དབུ་མའི་བསྟན་བཅོས་ཡིད་བཞིན་ནོར། ཏཱ་ར་ནཱ་ཐ། ༄༅།།  མཐར་ཐུག་དབུ་མ་ཆེན་པོ་འཇིག་རྟེན་འཇིག་རྟེན་འདས་པའི་ཆོས་ཐམས་ཅད་ཀྱི་གནད་བསྟན་བཅོས་ཡིད་བཞིན་ནོར་བུ་ལྟ་བུ་སྙིང་པོ་ངེས་པ་ཞེས་བྱ་བ་གྲུབ་མཐའི་མཐར་ཐུག་བཞུགས་སོ།། ༄༅།། ན་མོ་གུ་རུ་བུད་དྷ་བོ་དྷི་ས་ཏྭ་ཨཱརྻ་ག་ཎེ་བྷྱེཿ གདོད་མའི་སངས་རྒྱས་མཆོག་ལ་ཕྱག་འཚལ་ལོ། །བདེ་གཤེགས་སྙིང་པོ་དེ་ལ་ཕྱག་འཚལ་ལོ། །ཀུན་ཁྱབ་ཆོས་སྐུ་དེ་ལ་ཕྱག་འཚལ་ལོ། །ཉིད་ཀྱི་བཞུགས་ཚུལ་རྟོགས་པར་བྱིན་གྱིས་རློབས། །དུས་གསུམ་སངས་རྒྱས་ཀུན་གྱི་མཁྱེན་པའི་དངོས། །བརྩེ་ལྡན་དོལ་པོ་པ་ལ་གསོལ་བ་འདེབས། །ཡང་ཅིག་གསོལ་བ་འདེབས་སོ་ངེས་དོན་གྱི། །ཆོས་འདི་སྲིད་གསུམ་ཀུན་དུ་དར་པར་ཤོག །

དུས་འཁོར་སྦྱོར་དྲུག་མན་ངག་དུས་ཞབས་སྙན་རྒྱུད། དུས་ཞབས་པ་ཆེན་པོ། རྒྱ་གར་སྐད་དུ། ཥོཌངྒ་ཡོ་ག་ཨུ་པ་དེ་ཤ་ནཱ་མ། བོད་སྐད་དུ། སྦྱོར་བ་ཡན་ལག་དྲུག་པའི་མན་ངག་ཅེས་བྱ་བ། དཔལ་ལྡན་བླ་མ་དམ་པ་རྣམས་དང་དཔལ་དུས་ཀྱི་འཁོར་ལོ་ལ་ཕྱག་འཚལ་ལོ། །སྦྱོར་བ་ཡན་ལག་དྲུག་གི་མན་ངག་དུས་ཞབས་སྙན་བརྒྱུད་དུ་གྲགས་པའི་རྡོ་རྗེའི་ཚིག་རྐང་འདི་ལ་གསུམ། ཀླད་དང་། གཞུང་དང་། མཇུག་གོ །དང་པོ་ལ་གཉིས། མཆོད་པར་བརྗོད་པ་དང་། བརྩམ་པར་དམ་བཅའ་བའོ། ། དང་པོ་ནི། དུས་ཀྱི་འཁོར་ལོར་ཕྱག་འཚལ་ནས། གཉིས་པ་ནི། རྣལ་འབྱོར་ཡན་ལག་དྲུག་བཤད་བྱ། །གཉིས་པ་གཞུང་གི་དོན་ལ་གསུམ། མདོར་བསྟན། རྒྱས་བཤད། དོན་བསྡུ་བའོ། །དང་པོ་ལ་གཉིས། མདོར་བསྟན་དངོས་དང་དབང་པོའ་རིམ་པས་ཁྲིད་ཚུལ་ལོ། ། དང་པོ་ནི། སོ་སོར་སྡུད་དང་བསམ་གཏན་དང་། །སྲོག་རྩོལ་དེ་བཞིན་འཛིན་པ་དང་། །རྗེས་སུ་དྲན་དང་ཏིང་ངེ་འཛིན།
རྩོམ་འཕྲོ་ཀློགས། »

དཔལ་མར་མེ་མཛད་ཡེ་ཤེས། ༄༅།  །རྒྱ་གར་སྐད་དུ།  བོ་དྷི་པའ་ཐ་པྲ་དའི་པཾ།  བོད་སྐད་དུ།  བྱང་ཆུབ་ལམ་གྱི་སྒྲོན་མ།  བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།  །དུས་གསུམ་རྒྱལ་བ་ཐམས་ཅད་དག་དང་དེ་འི་ཆོས་དང༌།  །དགེ་འདུན་རྣམས་ལ་གུས་པ་ཆེན་པོས་ཕྱག་བྱས་ཏེ།  །སློབ་མ་བཟང་པོ་བྱང་ཆུབ་འོད་ཀྱིས་བསྐུལ་གྱུར་པས།  །བྱང་ཆུབ་ལམ་གྱི་སྒྲོན་མ་རབ་ཏུ་གསལ་བར་བྱ།  །ཆུང་ངུ་འབྲིང་དང་མཆོག་གྱུར་པས།  །སྐྱེས་བུ་གསུམ་དུ་ཤེས་པར་བྱ།  །དེ་དག་མཚན་ཉིད་རབ་གསལ་བ།  །སོ་སོའི་དབྱེ་བ་བྲི་བར་བྱ།  ། གང་ཞིག་ཐབས་ནི་གང་དག་གིས།  །འཁོར་བའི་བདེ་བ་ཙམ་དག་ལ།  །རང་ཉིད་དོན་དུ་གཉེར་བྱེད་པ།  །དེ་ནི་སྐྱེས་བུ་ཐ་མར་ཤེས།  །སྲིད་པའི་བདེ་ལ་རྒྱབ་ཕྱོགས་ཤིང༌།  །སྡིག་པའི་ལས་ལས་ལྡོག་བདག་ཉིད།  །གང་ཞིག་རང་ཞི་ཙམ་དོན་གཉེར།  །སྐྱེས་བུ་དེ་ནི་འབྲིང་ཞེས་བྱ།  །རང་རྒྱུད་གཏོགས་པའི་སྡུག་བསྔལ་གྱིས།  །གང་ཞིག་གཞན་གྱི་སྡུག་བསྔལ་ཀུན།  །ཡང་དག་ཟད་པར་ཀུན་ནས་འདོད།  །སྐྱེས་བུ་དེ་ནི་མཆོག་ཡིན་ནོ༑  །སེམས་ཅན་དམ་བ་བྱང་ཆུབ་མཆོག    །འདོད་པར་གྱུར་བ་དེ་དག་ལ། 
རྩོམ་འཕྲོ་ཀློགས། »

གཞན་སྟོང་དབུ་མའི་དོགས་གཅོད་བསྡུས་པ་ངེས་དོན་གསལ་བའི་སྒྲོན་མེ། མཁན་ཆེན་ཚུལ་ཁྲིམས་བློ་གྲོས། ༄༅།། བླ་མ་དང་རྗེ་བཙུན་བྱམས་པ་མགོན་པོ་ལ་ཕྱག་འཚལ་ལོ།། དེ་ཡང་སྟོན་པ་མཉམ་མེད་ཐུབ་པའི་དབང་པོ་སྐྱེ་བོ་ཡོངས་ཀྱི་རྣམ་འདྲེན་གཅིག་པུར་གྱུར་བ།  མཁྱེན་བརྩེ་ནུས་པའི་དཀྱིལ་འཁོར་ཡོངས་སུ་རྫོགས་པ་གང་གིས་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་བ་ལས་ཐ་མ་ལེགས་པར་རྣམ་པར་ཕྱེས་པའི་ཆོས་འཁོར་འདི་ནི་སྟོན་པ་ཉིད་ཀྱིས་ཀྱང་རྔ་བོ་ཆེའི་མདོ་སོགས་ལས་བསྔགས་པ་ཆེ་ཐང་དུ་བརྗོད།   མདོ་སྡེ་དྲང་ངེས་འབྱེད་པའི་དཔང་བོར་བཅོམ་ལྡན་འདས་རང་གིས་བསྐོས་པའི་འཕགས་པ་ཐོགས་མེད་ཞབས་ཀྱིས་ཀྱང་ངེས་པའི་དོན་དུ་བཞག་པའི་མདོ་སྡེ་ནི་འཕགས་པ་མྱ་ངན་ལས་འདས་པ་ཆེན་པོ་དང༌།   རྔ་བོ་ཆེ་དང༌།   སོར་མོའི་ཕྲེང་བའི་མདོ་ལ་སོགས་པ་ཡིན་ལ།  དེ་རྣམས་ཀྱི་བརྗོད་བྱ་ཟབ་ཞི་སྤྲོས་བྲལ་འོད་གསལ་འདུས་མ་བྱས་པའི་རང་བཞིན་རིག་ཁམས་བདེ་བར་གཤེགས་པའི་སྙིང་པོ་དེ་ལ་གངས་ཅན་གྱི་ལྗོངས་འདིར་དཔལ་ལྡན་ཇོ་ནང་བའི་མཁས་གྲུབ་གཉིས་ལྡན་གྱི་དམ་པ་རྣམས་ཀྱིས་གཞན་སྟོང་དབུ་མ་ཆེན་པོ་ཞེས་པའི་མཚན་གསོལ་ཞིང༌།   ལུང་དང་རིགས་པའི་ལམ་ནས་ཤིན་ཏུ་གསལ་བར་མཛད་དོ།། དེ་ལ་ཁ་ཅིག་གིས་ནི་འདི་བོད་ཀྱིས་རང་བཟོ་ཡིན་པ་དང༌།  མུ་སྟེགས་པའི་ལུགས་ཡིན་སོགས་ཟེར་རོ།།  འོན་ཀྱང་གཟུ་བོར་གནས་པའི་བློས་རྣམ་པར་བརྟགས་ན་འདི་ལྟར་སྣང་སྟེ།   འདི་རང་བཟོ་ཡིན་ཞེས་པ་ནི་ཤིན་ཏུ་མི་འཐད་དེ།  དཔལ་ལྡན་ཇོ་ནང་པ་རྣམས་ཀྱིས་སྙིང་པོ་བསྟན་པའི་མདོ་རྣམས་དང༌།   རྒྱུད་བླ་རྩ་འགྲེལ།  ཆོས་དབྱིངས་བསྟོད་པ།   བླ་མེད་ཀྱི་རྒྱུད་སྡེ།  སེམས་འགྲེལ་སོགས་ནས་གསུངས་པ་རྣམས་ཇི་ལྟ་བ་བཞིན་དུ་བཀྲལ་འདུག་གི  དེ་རྣམས་ནས་གཏན་ནས་མ་བཤད་པའི་གཞན་སྟོང་ཞིག་གང་དུའང་བཤད་པ་མི་སྣང་བའི་ཕྱིར་རོ།།  གལ་ཏེ་མིང་གཞན་སྟོང་ཞེས་བཏགས་པ་ཙམ་གྱིས་རང་བཟོའི་གྲུབ་མཐའ་ཉིད་དུ་འགྱུར་འགྲོ་བར་སྨྲ་བ་ནི་ཧ་ཅང་ཐལ་ལོ།།  མུ་སྟེགས་པའི་ལུགས་སུ་སྨྲ་བ་ནི་དགོས་པའི་དབང་ངམ་གྱ་ཚོམ་དུ་སྨྲ་བ་སྟེ།  ཇོ་ནང་བའི་གཞན་སྟོང་དང་མུ་སྟེགས་པའི་བར་དུ་མ་ཟད་རང་སྡེ་རྣམ་རིག་པ་དག་དང་གཞན་སྟོང་དབུ་མའི་བར་གྱི་བར་ཐག་ཀྱང་གནམ་ས་ལས་རིང་བའི་ཕྱིར་རོ།།  དེས་ན་འདི་ལ་དོགས་པ་འགའ་ཞིག་སྤོངས་པ་ལ།   སྣང་ཕྱོགས་ཀྱི་དོགས་པ་སྤོངས་པ་དང༌།   སྟོང་ཕྱོགས་ཀྱི་དོགས་པ་སྤོངས་པ་དང༌།  བརྗོད་ཚུལ་མི་འཐད་པའི་དོགས་པ་སྤོངས་པའོ།།   དང་པོ་ནི།  
རྩོམ་འཕྲོ་ཀློགས། »