ཇོ་ནང་དཔེ་ཚོགས།

༡ ཁྲིད་བརྒྱའི་བརྒྱུད་འདེབས་བརྩོད་བདེ་བརྒྱུད་པའི་མཚན་སྡོམ།

༢ ཁྲིད་བརྒྱའི་བརྒྱུད་འདེབས་ཁ་སྐོང་།

༣ ཟབ་ཁྲིད་བརྒྱ་དང་བརྒྱད་ཀྱི་ཁུངས་གླེང་བའི་ཞབས་རྟེན་ཚིགས་སུ་བཅད་པ།

༤ ཁྲིད་བརྒྱའི་སྤྱི་ཆིངས་རྣམ་པར་སྤེལ་བ་ངོ་མཚར་ཆོས་ཀྱི་སྒོ་མང་།

༥ ཁྲིད་བརྒྱའི་བརྒྱུད་པའི་ལོ་རྒྱུས།

༦ ཁྲིད་བརྒྱའི་སྔོན་འགྲོ་ཐུན་མོང་བ།

༧ ཁྲིད་བརྒྱའི་བརྒྱུད་པའི་ལོ་རྒྱུས་ཁ་སྐོང་།

༨ ཁྲིད་བརྒྱའི་སྔོན་འགྲོ་ཐུན་མོང་མ་ཡིན་པ།

༩ ཟབ་ཁྲིད་བརྒྱ་དང་བརྒྱད་ཀྱི་ཡི་གེ

༡༠ ཁྲིད་བརྒྱའི་མཚན་ཐོ།

༡༡ ཁྲིད་བརྒྱའི་ས་འགྲེལ་ཡ་མཚན་འཕྲུལ་གྱི་ལྡེ་མིག

༡༢ ཁྲིད་བརྒྱའི་བོད་དབང་བྱེད་ཚུལ།

༡ ཇོ་ནང་ཁྲིད་བརྒྱ།

ཟབ་དོན་ཉེར་གཅིག

ཏཱ་ར་ནཱ་ཐ།

༄༅།། ཨོཾ་སྭཱ་སྟི། ཟབ་མོ་གཟིགས་པ་རྣམས་ལ་ནི།། བཞེད་དགོངས་འགལ་བ་མི་སྲིད་སྙམ།། འོན་ཀྱང་གདུལ་བྱ་ཐ་དད་དང༌།། དགོས་པའི་དབང་གཟིགས་ཐ་དད་བསྙད།། བརྩོམ་པར་དམ་བཅའ། འདིར་ཆོས་རྗེ་ཀུན་མཁྱེན་ཆེན་པོ་རྟོན་བ་བཞི་ལྡན་དང༌། པཎྟི་ཏ་ཆེན་པོ་རྒྱལ་བ་ཤཱཀྱ་མཆོག་ལྡན་གཉིས། གཞན་སྟོང་དབུ་མའི་ལྟ་སྒོམ་གྱི་གནད་གཅིག་ཀྱང༌། གནས་སྐབས་ལྟ་བ་དེ་བཏན་ལ་འབེབས་པའི་སྐབས། གྲུབ་མཐའ་མི་འདྲ་བ་ཐན་ཐུན་མང་དག་ཡོད་པ་རྣམས་འདིར་ངོས་བཟུང་བར་བྱ་སྟེ།

༼༡༽བར་བ་དང་རིགས་ཚོགས་ཀྱི་བསྟན་དོན། དེ་ལ་ཤཱཀྱའི་མཚན་ཅན་ནི། ཐལ་རང་གི་ལྟ་བ་འདི་ཀུན་འཁོར་ལོ་བར་བ་དང༌། རིགས་ཚོགས་ཀྱི་དགོངས་དོན་འཐད་ལྡན་ཡིན་ཅིང༌། བར་བའི་དངོས་བསྟན་སྒྲ་ཇི་བཞིན་པ་ཡང་ཡིན། རིགས་ཚོགས་དང་འཁོར་ལོ་ཐ་མའི་དངོས་བསྟན་མི་མཐུན་པར་བཞེད་ལ། ཀུན་མཁྱེན་ཇོ་ནང་བ་ཆེན་པོ་ནི། ཐལ་རང་གི་ལྟ་བ་འདི་འཁོར་ལོ་བར་བ་དང་རིགས་ཚོགས་ཀྱི་དགོངས་པར་རློམ་པ་ཡིན་ཀྱང༌། དགོངས་པ་རྨ་མེད་པ་མ་ཡིན་ལ། རིགས་ཚོགས་དངོས་བསྟན་གྱི་ཚིག་ཕལ་ཆེར་ལ་འབྱོར་བ་ལྟར་སྣང་ཡང༌། མི་འབྱོར་པ་ཡང་མང་དུ་ཡོད་ལ། འཁོར་ལོ་བར་བའི་གཞུང་ཚིག་མང་བོས་གཞན་སྟོང་གསལ་བར་སྟོན་པས་འཁོར་ལོ་བར་བ་དང་རིགས་ཚོགས་ཀྱི་དངོས་བསྟན་སྒྲ་ཇི་བཞིན་པ་མ་ཡིན་ནོ།།
རྩོམ་འཕྲོ་ཀློགས། »

ཟབ་མོ་གཞན་སྟོང་དབུ་མའི་བརྒྱུད་འདེབས།

ཏཱ་ར་ནཱ་ཐ།

ན་མོ་གུ་རུ། ཟབ་མོ་གཞན་སྟོང་དབུ་མའི་བརྒྱུད་འདེབས། རྒྱལ་སྲས་བཅས་ལ་ཕྱག་འཚལ་ལོ༎ དཔལ་ལྡན་ཡེ་ཤེས་ལྔ་ལྡན་སྐུ་གསུམ་དངོས།། བརྒྱད་ཁྲི་བཞི་སྟོང་ཆོས་ཀྱི་འབྱུང་གནས་ཏེ།། འཕགས་ཚོགས་འདུས་པའི་ཚོགས་ཀྱི་གཙོ་བོ་མཆོག། བཅོམ་ལྡན་ཐུབ་པའི་དབང་པོར་གསོལ་བ་འདེབས།། ཐོག་མེད་དུས་ནས་བྱང་ཆུབ་སངས་རྒྱས་ཀྱང༌།། འགྲོ་བའི་དོན་དུ་རྒྱལ་སྲས་ཚུལ་སྟོན་པ།། རྒྱལ་བའི་རྒྱལ་ཚབ་ཆེན་པོར་དབང་བསྐུར་བརྙེས།། མགོན་པོ་བྱམས་པའི་ཞབས་༴ ཡེ་ཤེས་ཞི་བའི་འོད་བྱེད་ས་བརྙེས་ཤིང༌།། མི་ཕམ་མགོན་པོའི་ཞལ་ལུང་བདུད་རྩིཐོབ།། འཛམ་གླིང་འདི་ན་ཐེག་ཆེན་བསྟན་པའི་བདག། འཕགས་པ་ཐོགས་མེད་༴ གསང་བདག་རྡོ་རྗེ་འཛིན་དང་གཉིས་སུ་མེད།། མ་ལུས་རྒྱལ་བའི་བཀའ་རྣམས་ཐུགས་སུ་ཆུད། སངས་རྒྱས་བསྟན་པའི་ཉིན་བྱེད་གཅིག་པུར་གྱུར།། རྒྱལ་སྲས་དབྱིག་གཉེན་༴ ཕྲ་ཞིང་རྟོགས་དཀའ་དྲང་སྲོང་ཆེན་པོའི་ལམ།། བདེ་གཤེགས་སྙིང་པོའི་ལེགས་བཤད་སེང་གེའི་སྒྲ།། རིང་ནས་ནུས་པ་སླར་ཡང་གསལ་མཛད་པའི།། གངྒ་མཻ་ཏྲིའི༴ གཉིས་འཛིན་འཁྲུལ་བའི་དྲི་མ་གཏན་ནས་སྤངས།། བརྟུལ་ཞུགས་སྤྱོད་མཛད་ཨ་ཝདྷུ་ཏི་པ།། མི་ཕམ་ཞལ་གཟིགས་ཕྱོགས་ཀུན་རྒྱུ་བའི་ཚུལ།།
རྩོམ་འཕྲོ་ཀློགས། »