ་རིམ་དང་མཐུན་པར་ཆོས་ཀྱི་སྒོ་དང་ཐེག་པའི་རིམ་པ་སྐས་ཀྱི་གདང་བུ་ལྟར་བསྟན་པ་ཡིན་ཏེ། དང་བོ་རང་དོན་ཡིད་བྱེད་ཀྱི་གདུལ་བྱ་བློ་དམན་པ་རྣམས་ལ་བཀའ་དང་པོ་བདེན་པ་བཞི་ལན་གསུམ་དུ་བཟླས་པའི་ཆོས་ཀྱི་འཁོར་ལོ་བསྐོར་བར་མཛད་དེ། དེའང་སྡུག་བསྔལ་བ། ཀུན་འབྱུང་བ། འགོག་པ། ལམ་གྱི་བདེན་པ་བཞི་སོ་སོའི་ངོ་བོ་བསྟན་པ་དང༌། གཉིས་པ་སྡུག་བསྔལ་ཤེས་པར་བྱ། ཀུན་འབྱུང་སྤངས་པར་བྱ། འགོག་པ་མངོན་དུ་བྱ།ལམ་བསྒོམ་པར་བྱ། གསུམ་པ་བདག་གིས་སྡུག་བསྔལ་འཕགས་པའི་བདེན་པ་ཤེས་པར་བྱས་སོ།། ཀུན་འབྱུང་སྤངས་སོ།། འགོག་པ་མངོན་དུ་བྱས་སོ།། ལམ་བསྒོམས་སོ།། ཞེས་པས་བདེན་བཞིའི་མངོན་རྟོགས་གདུལ་བྱའི་རྒྱུད་ལ་བསྐྱེད་པར་མཛད་པའོ།། སྡུག་བསྔལ་འཕགས་པའི་བདེན་པ་ཞེས་པའི་དོན། བྱིས་པ་རྣམས་ཀྱིས་སྡུག་བསྔལ་ལ་སྡུག་བསྔལ་དུ་མི་ཤེས།
རྩོམ་འཕྲོ་ཀློགས། »
རྗེ་བཙུན་ཐམས་ཅད་མཁྱེན་པ་ཏཱ་ར་ནཱ་ཐའི་བཀའ་འབུམ་དཔེ་བསྡུར་མ། དེབ་ཕྲེང་། ༼༤༣༽ རྣམ་ཐར་མ་བཅོས་ལྷུག་པ། སྟོད་ཆ། རྣམ་ཐར་མ་བཅོས་ལྷུག་པ། སྨད་ཆ། གསང་བའི་རྣམ་ཐར་སོགས་རྣམ་ཐར་འགའ་ཞིག སངས་རྒྱས་རྗེས་དྲན་དང་བླ་མའི་རྣལ་འབྱོར་གྱི་མན་ངག་ཟུང་དུ་འཇུག་པ། རྗེ་བཙུན་ཏཱ་ར་ནཱ་ཐའི་ཞལ་གདམས་མགུར་འབུམ་གྱི་སྐོར། དེབ་ཕྲེང་། ༼༤༥༽ རྗེ་བཙུན་ཏཱ་ར་ནཱ་ཐའི་ཞལ་གདམས་མགུར་འབུམ་གྱི་སྐོར། དབང་མདོར་བསྟན་གྱི་འགྲེལ་པ་ཟབ་མོའི་དོན་མཐའ་དག་གསལ་བར་བྱེད་པའི་ཉི་མ། དཔལ་དུས་ཀྱི་འཁོར་ལོའི་ཆོས་སྐོར་གྱི་བྱུང་ཁུངས་ཉེར་མཁོ། དེབ་ཕྲེང་། ༼༤༦༽ ཟབ་ལམ་རྡོ་རྗེ་རྣལ་འབྱོར་གྱི་བརྒྱུད་པའི་གསོལ་འདེབས། དུས་ཀྱི་འཁོར་ལོའི་བརྒྱུད་འདེབས། དཔལ་དུས་ཀྱི་འཁོར་ལོའི་སྒྲུབ་ཐབས་རྒྱས་པ་དཔག་བསམ་ལྗོན་ཤིང་ལ་འཇུག་པ། དཔལ་དུས་ཀྱི་འཁོར་ལོའི་དཀྱིལ་འཁོར་གྱི་ཆོ་ག་ཡེ་ཤེས་རྒྱ་མཚོའི་དགོངས་དོན། དཔལ་དུས་ཀྱི་འཁོར་ལོའི་བསྟོད་པའམ་མངོན་རྟོགས་ཉེ་བར་བསྡུས་པ། བླ་མ་ཡི་དམ་ཆོས་སྐྱོང་གི་བསྐང་གསོ་བདེ་སྟོང་རོལ་པ། ཀུན་མཁྱེན་ཆེན་པོའི་གསུང་། དུས་འཁོར་ཚོགས་མཆོད་བདུད་རྩི་འཁྱིལ་བ། དཔལ་དུས་ཀྱི་འཁོར་ལོའི་དགའ་སྟོན་ཚོགས་ཀྱི་འཁོར་ལོའི་དགྱེས་གླུ་བདེ་ཆེན་རྡོ་རྗེའི་གསང་ཚིག དཔལ་དུས་ཀྱི་འཁོར་ལོའི་སྦྱིན་བསྲེག་གི་ཆོ་ག་ནང་གི་མུན་སེལ་གྱི་ལག་ལེན། དཔལ་དུས་ཀྱི་འཁོར་ལོའི་དབང་ཆོག་ལས་རྡོ་རྗེ་སློབ་དཔོན་གྱི་དབང་གི་ཆོ་ག་ཡེ་ཤེས་རྒྱ་མཚོ་ལ་འཇུག་པ། དཔལ་དུས་ཀྱི་འཁོར་ལོའི་དབང་གོང་མའི་ཆོ་ག དཔལ་དུས་ཀྱི་འཁོར་ལོ་སྙིང་པོའི་དཀྱིལ་འཁོར་གྱི་སྒྲུབ་ཐབས་ཡེ་ཤེས་འོད་འཕྲོ།
རྩོམ་འཕྲོ་ཀློགས། »