དཔལ་རྒྱལ་བ་ཇོ་ནང་པའི་ཆོས་འབྱུང་མདོར་བསྡུས་བཞུགས། ༈ སྦྱོར་དྲུག་པའམ་དེང་སང་དཔལ་རྒྱལ་བ་ཇོ་ནང་པ་ཞེས་ཡོངས་སུ་གྲགས་པ་ནི། ཐོག་མར་གྱི་ཇོ་ལོ་ཙྭ་བ་ཟླ་བའི་འོད་ཟེར་གྱིས་དུས་འཁོར་རྒྱུད་འགྲེལ་བསྒྱུར་བ་ནས་བཟུང་རྗེ་ཀུན་སྤངས་པ་ཆེན་པོའི་བར་དུ་བརྒྱུད་པ་རྣམས་ལ་སྦྱོར་དྲུག་པ་ཞེས་པའི་མཚན་སྙན་གྱི་རྔ་གསང་ལྡིར། དེའི་རྗེས་སུ་ཀུན་སྤངས་པ་ཆེན་པོའི་ཇོ་མོ་ནང་དུ་དགོན་པ་བཏབ་སྟེ་གདན་ས་མཛད་པས་ཇོ་ནང་པ་ཞེས་གྲགས་པ་ཡིན་ནོ། ། འདི་ཉིད་ཀྱི་བྱུང་བ་བཤད་པ་ལ། མདོ་ཕྱོགས་ནས་རྒྱུད་ཚུལ་དང༌། སྔགས་ཕྱོགས་ནས་རྒྱུད་ཚུལ་གཉིས་ལས། དང་པོ་བདག་ཅག་གི་སྟོན་པ་ཡང་དག་པར་རྫོགས་པའི་སངས་རྒྱས་དེ་ཉིད་ཀྱིས་གདུལ་བྱ་རྣམས་ཀྱི་ཁམས་དང་དབང་པོའི་སྤྱོད་ཡུལ་ལ་དགོངས་ནས་བཀའ་འཁོར་ལོ་གསུམ་ལེགས་པར་སྐོར་བ་ལས། བཀའ་ཐ་མའི་རྗེས་འབྲང་ངེས་དོན་མཐར་ཐུག་གི་དབུ་མ་གཞན་སྟོང་ཆེན་པོའི་བརྒྱུད་རིམ་ནི། སྟོན་པ་ཡང་དག་པར་རྫོགས་པའི་སངས་རྒྱས་དེ་ཉིད་དང༌། རྗེ་བཙུན་བྱམས་པ་མགོན་པོ། དཔལ་མགོན་འཕགས་པ་ཀླུ་སྒྲུབ། འཕགས་པ་ཐོག་མེད་སྐུ་མཆེད་སོགས་ནས་རིམ་བཞིན་གྲུབ་ཆེན་ཤ་བ་རི། མཻ་ཏྲི་བ་ཆེན་པོ། དགའ་བ་གྲགས་པ། ཁ་ཆེ་བ་འབྱུང་གནས་ཞི་བའི་ཞབས། བྲམ་ཟེ་སཛྫ་ན་རྣམས་ཀྱིས་རྒྱ་གར་འཕགས་པའི་ཡུལ་དུ་ངེས་དོན་མཐར་ཐུག་གི་དབུ་མ་གཞན་སྟོང་ཤིན་དུ་གསལ་བར་མཛད་ཅིང༌། གངས་རིའི་ལྗོངས་སུ་ལོ་པཎ་དུ་མས་གཞུང་རྣམས་བསྒྱུར་ཀྱང༌། གྲུབ་མཐའ་གཙང་མར་འཛིན་པ་གཟི་ལོ་ཙྭ་བ་དགའ་བའི་རྡོ་རྗེ། བཙན་རིགས་ཁ་བོ་ཆེ་དྲི་མེད་ཤེས་རབ། ལ་སྟོད་པ་དར་མ་བརྩོན་འགྲུས། དོལ་པ་གཉན་ཡེ་ཤེས་འབྱུང་གནས། འཇའ་སྟོད་སྐུ་མཆེད་བྱང་ཆུབ་སྐྱབས་དང༌། གཞོན་ནུ་བྱང་ཆུབ། སྐྱོ་སྟོན་པ་སྨོན་ལམ་ཚུལ་ཁྲིམས། བཅོམ་ལྡན་རིག་པའི་རལ་གྲི། སྐྱི་སྟོན་འཇམ་དབྱངས་བཅས་བྱམས་ཆོས་སྒོམ་ལུགས་པ་རྣམས་ཡིན་ཞིང༌། ཁྱད་པར་དུ་ངེས་དོན་མཐར་ཐུག་གི་དབུ་མ་གཞན་སྟོང་ཆེན་པོའི་ཤིང་རྟའི་སྲོལ་རྒྱ་ཆེར་འབྱེད་མཁན་ཁམས་གསུམ་ཆོས་ཀྱི་རྒྱལ་པོ་ཀུན་མཁྱེན་དོལ་པོའི་བར་དུ་ངེས་དོན་དབུ་མའི་བརྒྱུད་རིམ་བར་མ་ཆད་པར་གསལ་བར་བཞུགས་པའོ།
རྩོམ་འཕྲོ་ཀློགས། »

སློབ་དཔོན་ཨ་ནུས་མཛད་པའི་བོད་ཀྱི་སྐད་ཀྱི་གསུང་རབ་ལ་འཇུག་ཚུལ་སུམ་ཅུ་པའི་རྣམ་འགྲེལ། ཞུ་ལུ་ལོ་ཙཱ་བ་ཆོས་སྐྱོང་བཟང་པོས་བརྩམས། ༄༅།།ན་མོ་མཉྫུ་བཛཱ་ཡ། ཚངས་དབང་དབྱངས་ལས་ཆོས་སྙན་གསུང་དབྱངས་ཀྱིས། མཐའ་ཡས་འགྲོ་ལ་མཐའ་ཡས་ཆོས་སྟོན་པ། མ་ལུས་རྒྱལ་བ་སྐྱེད་མཛད་རྒྱལ་བའི་སྲས། གང་དང་དབྱེར་མེད་བླ་མ་མཆོག་བཏུད་ནས། གངས་ཅན་སྐད་ཀྱི་བརྡ་སྤྲོད་གཙུག་ལག་གཞུང། གངས་ཅན་མཁས་པ་ཐོན་མི་སམྦྷོ་ཊ། གངས་ཅན་དམ་ཆོས་སྒྲོན་མེ་དེས་མཛད་པའི།། བསྟན་བཅོས་ཟུང་འདི་རབ་ཏུ་དབྱེ་བར་བགྱི།། དེ་ལ་སྟོབས་བཅུ་མངའ་བ་བདག་ཉིད་ཀྱིས། ལྷ་མོ་དྲི་མ་མེད་པའི་གཞུང་འོད་ཀྱིས་ཞུས་པའི་མདོ་ལས། གདོང་དམར་ཅན་གྱི་ཡུལ་དུ་དམ་པའི་ཆོས་འབྱུང་བར་ལུང་བསྟན་པའི་ཁ་བ་ཅན་གྱི་ལྗོངས་འདིར། འཕགས་པ་འཇིག་རྟེན་དབང་ཕྱུག་གི་སྤྲུལ་པའི་སྐུ། མིའི་དབང་པོ་སྲོང་བཙན་སྒམ་པོ་དེ་ཉིད་ཀྱི་སྐུ་རིང་ལ། རྗེ་བཙུན་འཇམ་པའི་དབྱངས་ཀྱི་རྣམ་འཕྲུལ་ཐོན་མི་སམྦྷོ་ཊ་ཞེས་གྲགས་པ་དེ་ཉིད་ཀྱིས་སྔར་བོད་ན་ཡིི་གེ་མེད་པ་ལ། ལཉྪ་ནའི་ཡི་གེ་ལ་དཔེ་བྱས་མཛད་ནས་བོད་ཀྱི་ཡི་གེ་དང་སྐད་ཀྱི་གསུང་རབ་ལ་འཇུག་པའི་ཚུལ་སྔོན་མེད་པ་ཕུལ་དུ་བྱུང་བ་མཛད་དོ། ། འདི་ལ་བརྟེན་ནས་བྱང་ཕྱོགས་ཀྱི་ལྗོངས་བོད་དང་བོད་ཆེན་པོ། རྒྱ་ནག་དང་རྒྱ་ནག་ཆེན་པོའི་མཐར་ཐུག་པའི་རྒྱ་མཚོའི་གོས་ཅན་གྱི་གཞི་འདི་མཐའ་དག་བསྟན་པ་རིན་པོ་ཆེའི་སྒྲོན་མེས་དིང་སང་གི་བར་དུ་སྣང་བར་མཛད་པ་ཉིད་ཀྱི་ཕྱིར་ན་མཁན་པོ་ཆེན་པོ་འདི་ཉིད་ཀྱིས་མཛད་པའི་གཞུང་བཟང་པོ་འདི་དག་ཉེ་བར་མཁོ་བ་ཙམ་དུ་མ་ཟད། བྱས་པ་ཤེས་ཤིང་དྲིན་དུ་གཟོ་བའི་སླད་དུའང། མཁས་པ་རྣམས་ཀྱིས་འབྲི་ཞིང་ཀློག་པ་དང་འཆད་པ་ཉན་པ་དང་རབ་ཏུ་གསལ་བར་བྱེད་རིགས་པ་ཉིད་དོ། སྔོན་མཁན་པོ་འདིས་བོད་ཀྱི་སྐད་ལ་མཁོ་བའི་བསྟན་བཅོས་བརྒྱད་མཛད་པར་གྲགས་པ་ལས། བསྟན་པ་འཕེལ་འགྲིབ་ཀྱི་དབང་གིས་དིང་སང་སུམ་ཅུ་བ་དང་རྟགས་ཀྱི་འཇུག་པ་གཉིས་ལས་མི་སྣང་ལ། ཐོན་མིས་མཛད་པར་གྲགས་པའི་མུན་པའི་སྒྲོན་མེ་ནི་ཐོན་མིས་མཛད་སྲིད་ནའང་། རྒྱ་གར་གྱི་ཀློག་ཚུལ་ཡིན་གྱི། བོད་ཀྱི་སྐད་ལ་འཇུག་པ་མ་ཡིན་ནོ། ། དེས་ན་ཐོག་མར་སུམ་ཅུ་བ་འཆད་པར་བྱེད་པ་ལ་གསུམ་སྟེ།
རྩོམ་འཕྲོ་ཀློགས། »

སྙན་ངག་ཚོར་གདུང་གིས་འབྲི་དགོས། གཉན་པོ། བདག་གིས་བོད་ཀྱི་གདོད་མའི་སྙན་ངག་དང་བཙན་པོའི་སྐབས་ཀྱི་སྙན་ངག་སོགས་ལ་ཆེད་དུ་དཔྱད་ཞིབ་བགྱིས་པ་ཅི་ཡང་མེད་ཅིང་། བོད་ཀྱི་གནའ་བོའི་མགུར་དང་གླུ་ལ་གཞས། གེ་སར་སྒྲུང་། ཁེད་སོགས་དམངས་ཁྲོད་ཀྱི་ངག་གི་སྦྱོར་བ་འདི་དག་ལ་ཡང་འཚོ་བའི་ཁྲོད་ཀྱི་གོམས་འདྲིས་ཙམ་ལས་སྒྱུ་རྩལ་རྩོམ་རིག་གི་ཚད་དུ་བཞག་ནས་དཔྱད་པ་བཏང་བ་ཤིན་ཏུ་འདང་མེད་པ་རང་ལ་གསལ།

ཏཱ་ར་ནཱ་ཐ། ༄༅། རྒྱ་གར་སྐད་དུ་བྷ་ག་བ་ཏི་པྲ་ཛྙཱ་པ་ར་མི་ཏཱ་ཧྲི་ད་ཡ། བོད་སྐད་དུ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ། བམ་པོ་གཅིག་གོ ། ༈ འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ། དགེ་སློང་གི་དགེ་འདུན་ཆེན་པོ་དང༌། བྱང་ཆུབ་སེམས་དཔའི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཟབ་མོ་སྣང་བ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོའི་སྤྱོད་པ་ཉིད་ལ་རྣམ་པར་བལྟ་ཞིང་ཕུང་པོ་ལྔ་པོ་དེ་དག་ལ་ཡང་རང་བཞིན་གྱིས་སྟོང་པར་རྣམ་པར་བལྟའོ། །དེ་ནས་སངས་རྒྱས་ཀྱི་མཐུས་ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། རིགས་ཀྱི་བུ། གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོའི་སྤྱོད་པ་སྤྱད་པར་འདོད་པ་དེས་ཇི་ལྟར་བསླབ་པར་བྱ། དེ་སྐད་ཅེས་སྨྲས་པ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །ཤཱ་རིའི་བུ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོའི་སྤྱོད་པ་སྤྱད་པར་འདོད་པ་དེས་འདི་ལྟར་རྣམ་པར་བལྟ་བར་བྱ་སྟེ་ཕུང་པོ་ལྔ་པོ་དེ་དག་ཀྱང་རང་བཞིན་གྱིས་སྟོང་པར་རྣམ་པར་ཡང་དག་པར་རྗེས་སུ་བལྟའོ། །གཟུགས་སྟོང་པའོ། །སྟོང་པ་ཉིད་གཟུགས་སོ། གཟུགས་ལས་ཀྱང་སྟོང་པ་ཉིད་གཞན་མ་ཡིན། སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ། །དེ་བཞིན་དུ་ཚོར་བ་དང༌། འདུ་ཤེས་དང༌། འདུ་བྱེད་དང༌། རྣམ་པར་ཤེས་པ་རྣམས་སྟོང་པའོ། །ཤཱ་རིའི་བུ།
རྩོམ་འཕྲོ་ཀློགས། »