Category: བཀའ་བསྟན།

འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ་ཞེས་བྱ་བ། སངས་རྒྱས་ཤཱཀྱ་ཐུབ་པ། ༄༅།། རྒྱ་གར་སྐད་དུ། ཨཱརྱ་མཉྫུ་ཤྲཱི་ནཱ་མ་སངྒཱི་ཏི། བོད་སྐད་དུ། འཕགས་པ་འཇམ་དཔལ་གྱི་དོན་དམ་པའི་མཚན་ཡང་དག་པར་བརྗོད་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། ། དེ་ནས་དཔལ་ལྡན་རྡོ་རྗེ་འཆང༌། །གདུལ་དཀའ་འདུལ་བ་རྣམས་ཀྱི་མཆོག །དཔའ་བོ་འཇིག་རྟེན་གསུམ་ལས་རྒྱལ། །རྡོ་རྗེ་དབང་ཕྱུག་གསང་བའི་རྒྱལ། ། པདྨ་དཀར་པོ་རྒྱས་འདྲའི་སྤྱན། །པདྨ་རྒྱས་འདྲའི་ཞལ་མངའ་བ། །རང་གི་ལག་གིས་རྡོ་རྗེ་མཆོག །ཡང་དང་ཡང་དུ་གསོར་བྱེད་པ། །ཁྲོ་གཉེར་རིམ་པར་ལྡན་ལ་སོགས། །ལག་ན་རྡོ་རྗེ་མཐའ་ཡས་པ། །དཔའ་བོ་གདུལ་དཀའ་འདུལ་བ་པོ། །འཇིགས་སུ་རུང་དང་དཔའ་བྱད་ཅན། །རྡོ་རྗེ་རྩེ་མོ་རབ་འཕྲོ་བ། །རང་གི་ལག་གིས་གསོར་བྱེད་པ། །སྙིང་རྗེ་ཆེ་དང་ཤེས་རབ་དང༌། །ཐབས་ཀྱིས་འགྲོ་དོན་བྱེད་པའི་མཆོག །དགའ་མགུ་རངས་པའི་བསམ་པ་ཅན། ཁྲོ་བོའི་ལུས་ཀྱི་གཟུགས་ལྡན་པ། །སངས་རྒྱས་འཕྲིན་ལས་བྱེད་པའི་མགོན། །ལུས་བཏུད་རྣམས་དང་ལྷན་ཅིག་ཏུ།
རྩོམ་འཕྲོ་ཀློགས། »

དཔལ་གསང་བ་འདུས་པ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ། སྟོན་པ་ཤཱཀྱ་ཐུབ་པ། ༄༅༅།།  རྒྱ་གར་སྐད་དུ།  ཤྲཱི་གུ་ཧྱ་ས་མ་ཛ་མ་ཧཱ་ཏན་ཏྲ་རཱ་ཛ་ནཱ་མ། བོད་སྐད་དུ།  དཔལ་གསང་བ་འདུས་པ་ཞེས་བྱ་བ་རྒྱུད་ཀྱི་རྒྱལ་པོ་ཆེན་པོ།  དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། བྱང་ཆུབ་སེམས་དཔའ་སེམས་དཔའ་ཆེན་པོ་དམ་ཚིག་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་སྐུ་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་གསུང་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བ་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ས་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ཆུ་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་མེ་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་རླུང་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའ་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་གཟུགས་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲ་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་དྲི་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་རོ་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་རེག་བྱ་རྡོ་རྗེ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་དབྱིངས་ཀྱི་ངོ་བོ་ཉིད་རྡོ་རྗེ་དང༌། དེ་དག་ལ་སྩོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བརྗོད་ཀྱིས་མི་ལང་བའི་ཡང་བརྗོད་ཀྱིས་མི་ལང་བའི་སངས་རྒྱས་ཀྱི་ཞིང་གི་རྡུལ་ཕྲ་རབ་སྙེད་རྣམས་དང༌། དེ་བཞིན་གཤེགས་པ་ནམ་མཁའི་དབྱིངས་དང་མཉམ་པ་ལ་འདི་ལྟ་སྟེ། དེ་བཞིན་གཤེགས་པ་རྡོ་རྗེ་མི་བསྐྱོད་པ་དང༌། དེ་བཞིན་གཤེགས་པ་རྡོ་རྗེ་རྣམ་པར་སྣང་མཛད་དང༌། དེ་བཞིན་གཤེགས་པ་རྡོ་རྗེ་རིན་ཆེན་དཔལ་དང༌།
རྩོམ་འཕྲོ་ཀློགས། »

ཐེག་པ་ཆེན་པོ་རྒྱུད་བླ་མའི་འགྲེལ་བ། འཕགས་པ་ཐོགས་མེད། ༄༅། །རྒྱ་གར་སྐད་དུ། མ་ཧཱ་ཡཱ་ན་ཨ་ནུད་ཏ་ར་ཏན་ཏྲ་ཤཱསྟཱ། ཞེས་པ་འདི་བོད་སྐད་དུ་བསྒྱུར་ན་ཐེག་པ་ཆེན་པོ་སེམས་ཅན་ཐམས་ཅད་ཀྱི་སེམས་ཀྱི་རང་བཞིན་འོད་གསལ་བའི་རྒྱུད་འདི་ཉིད་གོང་ན་མེད་པས་བླ་མ་འདི་སྟོན་པར་བྱེད་པའི་བསྟན་བཅོས་ཕྱག་གི་ཡུལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་སྒོ་གསུམ་གུས་པས་ཕྱག་འཚལ་ལོ། ། བསྟན་བཅོས་འདིས་དོན་གང་སྟོན་ཞེ་ན་དོན་བདུན་པོ་འདི་ལྟ་སྟེ་སངས་རྒྱས་དཀོན་མཆོག་དང་ཆོས་དཀོན་མཆོག་དང་ཚོགས་དགེ་འདུན་དཀོན་མཆོག་དང་ཁམས་དྲི་བཅས་དེ་བཞིན་ཉིད་དང༌།བྱང་ཆུབ་དྲི་བྲལ་དེ་བཞིན་ཉིད་དང༌། བྱང་ཆུབ་དེའི་ཡོན་ཏན་སྟོབས་སོགས་དང་སངས་རྒྱས་སངས་རྒྱས་ཀྱི་སྐུ་གསུང་ཐུགས་ཀྱི། འཕྲིན་ལས་ནི་དོན་བདུན་གྱི་ཐ་མ་སྟེ། དོན་བདུན་པོ་འདི་སྟོན་པའི། བསྟན་བཅོས་ཀུན་གྱི་ལུས་ནི་མདོར་བསྡུས་ན། དོན་རྡོ་རྗེ་ལྟ་བུ་བདུན་པོ་འདི་ཡི་ནི་རྟོགས་པའི། གནས་རྗོད་བྱེད་ཚིག་གི་ཚན་པ་བདུན་པོ་འདི་དག་གོ །  བསྟན་བཅོས་ཀྱི་ཚིག་འདི་རྣམས་ནི། རྟོགས་པར་བྱ་བའི་དོན་རྡོ་རྗེ་ལྟ་བུའི་གནས་ཏེ། རྟོགས་པའི། གཞི་ཡིན་པའི་ཕྱིར་རྡོ་རྗེའི་གནས་སོ། ། དོན་དང་ཡེ་གེ་གཉིས་ཡོད་པ། དེ་ལ་དོན་བདུན་པོ་འདི་ལ་རྡོ་རྗེ་ཟེར་བའི་རྒྱུ་མཚན། ཐོས་པ་དང་བསམ་པ་ལས་བྱུང་བའི་ཤེས་པ་སྤྲོས་བཅས་ཀྱི་ས། མཐའ་གཅིག་ཏུ་ཕིགས་པར་དཀའ་བའི་ཕྱིར་ན། མཐའ་ཅིག་ཏུ། བརྗོད་དུ་མེད་པའི་རང་བཞིན་འཕགས་པ་རྣམས་ཀྱི་སོ་སོ་རང་གིས་རིག་པར་བྱ་བའི་དོན་ནི་རྡོ་རྗེ་ལྟ་བུར་རིག་པར་བྱའོ། ། དོན་བདུན་པོ་དེ་རང་གི་རྒྱུད་ལ་ཐོབ་པ་དང་རྗེས་སུ་འཐུན་པའི་ལམ་ཕྱིན་ཅི་མ་ལོག་པར་སྟོན་པར་བྱེད་པས་ན། དོན་དེ་རྗོད་པའི་ཡི་གེ་གང་པ་ཡིན་དེ་དག་ནི་དོན་དེ་རྟོགས་པའི་གནས་ཞེས་བརྗོད་དེ།
རྩོམ་འཕྲོ་ཀློགས། »

དཔལ་མར་མེ་མཛད་ཡེ་ཤེས། ༄༅།  །རྒྱ་གར་སྐད་དུ།  བོ་དྷི་པའ་ཐ་པྲ་དའི་པཾ།  བོད་སྐད་དུ།  བྱང་ཆུབ་ལམ་གྱི་སྒྲོན་མ།  བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།  །དུས་གསུམ་རྒྱལ་བ་ཐམས་ཅད་དག་དང་དེ་འི་ཆོས་དང༌།  །དགེ་འདུན་རྣམས་ལ་གུས་པ་ཆེན་པོས་ཕྱག་བྱས་ཏེ།  །སློབ་མ་བཟང་པོ་བྱང་ཆུབ་འོད་ཀྱིས་བསྐུལ་གྱུར་པས།  །བྱང་ཆུབ་ལམ་གྱི་སྒྲོན་མ་རབ་ཏུ་གསལ་བར་བྱ།  །ཆུང་ངུ་འབྲིང་དང་མཆོག་གྱུར་པས།  །སྐྱེས་བུ་གསུམ་དུ་ཤེས་པར་བྱ།  །དེ་དག་མཚན་ཉིད་རབ་གསལ་བ།  །སོ་སོའི་དབྱེ་བ་བྲི་བར་བྱ།  ། གང་ཞིག་ཐབས་ནི་གང་དག་གིས།  །འཁོར་བའི་བདེ་བ་ཙམ་དག་ལ།  །རང་ཉིད་དོན་དུ་གཉེར་བྱེད་པ།  །དེ་ནི་སྐྱེས་བུ་ཐ་མར་ཤེས།  །སྲིད་པའི་བདེ་ལ་རྒྱབ་ཕྱོགས་ཤིང༌།  །སྡིག་པའི་ལས་ལས་ལྡོག་བདག་ཉིད།  །གང་ཞིག་རང་ཞི་ཙམ་དོན་གཉེར།  །སྐྱེས་བུ་དེ་ནི་འབྲིང་ཞེས་བྱ།  །རང་རྒྱུད་གཏོགས་པའི་སྡུག་བསྔལ་གྱིས།  །གང་ཞིག་གཞན་གྱི་སྡུག་བསྔལ་ཀུན།  །ཡང་དག་ཟད་པར་ཀུན་ནས་འདོད།  །སྐྱེས་བུ་དེ་ནི་མཆོག་ཡིན་ནོ༑  །སེམས་ཅན་དམ་བ་བྱང་ཆུབ་མཆོག    །འདོད་པར་གྱུར་བ་དེ་དག་ལ། 
རྩོམ་འཕྲོ་ཀློགས། »