བཀའ་བསྡུ་ལྔ་བ་མཐའ་བྲལ་དབུ་མ་ཆེན་པོའི་གྲུབ་མཐའ་རབ་གསལ་ཞེས་བྱ་བ། བཙུན་པ་འཇམ་དཔལ་གྲགས་པ། ན་མོ་རཏྣ་ཏྲ་ཡཱ་ཡ། ལོ་ཀི་ཤྭ་ར་ཡ་ན་མོ་ན་མཿ བཀའ་བསྡུ་ལྔ་བ་མཐའ་བྲལ་དབུ་མ་ཆེན་པོའི་གྲུབ་མཐའ་རབ་གསལ་ཞེས་བྱ་བ། ལྷག་པའི་ལྷར་གྱུར་སྤྱན་རས་གཟིགས་ལ་ཕྱག་འཚལ་ལོ།། མཁྱེན་པ་མཐའ་ཡས་མི་འཇིགས་སྤོབས་པ་བརྙེས།། མ་འདྲེས་ཆོས་མངའ་མཁའ་ལྟར་སྐྱེ་འཇིག་བྲལ།། གདོད་ནས་ལྷུན་གྲུབ་མཐར་ཐུག་མི་བསླུ་བ།། དོན་དམ་ཆོས་ཀྱི་སྐུ་ལ་སྐྱབས་སུ་མཆི།།
ཕྱག་འཚལ་ཉེར་གཅིག་གི་བསྟོད་པའི་རྣམ་པར་བཤད་པ། ཏཱ་ར་ནཱ་ཐ། ན་མོ་ལོ་ཀེ་ཤྭ་ར་ཡ། སྒྲོལ་མ་འཁོར་བ་ཀུན་སྒྲོལ་བ། །དེ་ལ་གུས་པས་ཕྱག་འཚལ་ནས། །བསྟོད་པའི་རྒྱུད་དོན་ཅུང་ཟད་བཤད། །བགེགས་རྣམས་མ་ལུས་ཞི་བར་མཛོད། ། དེ་ལ་རྒྱུད་འདི་ནི་རྣལ་འབྱོར་བླ་ན་མེད་པ་ཡིན་ལ། དེ་ལས་ཀྱང་རྣལ་འབྱོར་མའི་རྒྱུད་དོ། །དེ་ལ་རིགས་དྲུག་ལས། རྡོ་རྗེ་རྟ་མཆོག་སྟེ་རྟའི་རྒྱལ་པོའི་རིགས་སོ། །དེ་ལས་ཀྱང་རིགས་ཀྱི་འཁོར་ལོའི་དབང་ཕྱུག་མ་བཅོམ་ལྡན་འདས་མ་སྒྲོལ་མའི་རྒྱུད་དེ། བསྟོད་པ་འདི་ཡང་རྒྱུད་ཆ་ཚང་བ་ཁོ་ནར་བཞེད་དོ། །
གཞི་ལམ་འབྲས་གསུམ་ལས་བརྩམས་པའི་དྲིས་ལན་ཡིད་ཀྱི་མུན་སེལ་ཞེས་བྱ་བ། ཉ་དབོན་ཀུན་དགའ་དཔལ། ལྟ་སྡོམ་སྤྱོད་འབྲས་གཞི་ལམ་འབྲས་བུ་གཞི་དབུ་མ་ལམ་དབུ་མ་འབྲས་བུ་དབུ་མ་ལས་བརྩམས་པའི། དྲིས་ལན་ཡིད་ཀྱི་མུན་པ་སེལ་བྱེད་བཀླག་པའི་དོན་གྲུབ་ཅེས་བྱ་བ་རྒྱལ་བ་སྲས་དང་བཅས་པ་ཐམས་ཅད་ལ་ཕྱག་འཚལ་ལོ།། ལྟ་ཡུལ་བདེན་གཉིས་གནས་ཚུལ་ལེགས་མཁྱེན་པའི།། ཡང་དག་ལྟ་དང་རྣམ་དག་ལེགས་པའི་ལམ། ། བསྒོམ་པའི་ལྷག་མཐོང་ཞི་གནས་མཐར་ཕྱིན་པའི།། ཐུབ་དབང་སྲས་དང་བཅས་ལ་ཕྱག་འཚལ་ལོ།།
དཔལ་དུས་ཀྱི་འཁོར་ལོའི་ཡང་སྙིང་རྣམ་བཅུ་དབང་ལྡན་གྱི་དོན་བཤད་པ་རིན་ཆེན་སྒྲོན་མེ་ཞེས་བྱ་བ། ཐུབ་བསྟན་དགེ་ལེགས་རྒྱ་མཚོ། བླ་མ་དང་དུས་ཀྱི་འཁོར་ལོ་ལ་ཕྱག་འཚལ་ལོ།། འདིར་བཅོམ་ལྡན་འདས་མཉམ་མེད་ཤཱཀྱའི་རྒྱལ་པོས་དཔལ་ལྡན་འབྲས་སྤུང་གི་མཆོད་རྟེན་དུ་གསང་བདག་ཕྱག་རྡོར་གྱི་སྤྲུལ་བ་ཆོས་རྒྱལ་ཟླ་བ་བཟང་པོ་ལ་སོགས་པའི་ལྷ་ཀླུ་མིའི་འཁོར་བསམ་གྱིས་མི་ཁྱབ་པ་ལ་གསུངས་པ། སྙིགས་དུས་ཀྱི་ཚེ་ཐུང་གཅིག་ལ་རྡོ་རྗེ་འཆང་གི་སར་འགོད་པའི་ལམ་སྟོན་པ།