Category: འཕྲིན་གསར།

དཔལ་རྒྱལ་བ་ཇོ་ནང་པའི་རྡོར་གདན་སྨོན་ལམ་ཆེན་མོའི་ཆོས་བརྡ་གསལ་བསྒྲགས། དཔལ་རྒྱལ་བ་ཇོ་ནང་པའི་སྨོན་ལམ་ཆེན་མོ་འཛམ་གླིང་ཕན་བདེའི་གྲུ་ཆར་ཐེངས་བཅུ་གཅིག་པ་དེ་ཕྱི་ལོ་ ༢༠༡༢ ཟླ་ ༡༢ ཚེས་ ༣༠ ནས་ཕྱི་ལོ་ ༢༠༡༣ ཟླ་ ༡ ཚེས་ ༥ བར་ཉིན་གྲངས་བདུན་གྱི་རིང་གནས་མཆོག་རྡོ་རྗེ་གདན་དུ་ཚོགས་གནང་རྒྱུ་ཐུགས་གཏན་འཁེལ་ཡོད་པ་ལགས་ན། རྒྱ་བལ་འབྲུག་གསུམ་དང་། ཕྱི་རྒྱལ་ཡུལ་གྲུ་ཁག་གི་ཆོས་ཚོགས་ནང་བཞུགས་དཔལ་རྒྱལ་བ་ཇོ་ནང་པའི་མཁན་སྤྲུལ་སེར་སྐྱ་ཡོངས་ཀྱི་དབུས་རིས་མེད་བླ་གྲྭ་མི་མང་དང་། དད་སློབ་སྦྱིན་བདག་ཁག་བཅས་གོང་གསལ་དུས་ཚེས་ཐོག་ངེས་ཕེབས་ཡོང་བའི་གསལ་བསྒྲགས་སུ། དཔལ་རྒྱལ་བ་ཇོ་ནང་པའི་སྨོན་ལམ་ཆེན་མོ་འཛམ་གླིང་ཕན་བདེའི་གྲུང་ཆར་གྱི་གོ་སྒྲིག་ཚོགས་ཆུང་ནས་ཕྱི་ལོ་ ༢༠༡༢ ཟླ་ ༡༢ ཞེས་ ༡ ལ།

ཇོ་ནང་ཤམྦྷ་ལའི་ངེས་གསང་གཞན་སྟོང་དབུ་མ་ཆེན་མོའི་བགྲོ་གླེང་ཐེངས་བདུན་པ་དེ་ཕྱི་ལོ་ ༢༠༡༢ ཟླ་ ༦ ཚེས་ ༡༡ ཉིན་མགོ་ལོག་ལྕམ་མདའ་དགོན་པའི་ནང་དབུ་འཛུགས་གནང་ཡོད་འདུག ཕྱི་ཚེས་ ༡༡ ཉིན་མགོ་ལོག་ལྕན་མདའ་དགོན་དུ་ཇོ་ནང་ཤམྦྷ་ལའི་ངེས་གསང་གཞན་སྟོང་དབུ་མ་ཆེན་མོའི་བགྲོ་གླེང་ཐེངས་བདུན་པ་དེ་དབུ་འཛུགས་གནང་ཡོད་འདུག ཐེངས་འདིའི་བགྲོ་གླེང་ཐོག་རྒྱལ་བ་ཇོ་ནང་པའི་དགོན་ཆེན་ཤར་འཛམ་ཐང་བསམ་གྲུབ་ནོར་བུའི་གླིང་དང་། བསྭེ་དགོན་ཐུབ་བསྟན་ཕྱོགས་ལས་རྣམ་རྒྱལ་གླིང་། ལྕམ་མདའ་དགོན་ཐུབ་བསྟན་ངེས་དོན་ཆོས་འཁོར་གླིང་། ཡར་ཐང་དགོན་ངེས་དོན་བཤད་སྒྲུབ་གླིང་། ལུང་སྐྱ་དགོན་ངེས་དོན་མི་འགྱུར་བདེ་ཆེན་གླིང་། གཙང་བཀྲ་ཤིས་ཆོས་འཁོར་གླིང་སོགས་ཇོ་ནང་པའི་དགོན་སྡེ་ ༥༠ ལྷག་གི་དགེ་འདུན་པ་རྩེ་གྲས་ ༢༠༠༠ བརྒལ་བ་དང་། བླ་སྤྲུལ་མཁན་པོ་དགེ་བཤེས་སོགས་གནད་ཡོད་མི་སྣ་བརྒྱ་ཕྲག་ལྷག་མཉམ་ཞུགས་གནང་ཡོད་འདུག  བགྲོ་གླེང་ཉིན་དང་པོར་མདོ་སྔགས་སློབ་གླིང་གི་མཁན་ཆེན་བགྲོ་གླེང་གོ་སྒྲིག་པའི་ཚོགས་གཙོ་བློ་བཟང་ཆོས་འཕེལ་མཆོག་གིས་ཐེངས་འདིའི་བགྲོ་གླེང་གི་སྒྲིག་གཞི་དང་། ཀུན་སྤྱོད་ཁུར་སྟངས། བགྲོ་གླེང་ཚོགས་སྟངས་སོགས་ཀྱི་སྐོར་ལ་གསུང་བཤད་གནང་བ་དང་། དེ་དང་ཆབ་གཅིག་ཆོས་ཁྲིམས་དང་གནད་ཡོད་མི་སྣ་མང་པོ་ཞིག་གིས་བགྲོ་གླེང་དེ་དང་འབྲེལ་བའི་བཀའ་སློབ་ལམ་སྟོན་གནང་ཡོད་འདུག ཉིན་གཉིས་པར་མགོ་ལོག་ལྕམ་མདའ་དགོན་པའི་མཁན་ཆེན་ཀུན་དགའ་གསལ་བྱེད་མཆོག་གིས་བགྲོ་གླེང་བ་ཡོངས་ལ་ཇོ་ནང་རྗེ་བཙུན་ཏཱ་ར་ནཱ་ཐས་མཛད་པའི་ལམ་རིམ་བདུད་རྩིའི་སྙིང་ཁུ་བཀའ་ཁྲིད་ཀྱི་འགོ་བཙུགས་པ་དང་འབྲེལ་བཀའ་སློབ་ལམ་སྟོན་ཟབ་རྒྱས་གནང་ཡོད་པ་དང་། དེ་ནས་མུ་མཐུད་དགོན་སྡེ་སོ་སོའི་བཤད་གྲྭ་བ་རྣམས་ཀྱིས་རྩོད་རྒྱུགས་དང་བློ་རྒྱུགས། འཆད་འཁྲིད་བཅས་ཀྱི་རྒྱུགས་སྤྲོད་དང་། གཞུང་ཆེན་བཀའ་བོད་ལྔའི་ཐོག་བགྲོ་གླེང་དང་རྩོད་པ་བྱེད་རྒྱུའི་འགོ་འཛུགས་གནང་ཡོད་འདུག་ལ། ཕྱི་ཚེས
རྩོམ་འཕྲོ་ཀློགས། »

༄༅༎ བོད་ཀྱི་ནང་བསྟན་རིག་གནས་ལ་གདེང་འཇོག་གིས་ཞིབ་འཇུག་དང་། སློབ་གཉེར་གནང་མཁན་རྣམས་དང་། དེ་བས་ཀྱང་བོད་ཀྱི་སྐད་ཡིག་ལ་བརྩེ་ཞིང་དུང་བའི་རིས་མེད་སྐྱེ་བོ་རྣམས་ལ་ཆེད་དུ་དམིགས་ནས། ནང་བསྟན་རིག་མཛོད་དྲ་བས་རིག་མཛོད་འཕྲུལ་དེབ་ཞེས་པའི་སྡེ་ཚན་འདི་བཀོད་སྒྲིག་བྱས་ཏེ། འཕྲུལ་དེབ་སྣ་མང་རིན་མེད་ཆོས་སྦྱིན་དུ་སྤེལ་བཞིན་ཡོད་པས། རྒྱ་ཆེའི་ཤེས་ལྡན་རྣམས་ཀྱིས་དེང་སྐབས་སྤྱོད་སྒོ་ཤིན་ཏུ་ཆེ་བའི་ཀུ་ཤུ་རྟགས་ཅན་གྱི་རྩིས་འཁོར་ iPad, iPhone and iPod touch སོགས་ཀྱི་ནང་གང་འདོད་དུ་ཕབ་ལེན་གནང་ཆོག འདི་ནི་གངས་ཅན་ཁ་བ་རི་བའི་ཆོས་རིག་མི་ཉམས་རྒྱུན་འཛིན་གྱི་ཞལ་འདེབས་ཆུང་ཆུང་ཞིག་ཡིན་ལ། དོན་དམ་པའི་སྤུན་ཟླའི་འདུ་ཤེས་མཚོན་སླད་ཁྱེད་ལ་རིན་མེད་དུ་འབུལ་བཞིན་པའི་ལེགས་སྐྱེས་ཤིག་ཀྱང་ཡིན་པས་དགྱེས་བཞེས་གནང་རོགས། གསལ་བསྒྲགས། ཕར་ཕྱིན་ཉ་ཊིཀ་སྟོད་ཆ་བསྐྱར་བསྒྲིགས་བྱས་ཡོད་པས།   དོན་གཉེར་ལྡན་པ་རྣམས་ཀྱིས་ཕབ་ལེན་གནང་རོགས། ཕར་ཕྱིན་ཉ་ཊིཀ  སྟོད་ཆ། ཕབ་ལེན་གནོངས། མཛད་པ་པོ།  ཉ་དབོན་ཀུན་དགའ་དཔལ།   ༡༢༨༥–༡༣༧༩ བརྗོད་བྱ།   དངོས་པོ་བརྒྱད་དང་དོན་བདུན་ཅུ། དེབ་ཨང་། ༡༣༢
རྩོམ་འཕྲོ་ཀློགས། »

གྲོས་གཞི། ཆོས་ཚོགས་ཐེངས་དགུ་པའི་གྲོས་ཆོད་དགོངས་དོན་ལྟར་ཆོས་རིག་ལས་ཁུངས་ནས་རྒྱལ་བ་་ཇོ་ནང་པའི་སྐོར་འབྲེལ་ཡོད་བླ་ཆེན་རྣམ་པའི་སྐུ་ཚབ་བསྐོ་བཞག་སྐོར་མཐའ་མའི་གནས་སྟངས་ལ་གནང་ཕྱོགས་ཇི་དགེ་བཀའ་བསྡུར་ཐག་གཅོད་གནང་རྒྱུ། གྲོས་ཆོད། ཆོས་ཚོགས་སྔོན་མའི་གྲོས་ཆོད་ནང་། རྒྱབ་ལ་ཇོ་ནང་པའི་ཆོས་འབྱུང་སྐོར་ལ་ཉམས་ཞིབ་བྱ་རྒྱུ་གསལ་ཡང་། གཅིག་ནས་བཀའ་བརྒྱུད་ཀྱི་སྐུ་ཚབ་གཏོང་ཐབས་མ་བྱུང་བའི་ཆ་ནས་ཞིབ་འཇུག་ཚོགས་ཆུང་ད་བར་ཚུགས་ཐུབ་མེད་པ་དང་། གཉིས་ནས་རྒྱལ་བ་ཇོ་ནང་པ་ནི། ལྟ་གྲུབ་དང་ཆོས་བརྒྱུད་ཀྱི་ཆ་ནས་རང་རྐང་ཚུགས་པ་ཞིག་ཡིན་པར་ཆོས་ཚོགས་འདི་ཐོག་ནས་ངོས་འཛིན་བྱུང་བར་བརྟེན། ཞིབ་འཇུག་ཚོགས་ཆུང་དགོས་གལ་མ་མཆིས། འོན་ཀྱང་ཇོ་ནང་པར་ཆོས་བརྒྱུད་སྤྱི་འཐུས་ཀྱི་ཐོབ་ཐང་གནང་མིན་ནི་ཁྲིམས་བཟོ་ལྷན་ཚོགས་ཀྱི་འགན་དབང་ཡིན་པ་ལས་ཆོས་ཚོགས་འདིར་འབྲེལ་བ་མེད་པའི་ངོས་འཛིན་བྱུང།