ཐོབ་ཐང་འདྲ་མཉམ་ནི་དམངས་གཙོའི་སྲོག་རྩ་ཡིན།
ཐོབ་ཐང་འདྲ་མཉམ་ནི་དམངས་གཙོའི་སྲོག་རྩ་ཡིན། བེ་རི་རིག་པའི་རྡོ་རྗེ། དེང་སྐབས་རྒྱ་ནག་དང་། བྱང་ཁོར་རེས་ཡ། ར་ཤིས་ཡ་སོགས་དམར་ཕྱོགས་རྒྱལ་ཁབ་འགའ་རེ་ལས། འཛམ་གླིང་ཁྱོན་ཡོངས་ཀྱི་རྒྱལ་ཁབ་ཕལ་མོ་ཆེས་འགྲོ་བ་མིའི་ལྷན་སྐྱེས་ཀྱི་ཐོབ་ཐང་ལ་བརྩི་འཇོག་བྱས་ཏེ། དམངས་གཙོའི་ལམ་ལུགས་གཙིགས་སུ་བཟུང་ནས་སོ་སོའི་མི་མང་ལ་འདྲ་མཉམ་གྱི་ཐོབ་ཐང་ལ་ལོངས་སུ་སྤྱོད་ཆོག་པའི་ཁྲིམས་ལུགས་གཏན་ལ་ཕབ་ཅིང་། དེ་ལྟར་ལག་ལེན་དུ་འདེབས་བཞིན་ཡོད་མོད། བཙན་བྱོལ་བོད་མིའི་སྲིད་གཞུང་གིས་ད་དུང་དུས་རབས་ ༡༧ ནང་གི་ནོར་འཁྲུལ་ཅན་གྱི་སྲིད་བྱུས་དེ་དག་མདོག་མ་འགྱུར་དྲི་མ་ཡལ་བར་རྒྱུན་ཁྱོངས་བྱས་ནས་བསྡད་ཡོད།
