Category: ཇོ་ནང་དཔེ་ཚོགས།

ཤེས་རབ་ཀྱི་ཕ་རོལ་ཏུ་ཕྱིན་པའི་དོན་མངོན་པར་རྟོགས་པའི་རྒྱན་གྱི་ཚིག་ལེའུར་བྱས་པའི་འགྲེལ་བ་མདོ་ལུགས་མ། ཀུན་མཁྱེན་དོལ་པོ་སངས་རྒྱས། དཔལ་ཡོངས་གྲུབ་ཐམས་ཅད་ལ་ཕྱག་འཚལ་ལོ། །གཞི་ཤེས་རབ་ཀྱི་ཕ་རོལ་ཏུ་ཕྱིན་པ་ཆོས་དབྱིངས་དེ་བཞིན་ཉིད་ཀྱི་མཁྱེན་པ་གསུམ་ལ་ཕྱག་འཚལ་ལོ། །ལམ་ཤེས་རབ་ཀྱི་ཕ་རོལ་ཏུ་ཕྱིན་པ་ཤེར་ཕྱིན་ཟབ་མོའི་རྣལ་འབྱོར་ཐབས་སྦྱོར་བ་བཞིའི་མཁྱེན་པ་གསུམ་ལ་ཕྱག་འཚལ་ལོ། །འབྲས་བུ་ཤེས་རབ་ཀྱི་ཕ་རོལ་ཏུ་ཕྱིན་པ་བྲལ་འབྲས་ཆོས་སྐུའི་མཁྱེན་པ་གསུམ་ལ་ཕྱག་འཚལ་ལོ། ། ཤེས་རབ་བདག་ཉིད་ཕ་རོལ་ཕྱིན་པའི་གཙོ། །དུས་གསུམ་འཕགས་ཀུན་བསྐྱེད་མ་ཆོས་ཀྱི་དབྱིངས། ། གཞི་འབྲས་དབྱེར་མེད་གཉིས་མེད་ཡེ་ཤེས་མཆོག །རྒྱལ་བའི་ཡུམ་ལ་གུས་པས་ཕྱག་འཚལ་ལོ། །རྒྱལ་ལས་ཆེས་མཁས་འགའ་ཡང་ཡོད་མིན་ཕྱིར། །རྒྱལ་ལས་ལྷག་པའི་དབང་པོ་གཞན་མེད་ཕྱིར། །རྒྱལ་དང་འགལ་བའི་བཤད་སྲོལ་རྣམས་དོར་ནས། །རྒྱན་གྱི་དགོངས་པ་མདོ་བཞིན་བྲི་བར་བྱ། དེ་ལ་རྒྱལ་ཚབ་བྱམས་པ་མགོན་པོའི་ཞལ་སྔ་ནས་གསུངས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མདོའི་དོན་ཆོས་སྤྱོད་བཅུ་ཡི་བདག་ཉིད་བདེ་བླག་ཏུ་རྟོགས་པར་བྱེད་པའི་བསྟན་བཅོས་མངོན་པར་རྟོགས་པའི་རྒྱན་གྱི་ཚིག་ལེའུར་བྱས་པ་འདི་འཆད་པ་ལ་གསུམ་སྟེ། བསྟན་བཅོས་ལ་འཇུག་པའི་སྒོ་འདོད་པའི་ལྷ་ལ་ཕྱག་འཚལ་བ་དང༌། དགོས་འབྲེལ་བསྟན་ནས་དངོས་པོ་བརྒྱད་ཀྱིས་ཤེར་ཕྱིན་བཤད་པ་དང༌། དོན་བསྡུས་གཞན་དང་གཞན་གྱིས་མཇུག་བསྡུས་དེ་བསྟན་པའོ། ། དེ་དག་གི་ཡང་ཐོག་མར། རྒྱ་གར་གྱི་སྐད་དུ་བཞུགས་པའི་བསྟན་བཅོས་བོད་སྐད་དུ་བསྒྱུར་ཞིང༌། སྡུད་པར་བྱེད་པ་པོ་ལོ་ཙཱ་བ་རྣམས་ཀྱིས་བསྡུ་བར་བྱ་བའི་བསྟན་ཆོས་སྡུད་བྱེད་བོད་ཀྱིས་བསྡུས་པའི་ཚུལ་ནི་འདི་ལྟ་སྟེ། རྒྱ་སྐད་དང་བོད་སྐད་རིམ་པ་ལྟར་པྲཛྙཱ་པཱ་ར་མི་ཏ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང༌། ཨུ་པ་ད་ཤ་ནི་མན་ངག་དང༌། ཤཱསྟྲ་ནི་བསྟན་བཅོས་དང༌། ཨ་བྷི་ས་མ་ཡ་ནི་མངོན་པར་རྟོགས་པ་དང༌། ཨ་ལང་ཀ་ར་ནི་རྒྱན་དང༌། ན་མ་ནི་ཞེས་བྱ་བ་དང༌།
རྩོམ་འཕྲོ་ཀློགས། »

རྒྱས་པའི་བསྟན་བཅོས་ཚད་མ་རྣམ་འགྲེལ་གྱི་ཚིག་ལེའུར་བྱས་པ། དཔལ་ཆོས་ཀྱི་གྲགས་པ། རྒྱ་གར་སྐད་དུ། པྲ་མཱ་ཎ་བར་ཏཱི་ཀ་ཀཱ་རི་ཀཱ། བོད་སྐད་དུ། ཚད་མ་རྣམ་འགྲེལ་གྱི་ཚིག་ལེའུར་བྱས་པ། ༈ འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། ། ༈ རྟོག་པའི་དྲྭ་བ་རྣམ་བསལ་ཞིང་། །ཟབ་ཅིང་རྒྱ་ཆེའི་སྐུ་མངའ་བ། །ཀུན་ཏུ་བཟང་པོའི་འོད་ཟེར་དག །ཀུན་ནས་འཕྲོ་ལ་ཕྱག་འཚལ་ལོ། ། ༈ སྐྱེ་བོ་ཕལ་ཆེར་ཕལ་ལ་ཆགས་ཤིང་ཤེས་རབ་རྩལ་མེད་པས་ན་ལེགས་བཤད་རྣམས། །དོན་དུ་མི་གཉེར་ཁོ་ནར་མ་ཟད་ཕྲག་དོག་དྲི་མ་དག་གིས་སྡང་བར་ཡང་། །ཡོངས་གྱུར་དེས་ན་བདག་ལ་འདི་ནི་གཞན་ལ་ཕན་པ་ཡིན་ཞེས་བསམ་པའང་མེད། །སེམས་ནི་ཡུན་རིང་ལེགས་བཤད་གོམས་པ་ལྷུར་ལེན་བསྐྱེད་ཕྱིར་འདི་ལ་དགའ་བ་སྐྱེས། ། ༈ ཕྱོགས་ཆོས་དེ་ཆས་ཁྱབ་པ་ཡི། །གཏན་ཚིགས་དེ་ནི་རྣམ་གསུམ་ཉིད། །མེད་ན་མི་འབྱུང་ངེས་ཕྱིར་རོ། །གཏན་ཚིགས་ལྟར་སྣང་དེ་ལས་གཞན། ། རང་དོན་རྗེས་སུ་དཔག་པ་སྟེ་ལེའུ་དང་པོ། ༈ རྒྱུ་ལ་རང་བཞིན་ཇི་སྙེད་ཅིག
རྩོམ་འཕྲོ་ཀློགས། »

རྗེ་ཡུ་མོའི་སྦྱོར་བ་ཡན་ལག་དྲུག་གི་མན་ངག་སེམས་ཉིད་རང་གསལ་ཞེས་བྱ་བ། ཡུ་མོ་མི་བསྐྱོད་རྡོ་རྗེ། ༄༅།། ན་མཿཤྲཱི་ཀཱ་ལ་ཙཀྲཱ་ཡ། སྦྱོར་བ་ཡན་ལག་དྲུག་གིས་མཆོག་གི་དངོས་གྲུབ་སངས་རྒྱས་ཉིད་ངེས་པར་འགྲུབ་པའི་ཐབས་ལ། སོ་སོར་སྤོང་བ། དང་པོར་སོ་སོར་སྤོང་བ་བསྒོམ་སྟེ། དེའང་ལུས་ཀྱི་བྱེད་པ་བཅིང་ཐབས་བྱས་པས་དབང་པོ་ལྔ་ཡུལ་ལ་གཡོ་བ་བཅིངས་ནས། ལུས་ངག་ཡིད་ཞེན་པ་མེད་དེ། ཁམས་གསུམ་སྟོང་པར་མཐོང་ངོ༌།། དེ་ཡང་སེམས་ཀྱང་ནམ་མཁར་བསྲེ་སྟཻ། གདན་བཞི་ལས། ཡིད་ནི་ནམ་མཁར་ཐིམ་བྱ་སྟེ།། ཞེས་སོ།། དབང་མདོར་བསྟན་ལས། མིག་གཉིས་མ་ཕྱེ་མ་བཙུམས་པས།། ཞེས་སོ།། ལུས་ཀྱི་བྱེད་པ་བཅིངས་པས་རླུང་བཙན་ཐབས་སུ་འཆིང་དེས་རྟགས་དུ་སོགས་འབྱུང་ངོ༌།། དང་པོ་སྐྱིལ་ཀྲུང་བྱ་ལུས་བསྲང་གསུས་པ་སྦྱར། མཐེ་འོང་ནང་དུ་བཅུག་པའི་ཁུ་ཚུར་ལྟེ་འོག་ཏུ་གཏད། ལྕེ་རྐན་ལ་སྦྱར། མིག་བགྲད། ཁ་ཅུང་ཟད་གདང་ངོ༌།། དེས་དཔྲལ་བའི་འཁོར་ལོ་སྐུའི་ཐིག་ལེར་སྲོག་རླུང་བཙུད་པས་ ས་རླུང་རྒྱུ་དུས་རླུང་དབུས་མར་འགྲོ། དེ་ནས་ཐིག་ལེར་རླུང་འཇུག་སྟེ། དེས་སངས་རྒྱས་ཀྱི་རྒྱུར་ངེས་པར་འགྱུར་རོ།། སྲོག་ནི་ཐིག་ལེར་ངེས་པར་གཞུག། ཞེས་དང་ འདུས་པ་ལས།
རྩོམ་འཕྲོ་ཀློགས། »

ཐེག་མཆོག་ཤིན་ཏུ་རྒྱས་པའི་དབུ་མ་ཆེན་པོ་རྣམ་པར་ངེས་པ་ཞེས་བྱ་བ། ཏཱ་ར་ནཱ་ཐ། ༄༅།།  ཨོཾ་སྭཱ་སྟི། ཐེག་མཆོག་ཤིན་ཏུ་རྒྱས་པའི་དབུ་མ་ཆེན་པོ་རྣམ་པར་ངེས་པ་ཞེས་བྱ་བ། བླ་མ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། རྒྱལ་བ་ཀུན་འདུས་རྒྱལ་བའི་སྲས་པོའི་ཚུལ། ། རྒྱལ་བའི་ཆོས་འཛིན་རྒྱལ་དང་མཛད་པ་མཚུངས། ། རྒྱལ་མཆོག་མཚུངས་མེད་རྒྱལ་བས་ལུང་བསྟན་པ། ། རྒྱལ་དེ་འདྲེན་མཆོག་རྒྱལ་བར་ཡིད་གཉིས་སྤངས། ། གང་ཞིག་ཚུལ་ཁྲིམས་ཤིན་ཏུ་རྣམ་པར་དག ། གང་འདི་ཤེས་བྱའི་རྣམ་པ་ཀུན་ལ་མཁས། ། གང་ལ་བྱང་ཆུབ་སེམས་ཀྱི་ངང་ཚུལ་ཡོད། ། གང་དག་དེ་གསུམ་ལྡན་པ་ཕྱག་གི་གནས། ། གང་ཞིག་ང་རྒྱལ་ཕྲག་དོག་རྩུབ་སེམས་མེད། ། གང་ཞིག་ཆོས་དང་དམ་པ་མི་སྤོང་བ། ། གང་ཞིག་རང་གི་ཡོན་ཏན་ངོམ་མི་བྱེད། ། གང་ཞིག་དེ་དེའང་དམ་པ་ཡིན་ཕྱིར་མོས། ། གང་ཞིག་དགོངས་པ་ཟབ་མོ་ངེས་པར་འགྲེལ།
རྩོམ་འཕྲོ་ཀློགས། »