ལེའུ་དང་པོ།
༄༅། །ཨོཾ་སྭ་སྟི། ཆོས་ཉིད་ངང་ལས་མ་འགག་སྙིང་རྗེ་ཡིས། ། རིས་མེད་འགྲོ་བའི་དོན་དུ་བྱང་ཆུབ་སེམས། ། གཏོང་མིན་རྡོ་རྗེ་ལྟ་བུའི་དམ་ཚིག་གི ། རང་མདངས་ཕྲིན་ལས་རྣམ་བཞིའི་རྩེ་བརྒྱ་པས། ། རིང་ནས་སྨོན་ངན་ལོག་པའི་བསོད་ནམས་རིའི། ། ཁེངས་པས་དྲེགས་པའི་ང་རྒྱལ་བྲག་གི་རྩེ། ། རྒྱུ་འབྲས་སྟོན་ཕྱིར་བསྙིལ་ལ་ཆེས་དཔའ་བའི། ། སྐྱེས་མཆོག་ནོར་བུ་དགྲ་འདུལ་རྒྱལ་གྱུར་ཅིག། ལེའུ་དང་པོ། འཕགས་མཆོག་ཐུགས་རྗེའི་ཟླ་དཀར་ཞིག། སྣང་སྲིད་ཟིལ་གནོན་ཐུགས་ཀར་ཐིམ།། བཅོམ་ལྡན་རྒྱལ་བ་རིགས་ལྔ་ཡིས།། ཐོས་པ་དགའ་བར་དབང་བསྐུར་རོ།། ༈ དེའང་སྙིགས་མ་ལྔ་བདོ་བའི་དམུ་རྒོད་ཀྱི་སེམས་ཅན་ལས་ངན་པ་རྒྱུ་མཚན་ཉིད་ཀྱིས་གྲོལ་དཀའ་བ། འབྲས་བུ་གསང་སྔགས་ཀྱིས་སྨིན་དཀའ། སེམས་གྱོང་པོ་རྡོ་དང་འདྲ། སྲ་མཁྲེགས་ཟོང་གིས་མ་བརྐོས་ན། ཆབ་ཆུ་བོས་སྦངས་ཀྱང་ནེམ་མི་བབ། མར་སྣུམ་རྩི་བྱུགས་ཀྱང་སྐུད་མི་ལོན། ཆོས་འདི་ཕྱིས་བཀུག་པའི་གཉེན་མེད།
རྩོམ་འཕྲོ་ཀློགས། »