Category: གསུང་འབུམ།

ཏཱ་ར་ནཱ་ཐ། ༄༅།། ན་མོ་བུདྡྷ་ཡ། །ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་མདོ་དོན་ཕྱོགས་ཙམ་སྨོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་པ་དོན་མང་པོ་ལ་འཇུག་ཀྱང༌། དངོས་དང་གཙོ་བོ་ནི། ཤེས་བྱ་ཐམས་ཅད་ཀྱི་གནས་ལུགས་གཉིས་མེད་ཀྱི་ཡེ་ཤེས་བདེ་གཤེགས་སྙིང་པོ་དེ་ཡིན་ལ། མདོ་སྡེ་འདིས་ཤེར་ཕྱིན་དེའི་རང་བཞིན་སྤྲོས་བྲལ་གྱི་མཚན་ཉིད་དང༌། འགྱུར་བ་མེད་པའི་མཚན་ཉིད་དང༌། རྣམ་པ་ཐམས་ཅད་པའི་མཚན་ཉིད་ཏེ། དོན་གྱི་གཙོ་བོ་གསུམ་པོ་དེ་སྟོན་ཅིང༌། ཚིག་ཤིན་ཏུ་ཉུང་ངུའི་ཕྱིར་སྙིང་པོའོ། །ཇི་ལྟར་སྟོན་ཞེ་ན། གཟུགས་མེད་ཅེས་པ་ལ་སོགས་པས་སྤྲོས་བྲལ་དང༌། མ་སྐྱེས་པ་ཞེས་པ་ལ་སོགས་པས་འགྱུར་མེད་དང༌། གཟུགས་སྟོང་པའོ་ཞེས་པ་ལ་སོགས་པས་རྣམ་པ་ཐམས་ཅད་པའོ། ། མདོ་འདི་ལ་དོན་གསུམ་སྟེ། གླེང་བསླང་བ་དང༌། དོན་གཏན་ལ་དབབ་པ་དང༌། ཡི་རང་མངོན་པར་བསྟོད་པའོ། །དང་པོ་ལ། གླིང་གཞིའི་ཚིག་དང༌། མདོ་སྡེའི་ཆོས་འབྱུང་བའི་སྒོ་གཉིས་སོ། ། རྩ་བའི་དང་པོ།  གླེང་བསླང་བ། ༼༡༽ གླིང་གཞིའི་ཚིག དང་པོ་ནི། 
རྩོམ་འཕྲོ་ཀློགས། »

གཞན་སྟོང་ཁས་ལེན་སེང་གེའི་ང་རོ་ཞེས་བྱ་བ། མི་ཕམ་རྣམ་རྒྱལ་རྒྱ་མཚོ། ན་མོ་གུ་རུ་མཉྫུ་ཤྲཱྀ་ཡེ།  རྒྱལ་བ་མི་ཡི་སེང་གེ་ཉི་མའི་གཉེན།  །བྱམས་ཆེན་བྱམས་པ་ཐོགས་མེད་བརྒྱུད་པ་དང༌།  །གངས་ཅན་འཇིགས་མེད་སེང་གེའི་སྒྲ་སྒྲོག་པ། །དེ་དག་ཀུན་ལ་གུས་པས་ཕྱག་འཚལ་ལོ།   །རབ་འབྱམས་སྲས་བཅས་རྒྱལ་བའི་གསང་བའི་མཛོད།  །ངེས་དོན་མདོ་རྒྱུད་མན་ངག་སྙིང་པོའི་བཅུད།  །འཕགས་བོད་མཁས་གྲུབ་དུ་མའི་དགོངས་ཉམས་ཕུལ།  །ཟབ་མོ་དབུ་མའི་ཁས་ལེན་མདོ་ཙམ་བཤད།  ། དེ་ལ་འདིར་གཞན་སྟོང་སྨྲ་བ་རྣམས་ཀྱིས།  རྒྱལ་བའི་བཀའ་ངེས་དོན་འཁོར་ལོ་ཐ་མ་ཕྱིར་མི་ལྡོག་པ་འཇིག་མེད་རྟག་པའི་ལམ་བསྟན་པ་རྣམས་དང༌།   རྒྱལ་ཚབ་ས་བཅུའི་དབང་ཕྱུག་གི་གསུང་ཐེག་པ་ཆེན་པོ་རྒྱུད་བླ་མ་དང༌། འཕགས་པ་ཐོགས་མེད་སྐུ་མཆེད་ཀྱིས་གསུངས་པའི་ཟབ་དོན་རྣམས་དང༌།   མགོན་པོ་ཀླུ་སྒྲུབ་ཀྱི་བསྟོད་ཚོགས་སོགས་མདོ་ཡི་ངེས་དོན་གྱི་ལུང་རྣམས་དང༌། དཔལ་དུས་ཀྱི་འཁོར་ལོ་སོགས་སྔགས་རྒྱུད་རྣམས་དང༌།  དེའི་དགོངས་འགྲེལ་གསལ་བྱེད་སེམས་འགྲེལ་སྐོར་གསུམ་སོགས་དགོངས་པའི་གནད་གཅིག་པར།  ཟབ་མོ་ངེས་དོན་དབུ་མ་ཆེན་པོའི་གཞུང་འཛུགས་པར་མཛད་པ་འདི་ཤིན་ཏུ་ཟབ་ཅིང་རྒྱ་ཆེ་བའི་དགོངས་གནད་ཅན་ཡིན་ཡང༌། དེང་སང་ནི་གཞུང་སྨྲ་བའི་ཁུར་འཛིན་པ་ཤེས་མི་ཤེས་ཐམས་ཅད་ཀྱི་ཁ་ཐོ་མཆུ་ཐོ་ཅི་ཕོག་བྱེད་པ་ནི་ཤིན་ཏུ་འཁྲུལ་ཏེ།  དེའི་ཚུལ་མདོ་ཙམ་བརྗོད་ན།  གཞན་སྟོང་གི་གྲུབ་མཐའ་ངེས་པར་གཏན་ལ་འབེབ་ན།   དང་པོ་མགོན་པོ་ཀླུ་སྒྲུབ་ཀྱི་གཞུང་བཞིན་དུ་ཆོས་ཐམས་ཅད་རང་བཞིན་མེད་པར་གཏན་ལ་འབེབས་དགོས་ཏེ།  དེ་མ་ཤེས་ན་ཀུན་རྫོབ་རང་ངོ་ནས་སྟོང་ཚུལ་དང༌།   དོན་དམ་གཞན་གྱིས་སྟོང་ཚུལ་གཏན་ལ་མི་ཕེབ་པས། ཐོག་མར་སྤྲོས་བྲལ་སོ་སོར་རང་གིས་རིག་པར་བྱ་བའི་གཏན་ལ་དབབ་པར་བྱའོ།།   དེ་ཡི་རྗེས་སུ་དོན་དམ་སྤྲོས་པ་དང་བྲལ་བའི་དོན་དེ་ལྟ་བུ་ནི།   ཡུལ་ཅན་མི་རྟོག་ཡེ་ཤེས་ཀྱིས་རྟོགས་ནས་གནས་སྣང་མཐུན་པར་གྱུར་པའི་ཡུལ་དང་ཡུལ་ཅན་གཉིས་ཀ་ལ་དོན་དམ་ཞེས་བརྗོད་པ་དང༌།
རྩོམ་འཕྲོ་ཀློགས། »

ལྟ་བ་ཤན་འབྱེད་ཡིད་ཀྱི་མུན་སེལ་ཞེས་བྱ་བ། ཀུན་མཁྱེན་རྟོན་པ་བཞི་ལྡན། ཨོཾ་བདེ་ལེགས་སུ་གྱུར་ཅིག   གཙང་བདག་བདེ་ཆེན་ཆོས་སྐུ་དང༌།  །གཟུགས་སྐུ་འཁོར་བཅས་ལ་བཏུད་དེ།   །རང་གཞན་ལམ་གྱི་ལྟ་བ་ཡི།    །མུན་སེལ་སྒྲོན་མེ་བརྩམ་པར་བགྱི།  །འཕགས་ཚོགས་བདག་ལ་སྐྱབས་མཛོད་ཅིག   །ཐར་འདོད་ཤེས་ལྡན་དོན་གཉེར་ཀུན།  །གྲུབ་མཐའ་གྲགས་པའི་རྗེས་འབྲང་དང༌།    །ཞེན་ཕྱོགས་འཛིན་པའི་རབ་རིབ་ཀུན།  །བསལ་ཏེ་ཆོས་ལ་འཇུག་པར་རིགས།   །ཆོས་ལའང་ཆོས་ཚུལ་དུ་མ་སྣང༌།  །ལྟ་སྤྱོད་བསྒོམ་པ་ཆོས་ཀྱི་གཞུང༌།  །ལྟ་བ་འཁྲུལ་ན་སྤྱོད་པ་ནོར། །དེ་ནས་སྒོམ་པའང་ཉམས་པར་འགྱུར།   །དེ་ཕྱིར་ཐོག་མར་ལྟ་བ་གཅེས། །ཡོད་མེད་འབྲེལ་བ་དག་ལ་ཡོད།   །ལུགས་བཟློགས་སྒྲིབ་པ་ཟད་ལ་མེད།  །རྒྱས་རྟག་རྟག་ཆད་བདེན་རྫུན་དང༌། །ཕན་ཚུན་འཆོལ་བའི་སྒྲོ་སྐུར་སོགས།  །སྤངས་ཏེ་བདེན་གཉིས་རང་སར་བལྟ།  ། ཀུན་རྫོབ་བདེན་པ་རང་གིས་སྟོང༌།  །སྟོང་ཡང་སྣང་བ་སྒྱུ་མའི་དཔེ། །འཁྲུལ་ཡང་མི་བསླུ་བདེན་པའི་དོན།  །མ་བརྟགས་མ་དཔྱད་བློ་ངོར་ཡོད།   །དཔྱད་ན་ཅུང་ཟད་གྲུབ་པ་མེད། །ལུགས་འབྱུང་འགྱུར་ཆེན་ཙམ་ལ་ཡོད།  །ལྷུན་གྲུབ་ཆོས་ཉིད་ཐེབས་ལ་མེད། 
རྩོམ་འཕྲོ་ཀློགས། »

ང་ཚོའི་སྐད་ཡིག་ལ་ཆ་བཞག་ན། དཔེར་ན་ལེགས་སྦྱར་གྱི་སྐད་དེ་ཚད་མཐོ་པོ་ཞིག་ཏུ་བརྩི་གི་ཡོད་ཅིང༌། ནུབ་ཕྱོགས་ལ་ Latin ༼གནའ་རབས་ཡོ་རོབ་ཁུལ་གྱི་སྐད་ཡིག༽ ཞེས་བརྗོད་སྐབས་ཧ་ཅང་ཚད་མཐོ་པོར་བརྩི་གི་ཡོད། ཤར་ཕྱོགས་སུ་སཾསྐྲྀ་ཏ་ཞེས་བརྗོད་ཚེ་ཚད་མཐོ་པོར་བརྩི་གི་ཡོད་པ་ལྟར་ང་ཚོ་བོད་པའི་ཡི་གེ་འདི་སཾསྐྲྀ་ཏ་མཉམ་དུ་ཏག་ཏག་འགྲོ་ཐུབ་མཁན་གྱི་སྐད་ཡིག་ཞིག་ཆགས་ཡོད། དེ་ཡང་སྔ་མོ་ཕྱི་ལོ་ ༡༩༥༠ ནང་དབྱིན་ཇིས་ནང་ཆོས་ལ་དོ་སྣང་བྱས་ཏེ་ནང་ཆོས་བསྒྱུར་མཁན་མཁས་པ་ལ་ལས་བརྗོད་པར། ནང་ཆོས་བོད་ཡིག་ལ་བསྒྱུར་བ་དང་རྒྱ་ཡིག་ལ་བསྒྱུར་བ་གཉིས་བསྡུར་སྐབས་བོད་ཡིག་བསྒྱུར་ཡོད་པ་དེ་ལྡབ་འགྱུར་གྱིས་ལེགས་པ་འདུག་ཅེས་ཟེར།དེང་སྐབས་ནང་ཆོས་ཀྱི་ Professor ༼གཙུག་ལག་སློབ་དཔོན་ནམ། མཁས་དབང༌།༽ མཁས་དབང་ལ་ལས་ལེགས་སྦྱར་སྐད་ནང་གོ་དཀའ་བ་དེ་དག་བོད་ཡིག་ནང་ཞིབ་འཇུག་བྱེད་ཀྱི་ཡོད། བོད་ཡིག་ནང་གོ་ཐུབ་ཅིང་བོད་ཡིག་ནང་ལ་གོ་བ་དེ་ལེགས་སྦྱར་གྱི་ཚིག་གཅིག་དོན་མང་པོར་འགྲོ་བ་དེ་དག་སྐབས་དེའི་ལོ་ཙཱ་བ་དང་ཞུ་ཆེན་གྱི་རྒྱ་གར་མཁས་པ་གཉིས་ཟུང་འབྲེལ་ཐོག་ནས་བསྒྱུར་བས་ན། དོན་དེ་དཔྱིས་ཕྱིན་པ་དང་འཁྲུལ་པ་མེད་པ་ཞིག་བསྒྱུར་ཡོད་པ་ཧ་ཅང་གསལ་པོ་ཡིན། དེར་བརྟེན་བོད་པའི་རྣམ་དཔྱོད་དེས་ཀྱང་གཅིག་མཚོན་གྱི་འདུག་ལ། བོད་པའི་ཡི་གེ་དེས་ཀྱང་དངོས་གནས་ཧ་ལས་པ་ཞིག་དང༌། གོ་ཆོད་ཡིན་པ་ཞིག་མཚོན་ཐུབ་ཀྱི་ཡོད། འོན་ཀྱང་དེང་སྐབས་ཀྱི་ Modern Science ༼དེང་དུས་ཚན་རིག༽ ལྟ་བུ་དང༌། Modern Politic ༼དེང་དུས་ཀྱི་སྲིད་དོན།༽ ལྟ་བུ། Modern Economic
རྩོམ་འཕྲོ་ཀློགས། »