སྔགས་ཀྱི་བཀླག་ཐབས་བསྡུས་པ་ཞེས་བྱ་བ། སྣར་ཐང་ལོ་ཙཱ་བ། རྒྱ་གར་སྐད་དུ། མནྟ་སྱ་པ་ཐོ་པཱ་ཡ་བི་ཙིནྟ་ནཱ་མ། བོད་སྐད་དུ། སྔགས་ཀྱི་བཀླག་ཐབས་བསྡུས་པ་ཞེས་བྱ་བ། བླ་མ་དང་མགོན་པོ་འཇམ་པའི་དབྱངས་
ལ་ཕྱག་འཚལ་ལོ། །ཚོགས་གཉིས་སྤྲིན་དཀར་འཛུམ་པ་ལས་འོངས་མཚན་དཔེའི་རི་དྭགས་གཟུགས་ཀྱིས་བཀྲ། །ཁྱེད་སྐུ་ཟླ་བ་ཆ་ཤས་ཡོངས་རྫོགས་ཕྲིན་
ལས་འོད་དཀར་ཁོར་ཡུག་ཅན། །གང་གིས་མཐོང་ན་སྙིང་མུན་སེལ་བྱེད་གདུལ་བྱའི་མཁར་ཁྱབ་འགྲོས་གཉིས་པ། །དབྱངས་ཅན་ལྷ་མོ་མཚན་མོའི་
མགོན་ཁྱོད་དེ་རིང་བདག་བློའི་ཀུ་མུད་སྐྱོངས། ། གསང་སྔགས་ཆོས་ཚུལ་ཟབ་མོའི་གཞལ་ཡས་ཁང་། །བདེ་བར་འཇུག་འདོད་གང་བློའི་བུ་མོ་ལ། །སྒྲ་
སྦྱོར་སྔགས་ཀྱི་བརྗོད་ཚུལ་མགུལ་རྒྱན་མཆོག །གནད་ཀྱི་ཕྲེང་བ་དེ་རིང་ཁོ་བོས་སྦྱིན། །དེ་ཡང་འདི་ལྟར་ཡི་གེའི་ངོ་བོ་ནི་གང་། དེ་ཁམས་གང་གིས་
བསྡུས་ཤིང་སྐྱེ་བའི་ཚུལ་ནི་གང་། བཀླག་པའི་ཐབས་ནི་ཅི་ཞེ་ན། ངོ་བོ་ཨཱ་ལི་ཀཱ་ལི་སྟེ། །ཕོ་མོ་མ་ནིང་གསུམ་དུ་གནས། །ཨ་ཀུ་ཧ་ྈྐ་ནམ་མཁའི་ཁམས། །
མགྲིན་པའི་གནས་ལས་སྐྱེ་བ་ཡིན། །ཨི་ཙུ་ཡ་ཤ་རླུང་གི་ཁམས། །ལྕེ་རྩེ་སོ་རྐན་དག་ལས་སྐྱེ། །རྀ་ཊུ་ར་ཥ་མེ་ཡི་ཁམས། །སྤྱི་བོ་དག་ལས་སྐྱེ་བ་ཡིན། །ཨུ་པུ་
ཝ་ྉྤ་ཆུ་ཡི་ཁམས། །མཆུ་ཡི་གནས་ལས་སྐྱེ་བ་ཡིན། །ལྀ་ཏུ་ལ་ས་ས་ཡི་ཁམས།
རྩོམ་འཕྲོ་ཀློགས། »

ཆོས་རྗེ་རང་བྱུང་རྡོ་རྗེས་མཛད་པའི་རླུང་སེམས་གཉིས་མེད། ཀརྨ་པ་རང་བྱུང་རྡོ་རྗེ། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ།། ༡ གཏུམ་མོ་རླུང་སེམས་གཉིས་མེད། གཏུམ་མོ་རླུང་སེམས་གཉིས་མེད་ལ་གཞུག་ཐབས་རྣམ་པ་གསུམ་སྟེ། རླུང་ལུས་ལ་གཞུག་པ་དང་། སེམས་ལ་གཞུག་པ་དང་། འོད་གསལ་ལ་གཞུག་པའོ། ། ལུས་ལ་གཞུག་པ། ལུས་ལ་གཞུག་པ་ནི། སེམས་བསྐྱེད་ལ་སྐད་ཅིག་གིས་ལྷར་བསམ། རྩ་གསུམ་འདུས་མདོར་ཆོས་འབྱུང་དམར་པོ་གཅིག་བསམ། དེའི་ནང་དུ་གཏུམ་མོ་ཡེ་ཤེས་ཀྱི་མེ་སོར་བཞི་པ་ཙམ་ཁ་དོག་དམར་ལ་གསལ་བ། རེག་བྱ་ཚ་ཞིང་གདུང་བ། རྩེ་མོ་ཕྲ་ལ་རྣོ་བ་གཅིག་བསམ།  དེ་ནས་འཇམ་རླུང་གཅིག་གཟུང་ལ་དྲོད་མ་སྐྱེས་བར་དུ་བསྒོམ།   སེམས་ལ་གཞུག་པ། སེམས་ལ་གཞུག་པ་ནི། གཏུམ་མོའ་མེ་ཡར་ལ་འབར་བས་རྩ་གནས་ཐམས་ཅད་དྲོས་འཁོར་ལོ་གསུམ་གྱི་རྩ་འདུད་ཐམས་ཅད་གྲོལ་བས། སྤྱི་བོའ་ཧཾ་ཞུ། བྱང་སེམས་ཐིག་ལེ་བབ། མེ་དང་ཐིག་ལེས་རྩ་གནས་ཐམས་ཅད་དུ་ཁྱབ་པར་བསམ་ནས་བདེ་བ་མ་སྐྱེས་བར་དུ་བསྒོམ། འོད་གསལ་དུ་གཞུག་པ། བདེ་དྲོད་སྐྱེས་ནས་འོད་གསལ་དུ་གཞུག་པ་ནི་སེམས་སྟོང་པའི་ངང་ལ་མ་གཡོས་པར་བཞག །བདེ་སྟོང་གི་ངང་དུ་རླུང་འབྲལ་མེད་དུ་བསྒོམ། བླ་མ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །
རྩོམ་འཕྲོ་ཀློགས། »

བྱང་ཆུབ་སེམས་དཔའི་སྤྱོད་པ་ལ་འཇུག་པ། ཞི་བ་ལྷ། རྒྱ་གར་སྐད་དུ། བོ་དྷི་སཏྭ་ཨ་བ་ཏཱ་ར། བོད་སྐད་དུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བདེ་གཤེགས་ཆོས་ཀྱི་སྐུ་མངའ་སྲས་བཅས་དང༌། །ཕྱག་འོས་ཀུན་ལའང་གུས་པར་ཕྱག་འཚལ་ཏེ། །བདེ་གཤེགས་སྲས་ཀྱི་སྡོམ་ལ་འཇུག་པ་ནི། །ལུང་བཞིན་མདོར་བསྡུས་ནས་ནི་བརྗོད་པར་བྱ། །སྔོན་ཆད་མ་བྱུང་བ་ཡང་འདིར་བརྗོད་མེད། །སྡེབ་སྦྱོར་མཁས་པའང་བདག་ལ་ཡོད་མིན་ཏེ། །དེ་ཕྱིར་གཞན་དོན་བསམ་པའང་བདག་ལ་མེད། །རང་གི་ཡིད་ལ་བསྒོམ་ཕྱིར་ངས་འདི་བརྩམས། ། ལེའུ་དང་པོ། བྱང་ཆུབ་སེམས་ཀྱི་ཕན་ཡོན། དགེ་བ་བསྒོམ་ཕྱིར་བདག་གི་དད་པའི་ཤུགས། །འདི་དག་གིས་ཀྱང་རེ་ཞིག་འཕེལ་འགྱུར་ལ། །བདག་དང་སྐལ་བ་མཉམ་པ་གཞན་གྱིས་ཀྱང༌། །ཅི་སྟེ་འདི་དག་མཐོང་ན་དོན་ཡོད་འགྱུར། །དལ་འབྱོར་འདི་ནི་རྙེད་པར་ཤིན་ཏུ་དཀའ། །སྐྱེས་བུའི་དོན་སྒྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབས་ན། །ཕྱིས་འདི་ཡང་དག་འབྱོར་པར་ག་ལ་འགྱུར། །ཇི་ལྟར་མཚན་མོ་མུན་ནག་སྤྲིན་རུམ་ནས། །གློག་འགྱུ་སྐད་ཅིག་བར་སྣང་སྟོན་པ་ལྟར། །དེ་བཞིན་སངས་རྒྱས་མཐུ་ཡིས་བརྒྱ་ལམ་ན། །འཇིག་རྟེན་བསོད་ནམས་བློ་གྲོས་ཐང་འགའ་འབྱུང༌། །དེ་ལྟས་དགེ་བ་ཉམ་ཆུང་ཉིད་ལ་རྟག
རྩོམ་འཕྲོ་ཀློགས། »

སློབ་མའི་བསླབ་བྱ། མཁན་པོ་བསོ་དར་རྒྱས་ཀྱིས་བསྒྱུར། སྤྱིའི་སྡོམ་ཚིག སློབ་མའི་བསླབ་བྱ་འདི། ། འཕགས་པའི་སྐྱེ་བོའི་གསུང་། ། སྲི་ཞུ་གུས་བཀུར་དང༌། ། བག་ཡོད་ཡིད་རྟོན་བྱ། ། ཀུན་ལ་བྱམས་པས་སྐྱོང༌། ། བཤེས་གཉེན་དམ་པ་བསྟེན། ། ད་དུང་སྒྲུབ་ནུས་ན། ། ཤེས་བྱ་གཞན་ཀྱང་སློབ། །   སློབ་མའི་བསླབ་བྱ་ཞེས་པ་འདི་ནི་སྔོན་གྱི་འཕགས་པའི་སྐྱེ་བོ་དམ་པ་ཁུང་ཙི་སོགས་ཀྱི་གསུང་རབ་གདམས་པ་ཕྱོགས་གཅིག་ཏུ་བསྡུས་པ་ཡིན་ཞིང༌། གཞུང་འདིའི་ནང་དོན་གཙོ་བོ་ནི་ཕ་མ་ལ་སྲི་ཞུ་བྱ་བ་དང་གཅིག  རྒན་པ་དང་ཕུ་ནུ་ལ་གུས་བཀུར་བྱ་བ་དང་གཉིས། དུས་རྒྱུན་འཚོ་བའི་ཁྲོད་དུ་བག་ཡོད་དོགས་ཟོན་བྱ་བ་དང་གསུམ། བྱ་བ་གང་ལ་ཡང་བློ་བརྟན་ཡིད་རྟོན་འཁེལ་བ་དང་བཞི། སྐྱེ་བོ་ཀུན་ལ་འདྲ་མཉམ་བྱམས་པས་སྐྱོང་བ་དང་ལྔ། རང་ལས་ལྷག་པའི་ཡོན་ཏན་ཅན་གྱི་བཤེས་གཉེན་དམ་པ་བསྟེན་པ་དང་དྲུག་ཡིན་ནོ། །གལ་ཏེ་ད་དུང་ནུས་པ་དང་དུས་སོགས་ལྷག་པོ་ཡོད་ན་སྒྱུ་རྩལ་དྲུག་སོགས་རང་ལ་ཕན་པའི་གནས་གཞན་ལ་ཡང་བསླབ་པར་བྱའོ། ། དང་པོ།
རྩོམ་འཕྲོ་ཀློགས། »