ཀུན་སྤངས་ཆོས་གྲགས་དཔལ་གྱི་གསུང་འབུམ། པོད་གཅིག
ཀུན་སྤངས་ཆོས་གྲགས་དཔལ་(༡༢༨༣-༡༣༦༣)ནི། ཀུན་མཁྱེན་དོལ་པོ་སངས་རྒྱས་ཀྱི་རང་འདྲའི་སློབ་ཆེན་བཅུ་བཞིའི་གཙོ་གྲས་ཤིག་ཡིན་ལ། བྱང་ཆུབ་སེམས་དཔའ་ནམ་མཁའི་སྙིང་པོའི་སྤྲུལ་བར་གྲགས། ལོ་བཅུ་གཉིས་རིང་ཀུན་མཁྱེན་ཆེན་པོ་འབྲལ་མེད་དུ་བསྟེན་ནས་དུས་འཁོར་སོགས་ཆོས་ཚུལ་མཐའ་ཡས་པ་གསན། ཀུན་མཁྱེན་ཆེན་པོས་ཀྱང་བྱང་ཆུབ་སེམས་དཔའ་ཆེན་པོ་ཞེས་ཆེ་བསྟོད་ཚད་མེད་མཛད། ཇོ་ནང་ལོ་ཙཱ་བློ་གྲོས་རྣམ་གཉིས་ཀྱིས་ཀུན་མཁྱེན་ཆེན་པོའི་བཀའ་ལྟར་དུས་འཁོར་རྒྱུད་འགྲེལ་ལ་འགྱུར་བཅོས་མཛད་སྐབས་དཔང་པོ་བཞུགས།
རྣམ་ཐར་ཅུས་རྒྱས་པ་འདིར་གཟིགས།