འཕྲིན་གསར།

གཞི་བྱེས་གཉིས་ཀྱི་ཇོ་ནང་པ་ཚོར་འཕྲིན་ཞིག་བསྐུར་ཡོད།

གཞི་བྱེས་གཉིས་ཀྱི་ཇོ་ནང་པ་ཚོར་འཕྲིན་ཞིག་བསྐུར་ཡོད།

དེ་ཡང་། ལང་ཀར་གཤེགས་པའི་མདོ་ལས། “མིང་དུ་གདགས་པར་མ་མཛད་ན།། འཇིག་རྟེན་ཐམས་ཅད་རྨོངས་པར་གྱུར།། དེ་བས་རྨོངས་པ་སེལ་བའི་ཕྱིར།། མགོན་པོས་མིང་དུ་བཏགས་པར་མཛད།།” ཅེས་གསུངས་པ་ལྟར། སྲིད་པ་འཁོར་བ་དང་ཞི་བ་མྱང་འདས་སམ། ཡང་ན་བརྟན་དང་གཡོ་བའི་དངོས་པོ་ཡོད་དོ་ཅོག་ལ་རང་རང་གི་ཁྱད་ཆོས་དང་། བཟོ་ལྟ། འབྱུང་ཁུངས་སོགས་ལ་བརྟེན་ནས་མིང་རེ་བཏགས་ཡོད་པ་བཞིན། ངེས་དོན་དབུ་མའི་ཤིང་རྟ། ཀུན་མཁྱེན་དོལ་པོ་སངས་རྒྱས་འཇིག་རྟེན་དུ་བྱོན་སྐབས། ཁོང་གི་མཚན་ལ་སངས་རྒྱས་ཞེས་ཇི་ལྟར་ཐོགས་ཚུལ་ལ། ཐོག་མར་སངས་རྒྱས་བཅོམ་ལྡན་འདས་ཀྱིས་ཇི་ལྟར་ལུང་གིས་བསྟན་ཚུལ་དང་། བར་དུ་སུས་བཏག་པ། ཐ་མར་ཡོངས་གྲགས་སུ་གྱུར་ཚུལ་དང་བཅས་གསུམ་ལས། 

རྒྱལ་བ་ཇོ་ནང་པའི་ཆོས་རྒྱུད།

རྒྱལ་བ་ཇོ་ནང་པའི་ཆོས་རྒྱུད་ཀྱི་ཐོབ་ཐང་སྐོར་ལ་ཨེ་ཤ་ཡ་རང་དབང་རླུང་འཕྲིན་ཁང་གི་གསར་འགོད་པ་སྟག་ལྷ་རྒྱལ་དང་མཉམ་དུ་གླེང་མོལ་བྱས་པ།

ཨེ་ཤ་ཡ་རང་དབང་རླུང་འཕྲིན་ཁང་།

གསུམ་པའི་ཉེར་དྲུག་གི་སྔོན་གླེང་།

ངས་འདི་ནས་གླེང་འདོད་པ་ནི།  སྐབས་བཅོ་ལྔ་བའི་བོད་མི་མང་སྤྱི་འཐུས་ལྷན་འཚོགས་ཀྱི་ཚོགས་དུས་དགུ་བའི་ཐོག  དྲང་བདེན་མ་ཡིན་པའི་ཐག་ཆོད་ཅིག་བྱུང་བ་དེའི་མཇུག་འབྲས་སུ།  བོད་ཕྱི་ནང་གཉིས་ནས་སེམས་ཚོར་འདྲ་མིན་ཐོག་སྤེལ་བའི་རྩོམ་ཡིག་ཕྱོགས་བསྒྲིགས<<ཇོ་ནང་བའི་ཞི་འབོད>>ཅེས་པ་དེའི་སྐོར་ཡིན་མོད།  དེ་དང་ཁ་འབྲལ་ཐབས་མེད་པའི་འདས་ཟིན་པའི་བོད་ཀྱི་ཆོས་འབྱུང་ལོ་རྒྱུས་ཀྱི་གླེགས་བམ་ཁྲོད་ན།  ཟླ་འོད་ལྟར་དཀར་ཆིལ་ལེར་ཡོད་ཅིང་།  སྤྱི་ཚོགས་ཀྱི་བཞུད་ལམ་ཐོག་ན།  ཉི་འོད་ལྟར་གསལ་ལྷམ་མེར་ཡོད་པའི་རྒྱལ་བ་ཇོ་ནང་བའི་དངོས་ཡོད་གནས་ཚུལ་ལ་ཕྱིར་དྲན་ཐེངས་ཤིག་མི་བྱེད་ཐབས་མེད་རེད།