Category: འཕྲིན་གསར།

དྲུག་བརྒྱ་དྲུག་ཅུའི་རྗེས་དྲན། བེ་རི་རིག་པའི་རྡོ་རྗེ། {ནང་དོན་གནད་བསྡུས།} ཇོ་ནང་ཀུན་མཁྱེན་དོལ་པོ་སངས་རྒྱས། དེང་དུས་བལ་བོའི་རྒྱལ་ཁོངས་དོལ་པོར་སྐུ་འཁྲུངས། ནར་སོན་རྗེས་བོད་དབུས་སུ་ཕེབས་ནས་སློབ་གཉེར་མཐར་ཕྱིན་མཛད། དབུས་གཙང་གཉིས་སུ་གྲྭ་སྐོར་མཛད་པས་རྩོད་བྲལ་དུ་གྱུར་ཏེ་ཀུན་མཁྱེན་ཞེས་གྲགས། ཇོ་ནང་གི་གདན་ས་མཛད་ཅིང་། སྐུ་འབུམ་མཐོང་གྲོལ་ཆེན་མོ་གསར་བཞེངས་དང་འབྲེལ། གངས་ལྗོངས་སུ་སྔོན་ཆད་བྱུང་མ་མྱོང་བའི་རྒྱལ་བའི་བཀའི་དགོངས་འགྲེལ་ཐུན་མོང་མ་ཡིན་པ་མཛད་དེ། སངས་རྒྱས་ཀྱི་བསྟན་པར་སྐྱོན་བསྲེས་པ་དང་ལྷད་བཅུག་པ་རྣམས་གཙང་སེལ་གྱིས་རྒྱལ་བསྟན་དག་ཐེར་དང་བཀའ་བསྡུ་བཞི་བ་མཛད་པས། བོད་ཀྱི་ནང་བསྟན་ཆོས་ལུགས་ལ་འགྱུར་ལྡོག་དང་ཡར་རྒྱས་ཆེན་པོ་བྱུང་བའི་སྐོར་རོ།། {གནད་ཚིག} ལུང་བསྟན། རྔ་བོ་ཆེའི་མདོ། གཞོན་ནུ་ལི་ཙ་བཱི། ཀ་ཡོ་རི། བན་ཚང་། དོལ་པོ་སངས་རྒྱས། རྫོགས་ལྡན། གཞན་སྟོང་དབུ་མ། བཀའ་བསྡུ་བཞི་བ། བསྲེས་ལྷད།

གཞི་བྱེས་གཉིས་ཀྱི་ཇོ་ནང་པ་ཚོར་འཕྲིན་ཞིག་བསྐུར་ཡོད། དེ་ཡང་། ལང་ཀར་གཤེགས་པའི་མདོ་ལས། “མིང་དུ་གདགས་པར་མ་མཛད་ན།། འཇིག་རྟེན་ཐམས་ཅད་རྨོངས་པར་གྱུར།། དེ་བས་རྨོངས་པ་སེལ་བའི་ཕྱིར།། མགོན་པོས་མིང་དུ་བཏགས་པར་མཛད།།” ཅེས་གསུངས་པ་ལྟར། སྲིད་པ་འཁོར་བ་དང་ཞི་བ་མྱང་འདས་སམ། ཡང་ན་བརྟན་དང་གཡོ་བའི་དངོས་པོ་ཡོད་དོ་ཅོག་ལ་རང་རང་གི་ཁྱད་ཆོས་དང་། བཟོ་ལྟ། འབྱུང་ཁུངས་སོགས་ལ་བརྟེན་ནས་མིང་རེ་བཏགས་ཡོད་པ་བཞིན། ངེས་དོན་དབུ་མའི་ཤིང་རྟ། ཀུན་མཁྱེན་དོལ་པོ་སངས་རྒྱས་འཇིག་རྟེན་དུ་བྱོན་སྐབས། ཁོང་གི་མཚན་ལ་སངས་རྒྱས་ཞེས་ཇི་ལྟར་ཐོགས་ཚུལ་ལ། ཐོག་མར་སངས་རྒྱས་བཅོམ་ལྡན་འདས་ཀྱིས་ཇི་ལྟར་ལུང་གིས་བསྟན་ཚུལ་དང་། བར་དུ་སུས་བཏག་པ། ཐ་མར་ཡོངས་གྲགས་སུ་གྱུར་ཚུལ་དང་བཅས་གསུམ་ལས། 

ཨེ་ཤ་ཡ་རང་དབང་རླུང་འཕྲིན་ཁང་ནས་དུས་འཁོར་དབང་ཐེངས་ ༣༤ སྐོར་ལ་བཅར་འདྲི་བྱས་པ།